Apocalipsis 22:4 - Dios Rimashca Shimicunami

⁴ Paitaca, ñahui ñahuimi ricungacuna. Paipaj shutitapish, paicunapaj frentepi churashcami canga.

Mushuj Testamento Diospaj Shimi

⁴ Paitaca, ñahui ñahuimi ricungacuna. Paipaj shutitapish, paicunapaj frentepimi charingacuna.

Apocalipsis 22:4 Iomraidhean Croise

JOB 33:26

Taita Diosta pai mañajpica, paica c'uyanmanmi. Paipaj ñahuita ricushpa cushicunmanmi. Runataca cashcata rurajllatatajmi ruranga.

SALMOS 17:15

Ñucaca can cashcata rurajta rurashcamantami cambaj ñahuitaca ricusha. Ñuca dormicushcamantaca canman rijchaj jatarishpami cushicusha.

SALMOS 4:6

Achcacunamari: “¿Pitaj allicunata rurashpa ricuchingari?” nincuna. Mandaj Dioslla, cambaj achijyachij ñahuita ñucanchijman ricuchihuayari.

SALMOS 42:2

Ñuca almaca Taita Diostami yacunachin. Causaj Diostami yacunachin. ¿Ima horataj Taita Diospaj ñaupajpica, ñahui ñahui ricurigrishari?

ISAÍAS 33:17

Jatun mandajtaca cancunapaj ñahuihuantajmi paipaj sumaj achij nicujpi tiyacujta ricunguichij. Shitarishca carupi caj cancunapaj allpatamari cutin ricunguichij.

ISAÍAS 35:2

Pamba jundatami sisanga. Cushicungami, jatunta cushicushpami cantanga. Líbano urcu sumaj canatami paipi churanga. Carmelo urcu, Sarón urcu sumaj canatami paipi churanga. Paicunaca Mandaj Dios jatun cashcatami ricungacuna. Ñucanchij Taita Dios achij nicuj cashcatami ricungacuna.

ISAÍAS 40:5

Chaipimi Mandaj Dios sumaj achij nicuj cashcaca ricuringa. Chaitaca tucui gentecunami tandanacushpa ricungacuna”. Mandaj Diosca, paipaj shimihuantajmi chashna nishca.

EZEQUIEL 33:23

Chaimantami Mandaj Diosca ñucata cashna nirca:

Mateo 5:8

Chuya shungucunaca, cushichishcami. Paicunami Taita Diostaca ricungacuna.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

1 Corintios 13:12

Cunanca, amsalla espejopi shinallami chingajllata ricucunchij. Ashtahuanpish q'uipataca, ñahui ñahuimari ricushun. Cunanca ashallatami yachani. Dios ima shinami ñucata rijsin, shinallatajmi q'uipataca alli rijsisha.

Hebreos 12:14

Tucuicunahuan sumajta causanata mashcaichij, jucha illaj canapi catichij. Mana chashna cajca, Mandaj Jesustaca pipish manataj ricungachu.

Apocalipsis 14:1

Chaita ricushca q'uipaca, Sión urcu jahuapi Oveja shayacujtami ricurcani. Paihuanca 144.000mi carca. Chaicunaca Ovejapaj shutitapish, paipaj Yayapaj shutitapish, frentepi quillcashcacunami carcacuna.

Apocalipsis 3:12

Mishajtaca, ñuca Diospaj huasipaj pilartami rurasha. Chaimantaca, manataj llujshingachu. Paipica, ñuca Diospaj shutita, ñuca Diospaj pueblopaj shutitapish quillcashami. Chai puebloca jahua pacha ñuca Diospajmanta uriyamucuj mushuj Jerusalén shutimi canga. Mishajcunapica ñuca mushuj shutitapish quillcashami.

Apocalipsis 7:3

cashna nirca: “Ñucanchij Diospajta rurajcunata frentepi sellota churangacama, cai pachatapish, mama cucha yacutapish, yuracunatapish ama ima llaquita ruraichijchu” nircami.