Apocalipsis 22:11 - Dios Rimashca Shimicunami

¹¹ Cashcata mana rurajca, chashnallataj ruracuchunlla, mapata rurajca ashtahuan mapata ruracuchunlla. Cashcata rurajpish ashtahuan cashcata ruracuchunlla, jucha illajlla cajpish ashtahuan jucha illajlla tucucuchunlla.

Mushuj Testamento Diospaj Shimi

¹¹ Imatapish mana ruranata rurajca, chaita ashtahuan ruracuchunlla, millaita rurajpish ashtahuan millaita ruracuchunlla. Shinallataj cashcata rurajpish, chaita ashtahuan ruracuchunlla, Diospajlla cajpish ashtahuan Diospajlla causacuchunlla.»

Apocalipsis 22:11 Iomraidhean Croise

JOB 17:9

Chashna cajpipish cashcata rurajca, cashcata rurashpallataj catingami. Mapa illaj maquicunahuan cajpish, paipaj fuerzataca mirachingami.

SALMOS 81:12

Chashna cajpimi rumi shungu cachun saquircani. Paicuna yuyashca shina purichunmi saquircani.

PROVERBIOS 14:32

Mana manchaj runataca pai millai cashcallatajmi, jatun llaquipi churan. Ashtahuanpish cashcata ruraj runaca, huañucushpapish shunguta churanmi.

PROVERBIOS 4:18

Ashtahuanpish cashcata rurajcunapaj causaica, pacarijpi achijlla inti llujshishpa, chaupi punllayajpi ashtahuan achijlla tucuj shinami.

ECLESIASTÉS 11:3

P'uyuca achca yacuta amullishca cashpaca, allpapimi cacharinga. Yuraca uriman urmashpa, huichiman urmashpapish, urmashcallapitajmi saquiringa.

EZEQUIEL 3:27

Cutin imata rimachun nishpaca, ñucallatajmi cambaj shimita pascasha. Chaipica canca: Mandaj Jatun Diosca cashnami nin: Maijanpish uyasha nijca uyaichij, mana uyasha nijca ama uyaichijchu ninmi nishpa huillangui. Paicunaca mana cazujcunami.

DANIEL 12:10

Tucui chaicunahuanca achcacunami yurajllata, mapa illajllata rurashpa chuyajllata rurashca cangacuna. Diosta mana rijsijcunaca, Diosta mana rijsij shinallatajmi rurangacuna. Diosta mana rijsijcunaca, pi mana entendingacunachu. Ashtahuanpish entendijcunallami, caicunataca entendingacuna.

Mateo 15:14

Chaicunataca saquichijlla. Paicunaca mana ricujcuna. Mana ricujcunallatataj pushajcunami. Mana ricujllataj caishuj mana ricujta pushajca, ishquindijtajmi jutcupi urmangacuna– nircami.

Mateo 21:19

higo yura ñan c'uchullapi cajta ricushpa c'uchuyarca. Ashtahuanpish chai yuraca, imata mana p'ucushca p'angacunalla cajta ricushpami: –¡Cunanmantaca canpica amataj p'ucuchun!– nijpica higo yuraca chaquircallami.

Mateo 25:10

Paicuna randinaman ringacamaca novio ña chayamujpica allichirishcacunaca noviohuan bodata rurana huasiman yaicujpimi, pungutaca huichcarca.

Mateo 5:45

Cancunaca jahua pachapi caj Yayapaj huahuacuna cashcata ricuchingapajmi chashna rurana canguichij. Paimi allicunaman, mana allicunamanpish intita cachan. Shinallataj cashcata rurajcunaman, mana cashcata rurajcunamanpish tamyata cachan.

Mateo 5:6

Cashcata ruraj canata yaricaihuan, yacunaihuan shina mashcajcunaca cushichishcami. Paicunaca mana nijtami micungacuna.

Juan 8:21

Jesusca cutinmi paicunataca: –Ñucaca rigrinimi. Ñucataca mashcanguichijmi. Ashtahuanpish juchapi huañushca cashcamanta ñuca maipi canmanca cancunaca mana ri tucunguichijchu– nijpimi,

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

Colosenses 1:22

Diosca, Cristo paipaj aichayuj cuerpopi, jatun llaquita apashpa huañushcamanta, pi mana juchachipaj, mapa illajta, jucha illajcunata paipaj ñaupajpi ricuchingapajmi chashna rurarca.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

Apocalipsis 22:3

Chaipica mana alli nishca canaca ñami tucurishca canga. Chaipica Diospajpish, Ovejapajpish jatun tiyarinallami canga. Paipajta rurajcunaca paipajllatami rurangacuna.