Apocalipsis 3:19 - Dios Rimashca Shimicunami

¹⁹ Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.

Mushuj Testamento Diospaj Shimi

¹⁹ Ñucaca, ñuca cʼuyashcacunatami tucuicunallatataj rimanipish, llaquichinipish. Chaimanta ñucapajlla causangapaj, mana allimanta cutiri.

Apocalipsis 3:19 Iomraidhean Croise

2 SAMUEL 7:14

Ñucaca paipaj yayami casha, paica ñuca churimi canga. Mana allita rurajpica shuj runa paipaj churita varahuan llaquichij shinami llaquichisha. Shuj runa paipaj churita azotij shinami azotisha.

JOB 5:17

Ricuiri, Taita Dios llaquita cachashca runaca cushicunmari. Chaimanta Tucuita Rurai Tucuj Dios ima shinapish llaquichijpica, mana p'iñarinichu.

SALMOS 39:11

Runa juchallishcamantaca llaquichishpami allichingui. Pai yallitaj c'uyacushcataca polilla shinami tucuchingui. Runapaj causaica samai aisai shinallami. Selah

SALMOS 6:1

Mandaj Dioslla, p'iñarishca cashpaca ama sinchita rimahuaichu. Yallitaj p'iñarishca cashpapish ama llaquichihuaichu.

SALMOS 69:9

Quiquinpaj huasimantaca huañuricunica, tucuricunica. Quiquinta p'iñashpa c'amishcacunaca ñuca jahuapimi urmarca.

SALMOS 94:10

Llajtacunata llaquichij Diosca, ¿maitataj mana llaquichingari? Yachaita ruranata runacunaman yachachij Diosca ¿maitataj imata mana yachangari?

PROVERBIOS 15:10

Alli ñanta saquijpajca, alli tucuchun rimashcaca, sinchita llaquichishca shinami. Alli tucuchun rimashcata mana munashpa p'iñajca huañungatajmi.

PROVERBIOS 15:32

Cazuchun rimashcata yangata ruraj runaca, quiquin causaillatatajmi p'iñan. Ashtahuanpish yuyaita japishca runaca, alli tucuchun rimashcatapish cazunmi.

PROVERBIOS 22:15

Huambracunapaj shungupica, rumi shungu canaca aichayashpa tiyanllami. Shina cajpipish anguhuan macajpica, chai yuyaicunata cungarinmi.

ISAÍAS 26:16

Mandaj Dioslla, llaquihuan cashpami quiquinta mashcarcacuna. Quiquin llaquichijpimi yallitaj mañarcacuna.

JEREMÍAS 10:24

Chashna cashcamantaca Mandaj Dioslla, ama p'iñarishpa llaquichihuaichu. Ashtahuanpish huanachishpa allichihuailla. Mana cashpaca huañuchihuanguimari.

JEREMÍAS 2:30

Ñucaca yangamari cancunapaj huahuacunataca macashpa llaquichishcani. Manamari alli tucunguichijchu. Cancunapaj espadacunahuanmari ñuca ima nishcata cancunaman huillajcunataca, jatun p'iña león shina tucuchircanguichij.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 31:18

Efraín huacashpa cashna caparijtami uyani: Canmari ñucataca macashpa huanachihuangui. Quita huagra shina cashcamantamari cambaj maquita aparini. Cutin cambajman tigrachihuayari, ñucaca cambajman tigrarishallamari. Canmari ñucata Mandaj Dios cangui.

JEREMÍAS 7:28

Chashna cashcamantaca cashna ningui: Cai llajta runacunaca, paicunata Mandaj Diosta mana cazuj runacunami. Imata jarcashpa yachachishcatapish, mana chasquishun nincunachu. Paicunapaj shimimantaca mana llullaj shimicunaca tucui chingarishcami ningui” nircami.

SOFONÍAS 3:2

Mandaj Dios rimashcatapish mana uyarcacunachu, alli tucuchun jarcashcatapish mana cazurcacunachu. Mandaj Diospica mana shunguta churarcacunachu. Paicunapaj Diospajmanpish mana c'uchuyarcacunachu.

Mateo 25:7

Chaimi chunga solteracunaca tucuicuna jatarishpa, paicunapaj lamparacunata allichircacuna.

Juan 2:17

Chaita ricushpami paipaj yachacujcunaca: “Cambaj huasita llaquishcamanta huañucunimi” nishpa quillcashca tiyashcata yuyarircacuna.

Romanos 12:11

Imata ruraj cashpaca ama q'uillashpa utca ruraichij. Espíritu yuyaita cushca shina tucui yuyaihuan Mandaj Jesuspajtaca ruraichij.

1 Corintios 11:32

Ashtahuanpish cai pachapaj cajcunahuan ama jatun llaquiman cachangapajmi, Mandaj Jesusca ñucanchijtaca llaquichishpa yachachin.

2 Corintios 6:9

Alli rijsishca cajpipish, mana rijsishcata shinami charincuna, huañunalla cashpapish, causacunchijrajmi, macashca cashpapish mana huañunchijchu.

2 Corintios 7:11

Diosmanta shamuj llaquicunaca imata rurashcata ricuichigari. ¡Chai llaquilla canachu, chai yuyailla canachu, p'iñalla canachu, manchailla canachu, ima munailla canachu, huañuricujlla canachu, mana allita rurajta llaquichinachu, cancunamanca shamurcari! Tucui chaicunamantami chuya cashcata ricuchircanguichij.

Gálatas 4:18

Alli caimanta c'uyaita ricuchishpa catinaca allimi. Mana ñuca cancunahuan cajllapi c'uyaitaca ricuchinachu canguichij.

DEUTERONOMIO 8:5

Shuj yaya paipaj churita llaquichij shinallataj cancunatapish Mandaj Dios cancunapaj Taita Dios cancunata llaquichij cashcata yuyarichij.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Apocalipsis 2:5

Chaimanta maimanta urmashcata yuyari. Diosman cutirishpa punta ruracushca shinallataj rurai. Mana cutirijpica, utcami cambajman shamusha. Chashna shamushpaca cambaj candelerotami maipi cashcamanta quichushpa anchuchisha.