Apocalipsis 3:4 - Dios Rimashca Shimicunami

⁴ Shina cajpipish Sardispica, paicunapaj churanacunata mana mapayachijcunaca ashacuna tiyanmi. Yurajllata churashcacunaca paicunapaj churanata mana mapayachishcamanta ñucahuanmi puringacuna.

Mushuj Testamento Diospaj Shimi

⁴ Shina cajpipish cai Sardispi causaj cancunapurapica, ashacunallami churanacunata mana mapayachishcacuna. Paicunaca, alli causaj cashcamanta, yurajlla churanata churashcami, ñucahuan puringacuna.

Apocalipsis 3:4 Iomraidhean Croise

1 REYES 19:18

Ñucaca Israelpica Baalta mana cungurij, mana muchaj, 7.000 runacunatami puchuchigrini” nircami.

ESTER 8:15

Mardoqueoca, jatun mandaj churarina shina azulhuan, yurajhuan churanata churarishca, jahuatapish linollamanta rurashca morado churanatami churashca carca. Umapica, curimanta rurashca sumaj coronatami churashca carca. Chashnami Mardoqueoca, jatun mandajpaj ñaupajmanta llujshirca. Chaimantami Susa pueblopi causajcunaca, jatunta cushicushpa caparircacuna.

SALMOS 68:14

Pailla Tucuita Rurai Tucuj, jatun mandajcunata urata janajta tsirapajpica, Salmón urcupica rasu urmashca shinami chai jatun mandajcunaca carca.

ECLESIASTÉS 9:8

Punllanta yuraj churanata churailla, umapipish mishquijllata ashnaj jambitaca ama illachinguichu.

ISAÍAS 1:9

Tucuita Mandaj Dios ñucanchijta ashallatapish mana saquishca cajpica, p'ichillatapish mana puchuchishca cajpica, Sodoma pueblo shina illanchijmanmi. Gomorra pueblo shina mana tiyanchijmanchu.

ISAÍAS 52:1

¡Rijchariyari, rijchariyari Sión. Imatapish rurai tucuj canata churariyari! ¡Cambaj sumaj churanata churariyari, Diospajlla caj Jerusalén pueblo! Circuncisionta mana rurashca mapacunaca cambajmanca ña manataj shamungachu.

ISAÍAS 59:6

Paicuna ahuashcaca churarinapajca mana valinchu. Paicuna rurashcacunahuanca pi mana c'atari tucunchu. Paicunapaj rurashcacunaca millaillami. Paicunapaj maquicunapica millaita ruranallami tiyan.

ISAÍAS 61:10

Mandaj Diospimi ñucaca yallitaj cushicusha. Ñuca Taita Diospimi ñuca almaca cushicunga. Paimi ñucamanca churanata shinaca quishpirinata churachirca. Cashcata ruranahuanmi pilluchirca. Noviota shinami sumajta allichirca. Noviata shinami achca valijcunahuan sumajta allichirca.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

ISAÍAS 64:6

Ashtahuanpish ñucanchijca tucuicunamari mapacuna shina tucushcanchij. Ñucanchij cashcata ruranchij nishcacunapish mapa llachapa shinami tucushca. Tucui ñucanchijca p'angacuna shinami urmarcanchij. Ñucanchij millaita rurashcacunallatajmari huaira shina apashca.

LEVÍTICO 13:48

urdishca puchcapi cashpa, linomanta ahuashcapi cashpa, millmamanta ahuashcapi cashpa, caramanta rurashcapi cashpa, caramanta rurashca ima charinapi cashpapish lepra p'ulasyashca ricuringachari.

Mateo 10:11

Ashtahuanca cancuna mai puebloman, mai llajtaman chayashpaca, maijanpish chasquipaj alli shungu cajta mashcashpa chaiman chayanguichij. Shujtaj llajtaman ringacama chai huasillapitaj saquiringuichij.

Marcos 16:5

Chaimanta jutcuman yaicushpaca, alli ladomanca yurajlla suni churanata churashca, shuj moso tiyacujta ricushpami mancharircacuna.

Lucas 20:35

Ashtahuanpish shamuj causaipi causanataj cajcuna causarishpaca, mana cazarangacunachu, cazarachinapish mana tiyangachu.

Lucas 21:36

Punllanta Taita Diosta mañashpa yuyaipi caichij. Chaimi chai llaquicuna shamujpica quishpiri tucunguichij. Runa Aichayuj shamujpipish paipaj ñaupajpi shayari tucunguichij” nircami.

Hechos 1:15

(Chaipi tandanacushpa mañajcunaca, patsaj ishqui chunga shinami carca). Chai punllacunapimi Pedroca, paicunapaj chaupipi shayarishpa cashna nirca:

2 Tesalonicenses 1:5

Cancuna chashna llaquicunata apashpaca, Taita Dios cashcata rurashpa paicunata llaquichina cashcatami ricuchicunguichij. Cancunaca Taita Dios mandanapi yaicunalla cashcamantami chashna llaquicunataca apacunguichij.

Judas 1:23

Shujcunataca ninaman ricujta llujshichishpa quishpichichij. Caishujcunataca llaquijcuna caichij. Paicuna millaita rurashcacunapi mapayanataca manchaihuan caichij.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

Apocalipsis 19:14

Paitaca cielopi caj soldadocunami yurajlla caballocunapi tiyarishca caticurcacuna. Paicunaca ashtahuan alli linomanta rurashca yurajlla, mana mapayashca churanata churashcacunami carca.

Apocalipsis 19:8

Paipaj huarmimanca linomanta rurashca lamyacuj churanatami churachun curca. (Linomanta, rurashca churanaca Diospajlla cajcuna imatapish cashcata rurashpa causashcatami ricuchin)”.

Apocalipsis 3:18

Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 6:11

Chaipica paicunamanca yurajlla churanatami curca. Chaita cushpaca: –Ashacama samacuichijraj. Cristopajta cancuna shinallataj ruraj crijcunatapish cancunata huañuchishca shinallataj mashnacunata huañuchina cashca pajtangacama shuyaichijraj– nircami.

Apocalipsis 7:9

Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.