Apocalipsis 4:10 - Dios Rimashca Shimicunami

¹⁰ ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami:

Mushuj Testamento Diospaj Shimi

¹⁰ Shinallataj chai ishqui chunga chuscu yuyajcunapish, jatun tiyanapi Tiyacujpaj ñaupajpimi pambacama cumurircacuna. Chashna cungurishpami, huiñai huiñaita Causacujtaca adorancuna. Paicunapaj coronacunatapish, chai jatun tiyarina ñaupajpi churashpami, cashna nincuna:

Apocalipsis 4:10 Iomraidhean Croise

1 CRÓNICAS 29:20

Chashna nishca q'uipami Davidca, tucui chaipi tandanacushcacunataca: “Cunanca cancunata Mandaj Taita Diosta allimari cangui nichij” nirca. Shina nijpica tucuicunami paicunapaj ñaupa yayacunata Mandaj Diostaca allimari cangui nishpa, Mandaj Diospaj ñaupajpipish, jatun mandaj Davidpaj ñaupajpipish cungurishpa adorarcacuna.

2 CRÓNICAS 7:3

Ninapish, Mandaj Diospaj sumaj cashcapish jahua pachamanta chai huasi jahuaman uriyamucujtaca, tucui israelcuna ricushpami cungurishpa, rumicunata churashca pambaman tupajta cumurircacuna. Shinallataj Mandaj Diostaca: “Paica allimari, pai llaquij canaca huiñai huiñaipajmi” nishpami adorarcacuna, alabarcacuna.

JOB 1:20

Chaimantaca Jobca jatarishpami, paipaj churanatapish lliquirishpa, uma ajchatapish rasparishpa, pambapi cungurishpa Diosta adorashpa,

SALMOS 115:1

Mandaj Dioslla alabashca canaca mana ñucanchijpajchu, mana ñucanchijpajchu quiquinpaj shutitamari alabashca cana cangui. Quiquinca c'uyaj cashcamanta, mana llullaj cashcamantami chashna alabashca cana cangui.

SALMOS 47:8

Taita Diosca llajtacunata mandajmi. Taita Diosca jucha illaj paipaj tiyanapimi tiyarin.

SALMOS 72:11

Tucui jatun mandajcunami paipaj ñaupajpi cumuringacuna. Tucui llajtacunami paipajta rurangacuna.

SALMOS 95:6

Shamuichij, adorashunchij, Shamuichij paipaj ñaupajpi cumurishunchij. Ñucanchijta ruraj Mandaj Diospaj ñaupajpi cungurishunchij.

ISAÍAS 6:1

Jatun mandaj Uzías huañui huatami, ñucaca Jatun Diostaca sumaj jatun tiyanapi tiyacujta, paipaj jahua churanaca Diospaj huasi ucupi jundajta ricurcani.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 4:34

Shina cashpapish, ñucata llaquichishca huatacuna ña tucuricuipimi, Nabucodonosor ñucaca jahua pachata huichilla ricurcani. Chaimi ñucamanca gente yuyaillatataj tigrachirca. Jahua pacha Taita Diostaca allimari cangui nircanimi. Huiñai causaiyujtaca alabashpa jatunyachishpami cashna nircani: Quiquin mandanaca mana tucurij huiñaita mandanami. Quiquinca huahua huahuata mandacunguillami.

Mateo 2:11

Huasiman yaicushpaca, huahuataca paipaj mama Mariahuan cajta ricushpami, cungurishpa adorarcacuna. Paicuna cungapaj apamushcacunata pascashpami achca valij curitapish, inciensotapish, mirratapish curcacuna.

Lucas 24:52

Jesusta adorashca q'uipaca jatunta cushicushpami paicunaca Jerusalenman tigrarcacuna.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

DEUTERONOMIO 32:40

Ñuca maquita huichi chutashpami: “Ñucaca huiñaita causacujmi cani” nini.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 11:16

Shina nijpica, Diospaj ñaupajpi caj paicunapaj tiyarinapi tiyacuj ishqui chunga chuscu ancianocunaca cungurishpa cumurishpa Diosta adorashpaca,

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 15:7

Chai causacuj chuscucunamanta shujmi, canchis angelcunamanca huiñai huiñaita causacuj Dios p'iñarishpa jatunta llaquichinahuan junda canchis curi copacunata curca.

Apocalipsis 19:4

Ishqui chunga chuscu ancianocunapish, causaiyuj chuscucunapish jatun tiyarinapi tiyacuj Diostaca, cungurishpami adorarcacuna. Paicunaca: “¡Chashna cachun! nishpaca, cushicushpami ¡Alabarcacuna!”

Apocalipsis 4:2

Chashna nincami ñucaca tucuipi Diospaj Espiritulla pushashca cashpa, jahua pachapica shuj jatun tiyarinata churashcata, chai jatun tiyarinapica shuj tiyacujtapish ricurcani.

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,

Apocalipsis 5:14

Chaipica chai causaiyuj chuscucunapish: “¡Chashnataj cachun!” nijpica ishqui chunga chuscu ancianocunapish cungurishpa cumurishpami, huiñai huiñaita causacujta adorarcacuna.

Apocalipsis 5:8

Librota ña japijpica, causaiyuj chuscucuna, ishqui chunga chuscu ancianocunapishmi, Ovejapaj ñaupajpi cungurircacuna. Chai ancianocunaca tucuicunami arpacunata, inciensohuan junda curi copacunatapish charicurcacuna. Chai inciensoca jucha illajcuna Diosta mañashcacunami.

Apocalipsis 7:11

Jatun tiyarinapaj, ancianocunapaj, causaiyuj chuscupaj, muyundijpimi tucui angelcuna shayacurcacuna. Paicunaca jatun tiyarinapi tiyacuj Diostami cungurishpa cumurishpa adorashpaca,