Apocalipsis 22:3 - Dios Rimashca Shimicunami

³ Chaipica mana alli nishca canaca ñami tucurishca canga. Chaipica Diospajpish, Ovejapajpish jatun tiyarinallami canga. Paipajta rurajcunaca paipajllatami rurangacuna.

Mushuj Testamento Diospaj Shimi

³ Chaipica, juchamanta Dios mana alli nishca canaca, ña mana tiyangachu. Taita Diospajpish, Malta Ovejapajpish jatun tiyarinacunami chaipi canga. Paicunata servijcunallami, Paita servingacuna.

Apocalipsis 22:3 Iomraidhean Croise

SALMOS 16:11

Ñucamanca causaiman apaj ñantami ricuchingui. Cambaj alli ladopica huiñaita sumajmari. Cambaj ñaupajpica cushicucunallami canga.

SALMOS 17:15

Ñucaca can cashcata rurajta rurashcamantami cambaj ñahuitaca ricusha. Ñuca dormicushcamantaca canman rijchaj jatarishpami cushicusha.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

ISAÍAS 51:11

Mandaj Dios quishpichishcacunaca tigrangacunatajmi. Sionmanca cantaihuanmi tigrangacuna. Paicunapaj umapica huiñaitami cushicunga nishcata churashcami canga. Cushicuita, yallitaj cushicuitami charingacuna. Nanaipish, aij ninapish miticushpa maitatajshi rishcami canga.

EZEQUIEL 37:27

Ñucapajlla carpa huasipish paicunapaj chaupipimi canga. Ñucaca paicunapaj Taita Diosmi casha, paicunaca ñuca agllashcacunami canga.

EZEQUIEL 48:35

Chai pueblo muyundijta medijpica, 36 kilómetro, 700 metromi carca. Chai punllamantapachami chai puebloca: Mandaj Diosmi chaipi nishca shutihuan saquiringa nircami.

ZACARÍAS 14:11

Jerusalenpi causajcunapajca, ima llaquipish ña mana ashtahuan tiyangachu. Ashtahuanpish Jerusalenpica, imata mana manchashpami causangacuna.

Mateo 25:21

paipaj amoca: “Allimi rurashcangui, canca allita ruraj, alli cazujmi cangui. Cai ashalla talentohuanpish allita rurashcamanta, ashtahuan yallitami mingasha. Cambaj amohuan cushicunaman yaicui” nircami.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 13:32

Taita Dios tucuita rurai tucuj cashcataca Churimi ricuchin. Taita Diosca Churillapitajmi tucuita rurai tucuj cashcaca ricuringa. Chashna cashcataca Taita Diosca ñami ricuchigrin.

Juan 14:3

Ñuca rishpa cancuna causanata allichishca q'uipaca cancunapish ñuca maipimi cani cancunapish chaipi cachun pushangapaj tigramushami.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

DEUTERONOMIO 27:26

Maijanpish cai mandashcacunata chaitataj tucuita mana pajtachijca llaqui tucushca cachun nijpica, tucuicuna: Chashnataj cashca cachun ninguichij.

Apocalipsis 7:10

Paicunaca: “¡Jatun tiyarinapi tiyacuj ñucanchij Diospish, Ovejapish paicunallami quishpichijca!” nishpami sinchita caparircacuna.

Apocalipsis 7:9

Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.