Apocalipsis 3:3 - Dios Rimashca Shimicunami

³ Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.

Mushuj Testamento Diospaj Shimi

³ Chaimanta imalla yachachishcatapish, uyashcatapish alli yuyarishpa caźuiari, mana allita ruracushcamanta cutiriari. Can mana rijcharijpica, ñucaca can mana yuyashca horaspimi, shuhua shina cambajman shamusha.

Apocalipsis 3:3 Iomraidhean Croise

EZEQUIEL 20:43

Chai llajtapi cashpami cancuna ima shinalla causashcatapish, imallata rurashpa mapayashcatapish yuyaringuichij. Chashna yuyarishpaca cancuna rurashca juchacunamantaca, quiquinllatatajmi p'iñaringuichij.

EZEQUIEL 36:31

Cancuna mana alli causashcatapish, imalla mana allita rurashcatapishmi yuyaringuichij. Chai millanana juchacunata rurashcamantaca, cancunallatajmi pingaringuichij.

Mateo 25:13

Ima punlla, ima hora Runa Aichayuj shamunata mana yachashcamanta, chaparacuichij.

Marcos 13:33

Cancunaca ima punlla Runa Aichayuj shamuna cashcata mana yachashcamanta, ricuraichij, chaparaichij, mañaraichij.

Marcos 13:36

Cungaimanta shamushpaca, dormicujta ñataj japinman.

1 Tesalonicenses 5:2

Cancunaca allimi yachanguichij. Mandaj Jesusca shuhua shinami tuta shamunga.

1 Timoteo 6:20

Timoteo, canman imallata mingashcataca alli cuidangui. Yachaj canapaj allimi nishca, yanga ima mapa parlocunataca ama uyangui.

2 Timoteo 1:13

Crinatapish, c'uyaitapish Cristo Jesusmanta cashca alli yachachinacunata ñuca yachachishcataca, ama saquishpa catirangui.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.

2 Pedro 1:13

Caicunataca ñuca causaicama cancunata yuyachinataj cajpimi, rijchachishpa cunacushalla nini.

2 Pedro 3:1

C'uyashca crijcuna, caihuanca ishqui cutinmi quillcani. Ishquindij quillcapitajmi alli yuyachishpa cunashpa mapata ama yuyachun quillcani.

2 Pedro 3:10

Shina cajpipish Mandaj Jesús shamunaca mana yuyashcapimi, tutapi shuhua shamuj shina ñapish shamunga. Chaipica imalla tiyajcunapish jahua pachapish manchanayajta c'ulun nishpa cuyurishpa tucui imalla tiyajcunapish rupashpa chingaringami. Cai pachapish tucui ima tiyajcunandij rupachishcami canga.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 2:25

Shina cajpica cancuna ima shina caticushca shinallataj ñuca shamungacama caticuichijlla.

Apocalipsis 2:5

Chaimanta maimanta urmashcata yuyari. Diosman cutirishpa punta ruracushca shinallataj rurai. Mana cutirijpica, utcami cambajman shamusha. Chashna shamushpaca cambaj candelerotami maipi cashcamanta quichushpa anchuchisha.

Apocalipsis 22:7

¡Riquichij ñallami shamusha! Imalla tucuna cashcata Dios huillachishcata cai libropi quillcashcata cazujca alli nishcami canga ninmi” nircami.

Apocalipsis 3:11

Ñami shamusha. Can japina coronata pi ama quichuchun, can imata charicushcataca alli charirai.

Apocalipsis 3:19

Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.

Apocalipsis 3:2

Yuyaita japiyari can ima shina allita ruracushcaca manaraj tucui chiriyajpi allichiyari. Diospaj ñaupajpica can imallata rurashcacunataca manaraj allitaj tucuchishcatami ñucaca ricurcani.