Apocalipsis 3:2 - Dios Rimashca Shimicunami

² Yuyaita japiyari can ima shina allita ruracushcaca manaraj tucui chiriyajpi allichiyari. Diospaj ñaupajpica can imallata rurashcacunataca manaraj allitaj tucuchishcatami ñucaca ricurcani.

Mushuj Testamento Diospaj Shimi

² ¡Cutin rijchariari! Can imalla allita ruracushcata manaraj tucui chiriyajpi, allichiari. Ñucaca can imallata rurashcataca, Taita Diospaj ñaupajpi manaraj alli cashcatami ricuni.

Apocalipsis 3:2 Iomraidhean Croise

1 REYES 11:4

Salomón ña yuyaj cajpimi paipaj huarmicunaca shujtaj dioscunata catij tucushpa chai dioscunata adorachun yuyaita curca. Paica paipaj yaya David shina tucui shunguhuan Mandaj Diosman mana curishca cashcamantami chashna tucurca.

1 REYES 15:3

Abiamca, paipaj yaya juchacunata rurashca shinallatajmi, juchacunata rurashpa purirca. Paica mana paipaj ñaupa yaya David shina, Mandaj Diostaca tucui shunguhuan cazurcachu.

2 CRÓNICAS 25:2

Amasiasca, Mandaj Diospaj ñaupajpica, ima pandata maan rurarcachu. Shina cashpapish, mana tucui shunguhuantaj allita rurarcachu.

JOB 16:5

Ashtahuanpish ñucaca sumajta rimashpachari cushichiman. Sumaj shimicunahuanchari cancunapaj nanaitaca samachiman.

ISAÍAS 35:3

¡Shaicushca maquicunata sinchiyachichij. Chujchucuj sanpicunata sinchiyachichij!

ISAÍAS 56:10

Israelcunata cuidajcunaca, mana ricujcunami. Tucui paicunaca mana yachashca shina tucujcunami. Tucui paicunaca mana ladraj upa allcucuna shinami. Dormicujlla q'uillacunami. Dorminallata munajcunami.

ISAÍAS 57:12

Cashcatami rurashpa causacuni, alli ruranacunatami ruracuni nishcataca imapajpish mana alli cashcatami ricuchigrini.

EZEQUIEL 34:16

Chingarishpa caita chaita puricujtapish mashcashpa japishpaca, corralmanmi tigrachimusha, chaqui p'aquitapish c'acushpa huatashami, irquitapish ayudashami. Ashtahuanpish huirayashca ovejacunatapish, c'ari c'ari ovejacunatapish chingachishami, cashcata rurashpami paicunataca michisha ninmi.

DANIEL 5:27

TEKEL nishca shimica: Canta balanzapi pizajpica, achca illajta pizashcami ricurishcangui.

ZACARÍAS 11:16

Riqui, cai llajtapimi chashna mana alli michijta churagrini. Chai michijca chingarishcacunatapish mana ricugringachu, uchillacunatapish mana mashcagringachu. Chaqui p'aquirishcatapish mana jambingachu, shaicushcacunatapish mana rigra jahuashpa apangachu. Ashtahuanpish huirayashca oveja aichataca pairajmi micunga. Sillucunatapish p'aquingami.

Mateo 23:5

Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.

Mateo 25:13

Ima punlla, ima hora Runa Aichayuj shamunata mana yachashcamanta, chaparacuichij.

Mateo 25:7

Chaimi chunga solteracunaca tucuicuna jatarishpa, paicunapaj lamparacunata allichircacuna.

Hechos 18:23

Chaipi asha punllacunata cashca q'uipaca Galacia, Frigia llajtacunatami, callarishpa chaipi causaj Jesusta caticujcunata ashtahuan alli catina yuyaita curca.

DEUTERONOMIO 3:28

Josueta yachachishpa animachishpa sinchiyachi. Paimi cai gentecunata pushashpa Jordanta ch'imbanga. Paimi cunan can ricugrin llajtataca paicunaman cunga nircami.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 2:4

Chashna cajpipish canpica, shuj mana allitami ricuni. Canca punta c'uyaitami saquishcangui.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.

Apocalipsis 3:3

Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.