Apocalipsis 3:11 - Dios Rimashca Shimicunami

¹¹ Ñami shamusha. Can japina coronata pi ama quichuchun, can imata charicushcataca alli charirai.

Mushuj Testamento Diospaj Shimi

¹¹ Riqui, ñallami shamusha. Can japina coronata pi ama quichuchun, can ima allita ña charicushcataca alli charirangui.

Apocalipsis 3:11 Iomraidhean Croise

SOFONÍAS 1:14

Mandaj Dios jatunta llaquichina punllaca ñallamari chayamucun. Chai punllaca ñallamari pajtamucun. Mandaj Dios llaquichicui punllaca, jatun llaqui, huacai punllami canga. Chai punllapica, c'ari c'ari tucushca runacunapish capariringacunami.

1 Corintios 9:25

Maijanpish mishanacujca tucuimantami jarcarin. Paicunaca chingarijlla coronata japingapajmi chashna rurancuna. Ashtahuanpish ñucanchijcarin, mana chingarij coronata japingapajmi chashna ruranchij.

Filipenses 4:5

Cancuna c'uyaj cashcataca, tucuicuna yachashca cachun. Mandaj Jesús shamunaca c'uchullapimi.

2 Timoteo 2:5

Callpashpa mishanacujcunapish callpana cashca shina mana callpashpaca, coronataca mana japinchu.

2 Timoteo 4:8

Chaimantami, cashcata ruraj cashcata ricuchij corona ñucapajca ch'icanchishca tiyacun. Chaitaca cashcata ruraj Mandaj Jesusmi shamuj punllapi cunga. Mana ñucallamanchu cunga, ashtahuanpish pai shamunata tucui c'uyajcunamanpishmi cunga.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Santiago 5:9

Huauquicuna, Dios ama llaquichichunca caishuj chaishuj mana allichu nishpa ama huillanacuichijchu. Riqui, ima shinalla rurashcata ricuchijca ña pungullapimi.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:25

Shina cajpica cancuna ima shina caticushca shinallataj ñuca shamungacama caticuichijlla.

Apocalipsis 22:12

¡Riqui ñallami shamusha! Tucuicunaman imallata rurashca shinallataj japina cashcata cungapaj apashpami shamusha.

Apocalipsis 22:20

Cai tucuita huillajpish: “Ari, ñami shamugrini” ninmi. ¡Chashnataj cachun! ¡Shamuilla, Mandaj Jesús!

Apocalipsis 22:7

¡Riquichij ñallami shamusha! Imalla tucuna cashcata Dios huillachishcata cai libropi quillcashcata cazujca alli nishcami canga ninmi” nircami.

Apocalipsis 3:3

Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.

Apocalipsis 4:10

ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami:

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.