Apocalipsis 3:7 - Dios Rimashca Shimicunami

⁷ Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

Mushuj Testamento Diospaj Shimi

⁷ Filadelfiapi tandanacushca crijcunapaj angelmanpish quillcai: Ima Jucha Illaj, Cashcatataj huillaj, Davidpaj llaveta Charicujmi huillaj cachan. Pai pascashcataca pi mana huichcai tucunchu. Shinallataj Pai huichcashcatapish, pi mana pascai tucunchu. Paimari cashna nin:

Apocalipsis 3:7 Iomraidhean Croise

JOB 11:10

Pai pasacushpa, japishpa llaquichinapaj cayajpica ¿pitaj canmanta shayarishpa jarcangari?

JOB 12:14

Pai urmachishcataca, pipish mana cutin shayachi tucunchu. Runata huichcashpa churashcataca, pipish mana cutin pascashpa llujshichi tucunchu.

SALMOS 145:17

Mandaj Diospaj ñanca tucui imapipish cashcata rurajmi. Imata rurashpapish llaquij cashcahuanmi ruran.

SALMOS 16:10

Ñuca almataca Seolpica mana saquinguichu. Cambajlla caj ñuca aicha ismuchunpish mana saquinguichu.

SALMOS 89:18

Mandaj Diosca ñucanchij escudomari. Israelcunapaj jucha illaj Diosca ñucanchijta jatun mandajmari.

ISAÍAS 22:22

Davidpaj huasi llavetapish paipaj rigra jahuapimi churasha. Pai pascashcataca pi mana huichcangachu, pai huichcashcataca pi mana pascangachu.

ISAÍAS 30:11

Mandaj Diospaj ñantaca saquichij, chai ñanta caticushcamantaca anchurichij. Israelcunapaj jucha illaj Diosmanta ñucanchij ñaupajpi rimanamantaca anchuichij” nincunami.

ISAÍAS 41:14

Jacobpaj c'uritucuna ama manchaichijchu. Israelcuna ashalla cashpapish cancunaca ama manchaichijchu. Ñucami cancunata ayudaj cani ninmi Mandaj Diosca. Israelcunapaj jucha illaj Diosmi cancunata Quishpichijca.

ISAÍAS 41:16

Chaicunataca aventanguichijmi, huairami apanga. Acapanami caita chaita apanga. Ashtahuanpish canca Mandaj Diospimi jatunta cushicungui. Israelcunapaj jucha illaj Diospimi sumajyaringui.

ISAÍAS 41:20

Israelcunapaj jucha illaj Dios rurashcata ricuchun, rijsichunmi chashna rurarcani. Mandaj Dios paipaj maquihuan chashna rurashcata tucuicuna mancharinacuchun, entendichunmi chashna rurarcani ninmi.

ISAÍAS 47:4

Ñucanchijta Quishpichijmari chashna nin. Paipaj shutica tucuita Mandaj Dios shutimi. Israelcunapaj jucha illaj Diosmi.

ISAÍAS 48:17

Mandaj Dios canta Quishpichij, Israelpaj jucha illaj Diosca cashnami nin: “Ñucaca Mandaj Diosmi cani. Cambaj allipaj yachachij cambaj Diosmi cani. Can catina ñanta yachachij Diosmi cani.

ISAÍAS 49:7

Gentecuna yanganchishca, llajtacuna millashca millai mandajcunapajta rurajtaca, Mandaj Dios Israelta quishpichij cambaj jucha illaj Diosca: “Jatun mandajcuna ricushpa, q'uipa mandajcuna jatarishpaca cantaca cambaj ñaupajpimi cungurishpa adorangacuna” ninmi. Paica canta agllaj, israelcunapaj jucha illaj tucuita pajtachij Diosmi.

ISAÍAS 54:5

Canta Ruraj Diosmari cambaj cusa, paipaj shutica tucuita Mandaj Diosmi. Paica canta Quishpichij israelcunapaj jucha illaj Diosmi. Tucui cai pachapi causajcunapaj Dios nishcami canga.

ISAÍAS 55:5

Riqui, can mana rijsishca gentecunatami cayangui. Canta mana rijsijcunami cambajman callpamungacuna. Mandaj cambaj Taita Diosmanta, israelcunapaj jucha illaj Diosmanta, canta alli nishcapi churaj Taita Diosmantami chashna shamungacuna.

ISAÍAS 6:3

Paicunaca caishuj chaishujmi: “¡Tucuita Mandaj Diosca, jucha illaj, jucha illaj, jucha illaj Diosmari! ¡Tucui allpapish paipaj achij nicuj cashcahuan jundamari!” nijcunami carca.

Mateo 16:19

Canmanca, jahua pachamanta mandacunpaj llavecunatami cusha. Maijanta cai pachapi can huatajpica, jahua pachapipish huatashcami canga. Maijanta cai pachapi can cacharijpica, jahua pachapipish cacharishcami canga– nircami.

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Marcos 1:24

–Nazaretmanta Jesús, ¿imatataj ñucanchijtaca nij shamungui? ¿Chingachingapajchu shamungui? Cantaca pi cashcata yachanimi. Jucha Illaj Taita Diospajmanta shamushcami cangui– nirca.

Lucas 1:32

Paica jatun nishcami canga. Jahua pachapi caj Jatun Diospaj Churi nishcami canga. Mandaj Diosca, Davidpaj jatun tiyarinatami paimanca cunga.

Lucas 4:34

cashna nirca: –Nazaretmanta Jesús, ¿imatataj ñucanchijtaca nij shamungui? ¿Llaquichingapajchu shamungui? Ñucanchijtaca ama imata nishpa saquihuai. Ñucaca pi cashcata cantaca rijsinimi, canca Jucha Illaj Diospajmanta shamushcami cangui– nirca.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Hechos 3:14

Cancunaca ima Jucha Illaj, Cashcata Rurajtaraj mana cacharichishpami, huañuchij runataraj cacharichun mañarcanguichij.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:18

cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 16:7

Altar chaimantaca shujtajpish: “¡Tucuita Rurai Tucuj Mandaj Taita Dios, canca cashcatataj rurashpami llaquichingui!” nijtami uyarcani.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin:

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Apocalipsis 4:8

Chai causaiyuj chuscucunaca, tucuicunami sujta alascunata charircacuna. Chai alas jahuapipish, ucupipish ñahui luluncunahuan jundami carca. Paicunaca punllapish, tutapish mana samashpami: “¡Jucha illaj, jucha illaj, jucha illajca Jatun Diosmi. Tucuita Rurai Tucuj Taita Diosmi. Paica sarunpish, cunanpish paillatajmi. Paillatajmi shamunga!” nicurcallacuna.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

Apocalipsis 6:10

Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.