Apocalipsis 3:14 - Dios Rimashca Shimicunami

¹⁴ Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Mushuj Testamento Diospaj Shimi

¹⁴ Laodiceapi tandanacushca crijcunapaj angelmanpish quillcai: Chashna Cachun nishca, huillana cashcata alli Pajtachij, cashcatataj Huillaj, Dios imalla rurashcacunapajpish ñaupaman Tiyajca, cashnami nin:

Apocalipsis 3:14 Iomraidhean Croise

GÉNESIS 49:3

Rubén, canca ñuca punta churimi cangui. Ñuca c'ari c'ari cashcata ricuchij ñuca punta fuerzarishcami cangui. Canmi alli nishca canatapish, mandana podertapish charircangui.

PROVERBIOS 14:5

Cashcata huillaj runaca ima cajpipish, mana llullashpa huillanchu. Ashtahuanpish llulla runaca, imata huillashpapish llullantajmi.

PROVERBIOS 8:22

Mandaj Diosca imata manaraj rurai callarishpami, ñucataca ña huiñai huiñaita charirca.

ISAÍAS 55:4

Riqui, ñucami paitaca gentecunaman ñucamanta huillaj cachun churarcani. Llajtacunata mandaj cachun, yachachij cachunpishmi churarcani.

ISAÍAS 65:16

Cai pachapi maijanpish allicunata cuchun nishpaca, imatapish pajtachij Diospaj shutipimi chaitaca ninga. Cai pachapi maijanpish imatapish chashnataj cashcatami huillani nishpapish, imatapish pajtachij Diospaj shutipimi chashnatajmi ninga. Ñaupaman llaquita apashcacunataca cungarishcami canga. Tucui llaquimi ñuca ñaupajmantaca ña illanga.

JEREMÍAS 42:5

Chashna nijpica, paicunaca Jeremiastaca cashnami nircacuna: –Canta Mandaj Dios ñucanchijman imata huillachun canta cachajpipish, ñucanchijca chaitatajmi rurashun. Ñucanchij nishca shinataj mana rurajpica, Mandaj Diosllataj ñucanchijta ricuchun.

Juan 1:3

Tucui imalla tiyajcunataca, paihuanmi rurarca. Tucui imatapish paillahuantajmi rurarca.

Juan 8:14

Chaimi Jesusca: –Ñucallamantataj huillashpapish, ñucaca ima shina cashcatatajmi huillani. Ñucaca maimanta shamushcata, maiman rina cashcatapish yachanimi. Cancunaca ñuca maimanta shamushcata, maiman rigrishcatapish mana yachanguichijchu.

2 Corintios 1:20

Chaimantami Diosca tucui pai cusha nishcacunataca, Jesucristopi pajtachin. Chashna cajpimi ñucanchijca, Diosta jatunyachishpaca, Jesucristomanta “Chashna cachun” ninchij.

DEUTERONOMIO 21:17

Ashtahuanpish mana c'uyashca huarmipaj huahuamanmi punta churi cashpa japinataca cuna. Paimanca caishujcuna japina cashcamanta ishqui cutinhuanmi cuna. Paica yayapaj punta fuerzamanta huahua cashcamanta paimi yayapaj punta churi. Chaimanta punta churi cashpa japinaca paipajmi.

Colosenses 1:15

Cristoca mana ricuipaj Dios ima shina cashcata ricuchijmi. Paica cai pachata manaraj rurajpi ña tiyajmi.

Colosenses 1:18

Tandanacushca crijcunaca Cristopaj cuerpomi, paica umami. Paica callarinapaj ña tiyajmi. Huañushcacunapaj chaupimanta punta causarijmi. Tucuipi punta cangapajmi chashna tucurca.

Colosenses 2:1

Cancunamanta jatun macanacuita ñuca charishcata yachachunmi munani. Laodiceapi cajcunamantapish, ñahui ñahui ñucata mana ricuj tucuicunamantapishmi macanacucuni.

Colosenses 4:16

Cai quillcata cancuna ña rezashca q'uipaca, Laodiceapi tandanacushca crijcunapish caicunata rezachun chaiman cachanguichij. Shinallataj caishuj quillca Laodiceamanta chayamujpica, cancunapish rezanguichij.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin:

Apocalipsis 21:6

Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Apocalipsis 22:13

Callari A, tucuri Z shina ñucami callarichijpish, tucurichijpish cani.

Apocalipsis 22:6

Chai q'uipami angelca cashna nirca: “Caicunaca ima shina cashcataj pajtana mana llulla shimicunami. Profetacunaman huillachij Mandaj Taita Diosllatajmi pai huillachishcacunaca ñalla pajtana cashcata paipajta rurajcunaman ricuchichun, paipaj angelta cacharca.

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin: