Apocalipsis 22:1 - Dios Rimashca Shimicunami

¹ Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Mushuj Testamento Diospaj Shimi

¹ Chai qʼuipaca angelca, causaita cuj chuyajlla jatun yacutami ricuchirca. Chai yacuca, Taita Diospajpish, Malta Ovejapajpish jatun tiyarinamantami, cristal shina chuyajlla yacu llujshicurca.

Apocalipsis 22:1 Iomraidhean Croise

SALMOS 46:4

Taita Diospaj pueblotaca jatun yacumanta ricuj yacucunami cushichin. Chai puebloca jahua pachamanta Dios causana huasimi.

ISAÍAS 41:18

Lomacunapica jatun yacutami llujshichisha. Pugru pambacunapica t'imburishpa llujshicuj yacutami llujshichisha. Shitashca pambacunapica yacu cuchacunatami rurasha. Chaquishca allpacunapica yacutami pajchachisha.

ISAÍAS 48:18

¡Ñuca mandashcacunata can cazushca cajpica, tucuipi can ima shinalla canaca jatun yacu shinami canman! Can cashcata ruranaca mama cucha yacu jataricuj shinami canman.

ISAÍAS 66:12

Mandaj Diosca cashnami nin: “Riqui, ñucaca sumaj causaitami jatun yacuta shina paipi churani. Paipajmanca llajtacuna imalla charishcacunapish yacu jundashpa ladocunata rigaricuj shinatami churani. Chuchunguichijmi. Rigrapi apashcami canguichij. Changapi marcashpa c'uyashcami canguichij.

JEREMÍAS 17:13

Mandaj Dioslla, canmari israelcuna shunguta churana Dios cangui. Canta saquijcunaca tucuicunami pingai tucungacuna. Can Mandaj Diosca causaita cuj yacu llujshicuj pugyumari cangui. Canmanta anchurijcunaca ñutu allpapi quillcashca shinallami chingaringacuna.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

ZACARÍAS 14:8

Chai punllapica, cashnapishmi tucunga: Jerusalenmantaca, causaita cuj yacucunami llujshinga. Chai yacucunaca tamya punllacunapipish, usya punllacunapipish chaupica inti llujshin lado mama cuchaman, chaupica inti huashicun lado mama cuchamanmi ringa.

Juan 13:32

Taita Dios tucuita rurai tucuj cashcataca Churimi ricuchin. Taita Diosca Churillapitajmi tucuita rurai tucuj cashcaca ricuringa. Chashna cashcataca Taita Diosca ñami ricuchigrin.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 21:11

Chai puebloca Diospaj sumaj cashcatami charirca. Paipaj lamyacuica, achca valij sumaj jaspe rumi shina, cristal shinami achijnicurca.

Apocalipsis 21:6

Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Apocalipsis 21:9

Chaimantaca canchis angelcuna canchis copacuna junda, tucuri canchis llaquicunata charijcunapuramanta shuj angel shamushpaca: “Caiman shamui, Ovejahuan cazarana noviata ricuchisha” nircami.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

Apocalipsis 22:6

Chai q'uipami angelca cashna nirca: “Caicunaca ima shina cashcataj pajtana mana llulla shimicunami. Profetacunaman huillachij Mandaj Taita Diosllatajmi pai huillachishcacunaca ñalla pajtana cashcata paipajta rurajcunaman ricuchichun, paipaj angelta cacharca.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 5:13

“Jatun tiyarinapi tiyacujtapish, Ovejatapish, huiñai huiñaita alabashca cachun, alli nishca cachun, jatunyachishca cachun, Tucuita rurai tucujmi nishca cachun” nicujtami uyarcani. Dios rurashca tucuicunami, jahua pachapi cajcunapish, cai pachapi cajcunapish, allpa ucupi cajcunapish, mama cuchapi cajcunapish, tucuicuna chashna nishpa alabarcacuna.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.