Apocalipsis 22:18 - Dios Rimashca Shimicunami

¹⁸ Imalla tucuna cashcata huillashcata cai libropi quillcashcacunata uyajcunataca cashnami nini: Maijanpish cai huillashcacunata mirachijpica, Diosca cai libropi pai quillcachishca tiyacuj llaquicunatami paipajmanca cachanga.

Mushuj Testamento Diospaj Shimi

¹⁸ Dios imalla nishcata cai libropi quillcashcacunata uyajcunataca, cashnami nini: Maijanpish cai huillashcacunata mirachijpica, Taita Diosca cai libropi Pai quillcachishca llaquicunallatatajmi apachinga.

Apocalipsis 22:18 Iomraidhean Croise

PROVERBIOS 30:6

Paipaj shimicunataca, imata ama mirachinguichu. Ñataj canta jarcashpa, can llulla cashcata ricuchinman.

LEVÍTICO 26:18

Chashna llaquichijpipish mana uyajpica, ñucaca canchis cutinhuanmi cancunapaj juchamantaca llaquichisha.

LEVÍTICO 26:28

ñucapish cancunahuan yallitaj p'iñarishpami, cancunapaj juchamantaca canchis cutinhuan llaquichisha.

LEVÍTICO 26:37

Pipish mana caticujpimi, jatun macanacuimanta miticushpa ricuj shina rishpa caishuj chaishuj huajtarinacunguichij. Chashna cashcamantaca cancunata p'iñajcunahuancarin manataj macanacui tucunguichijchu.

Mateo 15:13

Ashtahuanpish Jesusca: –Maijan yurapish jahua pachapi caj ñuca Yaya mana tarpushca cajca, sapimanta llujshichishcami canga.

Efesios 4:17

Mandaj Jesuspaj shutipimi, caita nisha nini: Caishuj mana judiocuna shina ña ama purichijchu. Paicunaca, paicunapaj yanga yuyaihuanmi causancuna.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.

DEUTERONOMIO 4:2

Ñuca mandashca shimicunataca ama mirachinguichijchu, ama anchuchinguichijchu. Chaicunataca Mandaj Dios cancunapaj Taita Dios cancunaman mandachun ñucaman cushca cashcamanta chaitataj pajtachichunmi mandani.

1 Tesalonicenses 4:6

Maijanpish paipaj huauquita umashpa imapipish ama llaquichichun. Ña cancunaman nishca, huillashca shinallataj chashna rurajcunataca Mandaj Jesusmi paicunatapish llaquichinga.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 15:6

Diospaj huasimantaca, canchis angelcunami, canchis llaquicunata apashca llujshircacuna. Paicunaca chuya, achij nicuj, lino churanata churashca, curi tajalitapish tajalishcami carcacuna.

Apocalipsis 19:20

Jatun animaltapish, llullashpa huillajtapish prezumi japirca. Chai llullashpa huillajca jatun animalpaj ñaupajpi pi mana rurai tucuipaj mancharinacunata rurashpami jatun animalpaj sellota churachijcunatapish, chai animalman rijchajta rurashcata adorajcunatapish umashpa crichirca. Jatun animaltapish llullashpa huillajtapish causajtami ishquindijtataj azufrehuan rupacuj nina cuchapi shitarca.

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.

Apocalipsis 20:15

Causanaman rinapaj libropi mana quillcashca cajca nina rupacuj cuchapimi shitashca carca.

Apocalipsis 22:10

Cashnapish nircami: Imalla tucuna cashcata Dios huillachishcata cai libropi quillcashcataca ama pacangui. Caicunaca ñallami pajtanga.

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.

Apocalipsis 22:7

¡Riquichij ñallami shamusha! Imalla tucuna cashcata Dios huillachishcata cai libropi quillcashcata cazujca alli nishcami canga ninmi” nircami.

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin: