Apocalipsis 3:17 - Dios Rimashca Shimicunami

¹⁷ Canca: Achcatami charini, achcatami charijyashcani ima illaj mana canichu niricunguimi. Ashtahuanpish canca llaqui tucujlla, llaquinayaj, huajcha, mana ricuj, lluchulla cashcataca mana yachanguichu.

Mushuj Testamento Diospaj Shimi

¹⁷ Canca: ‘Achcatami charini, allimari charijyashcani. Ñucapajca, ima mana illanchu’ niricunguimi. Ashtahuanpish canca llaquinayaj, huajcha, ñahuipish mana ricuj, lluchullamari cangui. Chaitaca manamari yachanguichu.

Apocalipsis 3:17 Iomraidhean Croise

GÉNESIS 3:7

Ña micujpica, ishquindijpajtaj ñahuicuna pascarijpimi, paicunaca lluchulla cashcata yacharcacuna. Chaimi higo yura p'angacunata japishpa sirashpa ñaupaj ladota taparircacuna.

ÉXODO 32:35

Mandaj Diosca israelcunataca Aarón rurashca bizi diosta adorashcamantami chugrichirca.

PROVERBIOS 13:7

Maijancunaca imata mana charijcunapish charijcunaman rijchajcunami. Maijancunaca charij cashpapish, huajchacunaman rijchajmi.

PROVERBIOS 30:9

Yalli charijyashpaca canta cungarishpa: “¿Mandaj Diosca pipishchari?” nipajmi cani. Yalli huajcha cashpapish shuhuashpa, can ñuca Diosta c'amichipajmi cani.

ISAÍAS 42:19

¿Pitaj ñahui mana ricuj tucushca? Ñucapajta rurajcunamari chashna tucushca. Ñuca cachashca huillaj shina yallitaj mana uyajca ¿pitaj cangari? Ñuca agllashca shina yallitaj mana ricujca ¿pitaj cangari? Mandaj Diospajta ruraj shina yallitaj mana ricujca ¿pitaj cangari?

JEREMÍAS 2:31

Cunan punlla causacuj israelcunalla, caita uyaichij. Mandaj Diostajmi cashna nini: Can israelcunaca ñuca agllashcacunamari canguichij. ¿Ñucaca cancunapajca shitashca pamba shina, mana cashpaca amsa llajta shinachu carcani imatagari? ¿Imamantataj cancunaca: Cunantajca cacharirinchijtajmi, manataj cutinca cambajman tigrashunchu ninguichigari?

OSEAS 12:8

Efrainca cashnami nin: “Ñucaca achcata charijmi tucushcani. Achca valij charinacunayujmi tucushcani. Ñucataca mana allitamari rurashcangui nishpaca pi mana juchachingachu. Ñuca ima rurashcacunapipish, ima juchata mana japingacunachu” nircami.

ZACARÍAS 11:5

Randijcuna chai ovejacunata huañuchishpaca, mana allita ruracushcataca mana yuyancunachu. Chai ovejata c'atuj runapish: Mandaj Diosca alli nishca cachun. Ñami achca cullquiyuj cani ninmi. Chai ovejamantaca michijcunallapish manamari llaquincunachu.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Mateo 9:12

Chaita Jesús uyashpaca: –Mana ungushcacunaca jambijtaca mana mashcanchu, ungushcacunallami mashcancuna.

Lucas 1:53

Yaricaihuan cajcunamanca, charinacunatami yallijta cushca. Charijcunataca chushajllatami cachashca.

Lucas 6:24

Aij, achcata charijcunalla, cancuna charishcahuan ña cushicucushcamanta ¡imachari tucunguichij!

Romanos 11:20

Ari, chashnatajmari. Israelcunaca mana crishcamantami, p'itishca carcacuna. Ashtahuanpish canca, crishcallamantami chai yurapi shayacungui. Chaimanta ama jatun tucunguichu, ashtahuanpish manchangui.

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

Romanos 12:3

Dios ñucata mana c'uyaipaj cajpipish c'uyashpa cushcamantami, cashna yachachisha nini. Cancunapurapica, caishujta yalli cashcataca ama yuyaichijchu. Ashtahuanpish cada quiquinman crinata Dios cushca shinallataj, canca ima shina cashcata alli yuyaringui.

Romanos 7:24

¡Aij, ñuca huajchalla! ¿Pitaj ñucataca, cai huañuj cuerpomantaca cacharichingari?

2 Pedro 1:9

Ashtahuanpish chaicunata maijan mana charijca, caruta mana ricui tucuj shina, mana cashpaca ñahui mana ricuj shinami. Paipaj ñaupa juchacunata maillashca cashcata cungarishcamantami chashna tucushca.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.

Apocalipsis 3:16

Chashna canapaj randica, mana yalli chiri, mana yalli rupaj, cunujlla cashcamantami cantaca shungu tigrasha.