Apocalipsis 3:12 - Dios Rimashca Shimicunami

¹² Mishajtaca, ñuca Diospaj huasipaj pilartami rurasha. Chaimantaca, manataj llujshingachu. Paipica, ñuca Diospaj shutita, ñuca Diospaj pueblopaj shutitapish quillcashami. Chai puebloca jahua pacha ñuca Diospajmanta uriyamucuj mushuj Jerusalén shutimi canga. Mishajcunapica ñuca mushuj shutitapish quillcashami.

Mushuj Testamento Diospaj Shimi

¹² Millaita mishajtaca, ñuca Diospaj huasipimi pilarta shina churasha. Chai huasimantaca, huiñaita manataj llujshingachu. Paipica, ñuca Diospaj shutita, ñuca Diospaj pueblopaj shutitapish quillcashami. Chai puebloca, jahua pacha ñuca Diospajmanta uriyamucuj mushuj Jerusalenmi. Paipica, ñuca mushuj shutitapishmi quillcasha.

Apocalipsis 3:12 Iomraidhean Croise

1 REYES 7:21

Chai pilarcunataca, Diospaj huasi canllapimi shayachirca. Alli ladoman shayachishca pilartaca, Jaquín shutitami shutichirca. Lluqui ladoman shayachishca pilartaca Boaz shutitami shutichirca.

SALMOS 46:4

Taita Diospaj pueblotaca jatun yacumanta ricuj yacucunami cushichin. Chai puebloca jahua pachamanta Dios causana huasimi.

SALMOS 48:8

Tucuita Mandaj Diospaj llajtapica ñucanchij uyashca shinallatatajmi ricunchij. Ñucanchij Taita Diospaj pueblopica ñucanchij uyashca shinallatatajmi ricunchij. ¡Taita Diosca huiñaita pi mana cuyuchipajtami chai llajtataca ruranga! Selah

SALMOS 87:3

Taita Diospaj pueblolla, canmantaca sumaj shimicunatami rimancuna. Selah

ISAÍAS 62:2

Chaipimi shujtaj llajtacunaca cambaj cashcata ruranata ricungacuna. Tucui jatun mandajcunapish cambaj jatun caitami ricungacuna. Mushuj shutita churashcami cangui. Chaitaca Mandaj Diosmi paipaj shimihuantaj chashna shutichinga.

ISAÍAS 65:15

Ñuca agllashcacunaca cancunapaj shutitaca shujtajcunata llaqui tucushca alli canman ningapajllami yuyaringacuna. Mandaj Jatun Diosmi cantaca huañuchinga. Paipajta rurajcunataca shujtaj shutitami shutichinga.

JEREMÍAS 1:18

Cunan punllatajmi, cantaca muyundijta jatun pircayuj pueblota shina, fierro pilarta shina, bronce patata shina pi mana cuyuchipaj cachun churani. Cai Judá llajtapi causajcunaca quiquintaca, jatun mandajcuna cashpapish, paicuna churashca mandajcuna cashpapish, curacuna cashpapish, tucui cai llajtapi causajcuna cashpapish, mana imata rurai tucungachu.

EZEQUIEL 40:49

Chai corredorca largomanca chunga metro, pichca chunga centimetrotami charirca. Anchomanca pichca metro, canchis chunga canchis chaupi centimetrotami charirca. Chai corredorman huichiyangapajca, gradacunami tiyarca. Chai corredorpi tiyaj pungu c'uchupica, cada ladomanmi pilarta rurashca carca.

EZEQUIEL 48:35

Chai pueblo muyundijta medijpica, 36 kilómetro, 700 metromi carca. Chai punllamantapachami chai puebloca: Mandaj Diosmi chaipi nishca shutihuan saquiringa nircami.

Marcos 12:16

Paicuna apamujpica: –¿Pipaj ñahuitaj, pipaj shutitaj?– nishpa Jesús tapujpimi: –Cesarpajmi– nircacuna.

Gálatas 2:9

Jacobo, Cefas, Juanpish pilarcuna nishca cashcamantami, mana c'uyaipajta c'uyaj canata ñucamanpish cushca cashcata yachashpaca ñucaman, Bernabemanpish chaillatataj rurajcuna cashcata ricuchingapaj alli maquita curcacuna. Paicunaca circuncisionta rurashcacunaman, ñucanchijca mana judiocunaman huillagrichunmi chashna ricuchircacuna.

Efesios 3:15

(Paimantami jahua pachapi, cai pachapipish tucuicuna paipaj shutita chasquincuna).

Hebreos 12:22

Ashtahuanpish cancunaca Sión urcuman, causaj Diospaj jahua pacha Jerusalenman, huaranga huaranga angelcuna tandanacushpa Diosta alabacunmanmi c'uchuyarcanguichij.

Hebreos 13:14

Cai pachapica huiñaita mana chingarij pueblotaca mana charinchijchu. Ashtahuanpish q'uipa punllapi huiñaipaj tiyana pueblotami mashcacunchij.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

Apocalipsis 14:1

Chaita ricushca q'uipaca, Sión urcu jahuapi Oveja shayacujtami ricurcani. Paihuanca 144.000mi carca. Chaicunaca Ovejapaj shutitapish, paipaj Yayapaj shutitapish, frentepi quillcashcacunami carcacuna.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 2:11

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajcunataca q'uipa huañuica imata mana rurai tucungachu nishpa quillcai” nircami.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.

Apocalipsis 21:2

Ñucaca Juanmi cani. Diospaj cielomanta mushuj Jerusalén Diospajlla caj pueblo uriyacujtami ricurcani. Paica cusata japingapaj sumajta allichirishca novia shinami carca.

Apocalipsis 22:4

Paitaca, ñahui ñahuimi ricungacuna. Paipaj shutitapish, paicunapaj frentepi churashcami canga.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.