Apocalipsis 3:1 - Dios Rimashca Shimicunami

¹ Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.

Mushuj Testamento Diospaj Shimi

¹ Sardispi tandanacushca crijcunapaj angelmanpish quillcai: Diospaj canchis Espiritucunatapish, canchis luźerocunatapish charicujca cashnami nicun: “Ñucaca, can imallata ruracushcatapish, causacushpapish huañushca shinallataj cashcatapish yachanimi.

Apocalipsis 3:1 Iomraidhean Croise

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Juan 1:16

Paica tucuihuan junda cajpimi, mana c'uyaipajta c'uyaitaca tucuicuna jahuanpi jahuanpi chasquinchij.

Juan 1:33

Ñucapish paitaca pi cashcata manaraj rijsircanichu. Ashtahuanpish yacupi bautizachun ñucata cachaj Taita Diosmi: “Maijanpaj jahuamanmi Espíritu uriyamushpa paipaj jahuapi saquirin. Chaimi jucha illaj Espirituhuan bautizajca canga” nirca.

Juan 20:22

Chashna nishpa paicunata p'ucushpaca cashnami nirca: –Jucha illaj Espirituta chasquichij.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Efesios 2:1

Cancunapaj millai juchacunapi huañushcacuna cajpipish, Diosmi cancunaman causaita curca.

Efesios 2:5

Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

Colosenses 2:13

Cancunaca juchamantapish, aichapi mana circuncisionta rurachishcamantapish huañushcami carcanguichij. Chashna cajpipish, tucui juchacunata perdonashpami, Cristohuan shujllata rurashpa causachirca.

1 Timoteo 5:6

Maijan viudaca aichata cushichina yuyailla puricushpaca, huañushca shinallatajmi.

Santiago 2:26

Ima shinami alma illajlla cuerpoca huañushca. Chashnallatajmi ima rurashcacuna illajlla crijca huañushcallataj.

1 Pedro 1:11

Cristo ima shina llaquita apanata, pai llaquita apashca q'uipa jatunyachishca canatapish paicunapi caj Cristopaj Espiritumi ñaupaman manaraj chashna tucujpi, profetacunamanca yachana yuyaita cushca. Chashna yachana yuyaita cujpimi ¿pitaj chai Cristoca canga? ¿ima punllataj chashnaca tucunga? nishpa yuyacushcallacuna.

Judas 1:12

Chaicunaca c'uyaimanta cancuna rurashca fiestacunapi jatun pinganayajta rurashpa cushicushpa micushpa ubyashpa mapayachijcunami. Michijcunapish paicunapaj allipajlla michijcunami. Yacu illaj p'uyuta caiman chaiman huaira apashca shinami. Cozichana punllacuna cajpipish grano illaj yuracuna shinami. Ishqui cutin huañushcacunami, sapimanta llujshichishcacunami.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:16

Paipaj alli lado maquipica, canchis luzerocunatami charicurca. Paipaj shimimantaca ishqui filoyuj puntasapa espadami llujshicurca. Paipaj ñahuipish inti punllapi inti lamyacuj shinami carca.

Apocalipsis 1:20

Ñuca alli lado maquipi canchis lucerocunata charicujta, canchis curi candelerocunata can ricushpa mana entendi tucushcapish cashnami: Canchis luzerocunaca, canchis llajtacunapi caj tandanacushca crijcunapaj angelcunami. Canchis candelerocunata ricushcaca, canchis pueblocunapi tandanacushca crijcunami.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:19

Ñucaca can imallata rurashcatapish, c'uyaj cashcatapish, crijtaj cashcatapish, allita ruraj cashcatapish, mana p'iñarij alli shungu cashcatapish yachanimi. Shinallataj can ruracushcacunaca callaritapish yalli ashtahuan alli cashcatapish yachanimi.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.

Apocalipsis 3:15

Ñucaca can imalla rurashcacunata yachanimi. Canca chiripish, rupajpish mana canguichu. ¡Chiri cashpapish chiri, rupaj cashpapish rupaj cachunmi munani!

Apocalipsis 3:2

Yuyaita japiyari can ima shina allita ruracushcaca manaraj tucui chiriyajpi allichiyari. Diospaj ñaupajpica can imallata rurashcacunataca manaraj allitaj tucuchishcatami ñucaca ricurcani.

Apocalipsis 3:8

Ñucaca, can imalla rurashcataca yachanimi. Riqui, can huillachunca pungu pascashcatami ricuchini. Chaitaca pi mana huichcai tucunchu. Canca ashalla fuerzata charishpapish ñuca yachachishca shimicunatapish allitami pajtachicungui. Ñuca shutitapish mana rijsinichu mana nishcanguichu.

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.