Apocalipsis 3:8 - Dios Rimashca Shimicunami

⁸ Ñucaca, can imalla rurashcataca yachanimi. Riqui, can huillachunca pungu pascashcatami ricuchini. Chaitaca pi mana huichcai tucunchu. Canca ashalla fuerzata charishpapish ñuca yachachishca shimicunatapish allitami pajtachicungui. Ñuca shutitapish mana rijsinichu mana nishcanguichu.

Mushuj Testamento Diospaj Shimi

⁸ “Ñucaca, can imalla ruracushcataca yachanimi. Riqui, ñucami can huillachun punguta pascani, chaitaca pi mana huichcai tucunchu. Canca, huillashpa catina yuyaita charinguirajmi. Ñuca Shimitaca, allimi caźucungui. Ñuca shutitaca mana pacashcanguichu.

Apocalipsis 3:8 Iomraidhean Croise

PROVERBIOS 30:9

Yalli charijyashpaca canta cungarishpa: “¿Mandaj Diosca pipishchari?” nipajmi cani. Yalli huajcha cashpapish shuhuashpa, can ñuca Diosta c'amichipajmi cani.

DANIEL 11:34

Paicuna chai llaquihuan cajpica, ashata ayudangami. Achcacunami catinanqui shimicunata rimashpa paicunahuan tandanacuj tucungacuna.

Lucas 12:9

Ashtahuanpish shujtajcunapaj ñaupajpi ñucata catij cashcata huillanata pinganachijpica, ñucapish Taita Diospaj angelcunapaj ñaupajpica, paimanta huillanataca pingarishami.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Juan 17:6

Cai pachapi causajcunamanta agllashpa ñucaman cushcacunamanca quiquin ima shina cashcatami huillarcani. Paicunaca quiquinpajmi carca. Quiquinpaj Shimitapish cazurcacunami.

Hechos 14:27

Chaiman chayashpaca, tandanacushca crijcunata tandachishpami, Taita Diosca jatun allicunata paicunahuan rurashcata, mana judiocuna crichun punguta pascaj shina paicunapaj yuyaita pascashcatapish parlarcacuna.

1 Corintios 16:9

Achcacuna ñucata p'iñajpipish, shuj jatun pungumi ñucapajca pascarishca, chaica allimari.

2 Corintios 2:12

Troas pueblopi Cristomanta alli huillaita huillangapaj chayajpica, Mandaj Jesusmi punguta pascarca.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Colosenses 4:3

Cristopaj pi mana yachashcata ñucanchij huillangapaj Mandaj Jesusllataj punguta pascachun ñucanchijmantapish Taita Diosta mañapaichij. Chashna huillacushcamantami prezu cani.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.

2 Timoteo 4:7

Macanacuipica allimi mishashcani, callpashpa mishanacuitapish tucuchishcanimi, crishcatapish allimi cuidashcani.

Judas 1:4

Maijancunaca ñamari ñucanchijpurapi crichingapaj pacalla yaicushcacuna. Chaicunataca Diosca ñaupamanmi jatun llaquiman rinapaj cajcunami nishca. Paicunaca Diosta mana manchajcunami. Paicunaca cacharishcacuna shina millaita rurangapajllami, Diosca mana c'uyaipajtapish c'uyajmi nij tucuncuna. Mandaj shujlla Diostapish, ñucanchijta Mandaj Jesucristotapish mana tiyanchu nincunami.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 22:7

¡Riquichij ñallami shamusha! Imalla tucuna cashcata Dios huillachishcata cai libropi quillcashcata cazujca alli nishcami canga ninmi” nircami.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.

Apocalipsis 3:15

Ñucaca can imalla rurashcacunata yachanimi. Canca chiripish, rupajpish mana canguichu. ¡Chiri cashpapish chiri, rupaj cashpapish rupaj cachunmi munani!

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin: