Apocalipsis 3:15 - Dios Rimashca Shimicunami

¹⁵ Ñucaca can imalla rurashcacunata yachanimi. Canca chiripish, rupajpish mana canguichu. ¡Chiri cashpapish chiri, rupaj cashpapish rupaj cachunmi munani!

Mushuj Testamento Diospaj Shimi

¹⁵ “Ñucaca, can imalla ruracushcataca, tucuitami yachani. Canca chiripish, rupajpish manamari canguichu. Cantaca, chiri cashpapish chiri cachun, rupaj cashpapish rupaj cachun ninimari.

Apocalipsis 3:15 Iomraidhean Croise

1 REYES 18:21

Chaipimi Eliasca, tucui chaipi cajcunapajman c'uchuyashpaca: –Callaripi ruracushcata saquishpamari ishquipajta rurajcuna tucushcanguichij. Chashna canataca ¿maicamataj saquinguichij? Mandaj Dios Diostaj cajpica, paita catichigari. Mana cashpaca Baal diostaj cajpica, paita catichigari– nijpica, chaipi cajcunaca shuj shimillapish mana llujshircacunachu.

PROVERBIOS 23:26

Ñuca huahualla, cambaj shungutaca ñucaman cuhuayari. Cambaj ñahuihuanca ñuca ima shina causajta chaparaiyari.

OSEAS 10:2

Paicunapaj yuyaica caiman chaiman tucucujmi. Chaimanta cunanmi paicuna ima shina cashcataca ricuchigrin. Mandaj Diosca paicunapaj altarcunatami ñutunga. Rurashcalla dioscunatami chingachinga.

OSEAS 7:8

Efrainca shujtaj gentecunahuanmi chagrurishca. Efrainca shuj ladollata cusashca tortilla shinami.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Mateo 24:12

Millai yallitaj mirajpica, achcacunapaj c'uyaimi chiriyanga.

Mateo 6:24

Ishqui amopajtaca pi mana rurai tucunchu. Shujtaca p'iñanmanmi, caishujtaca c'uyanmanmi. Shujtaca alli ninmanmi, caishujtaca yanganchinmanmi. Taita Diostapish, charinacunatapish ishquipajtaca mana rurai tucunchu.

Romanos 12:11

Imata ruraj cashpaca ama q'uillashpa utca ruraichij. Espíritu yuyaita cushca shina tucui yuyaihuan Mandaj Jesuspajtaca ruraichij.

1 Corintios 16:22

Mandaj Jesucristota maijanpish mana c'uyajca, llaquichinapaj cachun. ¡Mandaj Jesusca shamugrinmi!

2 Corintios 12:20

Ñuca chayanapajca cancunaca mana ñuca munashca shina canata, ñucapish cancuna munashca shina mana canatami manchani. Cancunapurapica p'iñanacushpa rimanacui, envidianacui, p'iñarinacui, chaupirinacui, imapish tucushca canman ninacui, huashalla parlanacui, jatun tucunacui, imapish maipish cachun cajta japinatami manchani.

DEUTERONOMIO 5:29

Paicunaca cunan ima shinami ñucata manchacun chashnalla ñucata manchaj shungulla cangapishchari. Chashna cashpa ñuca mandashcacunata punllanta huaquichishpami paicunapish, paicunapaj huahuacunapaj huahuacunapish tucuipi alli ringacuna.

Filipenses 1:9

Diosta mañacushpaca caitami mañani: Cancunapaj c'uyaica yachaipi, entendinapipish ashtahuan ashtahuan yallitaj mirarichun,

2 Tesalonicenses 1:3

Huauquicuna, cancunapaj crishcaca ashtahuanmi sinchiyashpa catin. Tucuicunapaj c'uyaipish shujtajcunata c'uyanapajca, cada quiquinpajmi yallijta jundan. Chaimantami cancunamantaca Taita Diosta pagui nina alli cajpi pagui nicunchijlla.

Santiago 1:8

Chashna ishqui yuyaiyuj runaca, paipaj tucui causaipimi mana alli causan.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 2:4

Chashna cajpipish canpica, shuj mana allitami ricuni. Canca punta c'uyaitami saquishcangui.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.

Apocalipsis 3:16

Chashna canapaj randica, mana yalli chiri, mana yalli rupaj, cunujlla cashcamantami cantaca shungu tigrasha.