Apocalipsis 3:18 - Dios Rimashca Shimicunami

¹⁸ Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.

Mushuj Testamento Diospaj Shimi

¹⁸ Chaimantami cantaca, cunashpa yachachini. Can charijtaj casha nishpaca, ninapi rupachishca sumaj curita ñucaman randi. Churaringapajpish, ñucaman yurajlla churanata randishpa, cambaj pinganayaj lluchulla aichatapish tapari. Ñahui alli ricuchunpish, ñahui jambita ñucaman randishpa ñahuipi churari.

Apocalipsis 3:18 Iomraidhean Croise

SALMOS 107:11

Mandaj Dios rimashcacunata c'ariyashcamanta, jahua pacha Taita Dios cunashcata c'ariyashcamantami chashna carcacuna.

SALMOS 16:7

Ñucata cunaj Mandaj Diostaca alli nicushallami. Tuta cajpipish ñuca yuyaita yachachicunguillami.

SALMOS 32:8

Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha. Ñuca ñahuitaca canmanta manataj anchuchishachu.

SALMOS 73:24

Ñucataca quiquin cunashcahuanmari pushahuarcangui. Q'uipataca quiquin sumaj cashcapimari chasquihuangui.

PROVERBIOS 1:25

Ashtahuanpish ñuca imallata cunashcataca p'iñarcanguichijmi, jarcajpipish manataj uyashun nircanguichijchu.

PROVERBIOS 1:30

Ñuca cunashcatapish mana chasquircacunachu. Imata jarcajpipish, manataj cazurcacunachu.

PROVERBIOS 19:20

Cunashcatapish uyangui, alli tucuchun rimashcatapish chasquingui. Chashnami ña yuyaj cashpaca, yachaisapa cangui.

PROVERBIOS 23:23

Mana llullaj shimitapish, alli yachaitapish, alli yuyaitapish yachachishcataca randishpa ama tigra c'atungui.

ECLESIASTÉS 8:2

Cantaca caitami cunani: Canca Diospaj ñaupajpimi, jatun mandajta cazunata ari nircangui. Pai mandashcata cazunami cangui.

ISAÍAS 47:3

Cambaj pinganayaj aicha lluchulla tucujpi, shujtajcuna ricujpi pingaimi tucungui. Cancuna ima shinami millaita rurarcanguichij chai shinallatajmi rurasha. Chaimantaca pi mana quishpiri tucungachu ninmi.

ISAÍAS 55:1

¡Yacunaihuan cajcuna tucuicuna shamuichij. Yacuman shamuichij! Cullquita mana charishpapish shamuichijlla. Cullqui illajlla randishpa micuichijlla. Shamuichijlla, cullqui illajlla imata mana cushpa vinota, lecheta randichijlla.

JEREMÍAS 13:26

Ñucaca cambaj pingai ricurichunmi, cambaj ñaupaj lado churanata huichi llatanagrini. Chaipimi pinganayajta can puricushcaca ricuringa.

DANIEL 12:2

Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

MIQUEAS 1:11

Safir pueblopi causajcunalla, pinganayaj lluchulla ñaupashpa richijlla. Zaanán pueblopi causajcunaca manamari llujshincunachu. Bet-esel pueblopi causajcunaca llaqui tucushpa huacacushpaca, ña mana ayudangachu.

NAHUM 3:5

Tucuita Mandaj Diosca cashnami nin: “Riqui Nínive, cantaca llaquichigrinimi. Cambaj churanataca huichi llatanashpami, ñahuita tapachisha. Shujtaj llajtacunapaj ñaupajpimi lluchullata shayachisha. Canta pingachishcataca, llajtata jatun mandajcunamanmi ricuchisha.

MALAQUÍAS 3:3

Paica paipaj tiyarinapi tiyarishpami, levitacunapaj juchacunataca cullquita, curita ninapi rupachishpa mapata anchuchij shina anchuchinga. Chashna ima mapa illajlla cashpami, Mandaj Diosman imalla cuna cashcatapish cungapaj apamungacuna.

Mateo 13:44

Allpapi pacashca cullquita shuj runa japishpaca, cushicushpami chaillapitaj pacashpa saquishpa tucui charishcacunata c'atushpa chai allpataca randin. Jahua pachamanta mandacunca chai shinami.

Mateo 25:9

Ashtahuanpish alli yuyaiyuj pichca solteracunaca: “Ñucanchijpajpish, cancunapajpish ama illachun, c'atujcunapajman rishpa, cancunapajtaj cachun randigrichij” nircacunami.

Lucas 12:21

Cai causaillapi quiquinpajlla tucuita tandachishpa huaquichijca, Taita Diospaj ñaupajpica imata mana charinchu” nircami.

2 Corintios 5:3

Chaita churachishca cashpami, ñucanchijca mana lluchulla cashun.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

1 Timoteo 6:18

Mana mitsacuna, imatapish cujllacuna, allicunata rurashpa chai ruranacunahuan charijcuna cachun mandangui.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

1 Pedro 1:7

Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 19:8

Paipaj huarmimanca linomanta rurashca lamyacuj churanatami churachun curca. (Linomanta, rurashca churanaca Diospajlla cajcuna imatapish cashcata rurashpa causashcatami ricuchin)”.

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.

Apocalipsis 3:17

Canca: Achcatami charini, achcatami charijyashcani ima illaj mana canichu niricunguimi. Ashtahuanpish canca llaqui tucujlla, llaquinayaj, huajcha, mana ricuj, lluchulla cashcataca mana yachanguichu.

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 7:13

Chaimi ancianocunamanta shujca: “Chai yurajlla churanacunata churashcacunaca ¿picunataj, maimantataj shamushcacuna?” nirca.