Apocalipsis 22:5 - Dios Rimashca Shimicunami

⁵ Chaipica, tutaca mana tiyangachu. Mandaj Taita Dios paicunata achijyachishcamanta achijyachij lamparatapish, intitapish ña mana minishtingacunachu. Paihuanmi huiñai huiñaita mandangacuna.

Mushuj Testamento Diospaj Shimi

⁵ Chaipica, tutaca mana tiyangachu. Mandaj Taita Dios paicunata achijyachicunga. Chaimantami achijyachij lamparapish, achijyachij intipish ña mana imapaj tiyanga. Paicunaca, huiñai huiñaitami mandangacuna.

Apocalipsis 22:5 Iomraidhean Croise

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

ISAÍAS 24:23

Tucuita Mandaj Diosca Sión urcupi caj Jerusalenpimi mandacunga. Pai agllashca cunaj yuyajcunapaj ñaupajpimi achij nicuj mandacunga. Chaipica lunaca pingai tucungami. Intica musparingami.

ISAÍAS 30:26

Pai agllashcacuna chugririshcata Mandaj Dios maillashpa huatacui punllapi, carachahuan cajta jambicui punllapica, lunaca inti shinami achijyachinga. Inticarin canchis inti tandanacushpa achijyachishcata yallitami achijyachinga.

DANIEL 7:18

Chaicunapaj q'uipaca, jahua pacha Taita Diospaj jucha illajcunami mandanata chasquingacuna. Mandanata paicuna japishpaca, huiñai huiñaitami mandangacuna nircami.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

ZACARÍAS 14:7

Chai punlla ima shina canataca, Mandaj Diosllami yachan. Chaipica tutapish punllapish mana tiyangachu. Ashtahuanpish chishiyacujpipish, punllami tucunga.

Mateo 19:28

Chaimi Jesusca: –Dios tucuita mushujyachi punllapimi, Runa Aichayujca paipaj sumaj jatun tiyanapi tiyaringa. Cancunapish ñucata catishcamantaca, chaipimi chunga ishqui jatun tiyanacunapi tiyarishpa chunga ishqui Israel aillucuna imalla rurashcata paicunaman ricuchinguichij. Chaica chashnatajmi canga.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 25:46

Chashnacunaca, huiñaipaj llaquimanmi ringacuna. Shinallataj cashcata rurajcunaca, huiñai causaimanmi ringacuna– nircami.

Romanos 5:17

Mandashcata shuj runa p'aquishcamantami, huañuica mandai callarirca. Ashtahuanpish Diosca mana c'uyaipajta c'uyashpa yallijta cushcamantami, justificashcata chasquincuna. Chaicunami shujlla Jesucristomanta shamuj causaipica mandangacuna.

2 Timoteo 2:12

Llaquicunatapish apashpaca, paihuanmi mandashun. Paita mana rijsinchijchu nijpica, paipish ñucanchijtaca mana rijsinichu ningami.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 18:23

Canpica achijyachij lamparacunapish ña manataj tiyangachu. Novio, novia cushicushpa cantashcapish canpica ña manataj uyaringachu. Randishpa c'atushpa canpi causajcunaca, ñaupaca tucui llajtacunamanta yalli jatun tucushcacunami carca. Tucui llajtacunatami cambaj brujianahuan umarcangui.

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.

Apocalipsis 20:6

Punta causarinapi causarijcunaca Diospajlla cajcunami. Paicunaca alli nishcacuna cachun. Q'uipa huañuica, paicunataca imata mana rurai tucunchu. Ashtahuanpish paicunaca Diospajpish Cristopajpish curacunami cangacuna. Paicunaca Cristohuanmi huaranga huatacunacama mandangacuna.

Apocalipsis 21:11

Chai puebloca Diospaj sumaj cashcatami charirca. Paipaj lamyacuica, achca valij sumaj jaspe rumi shina, cristal shinami achijnicurca.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.