Apocalipsis 21:6 - Dios Rimashca Shimicunami

⁶ Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Mushuj Testamento Diospaj Shimi

⁶ Cashnapishmi nirca: «Ña tucuita rurashcami. Ñucaca, callari A shina, tucuri Z shina Callarichijpish, Tucurichijpishmi cani. Maijanpish yacunachijmanca, causaita cuj yacutami, yacu ñahuimantataj ubyachisha. Chai yacumantaca, imata mana cuna tucungachu.

Apocalipsis 21:6 Iomraidhean Croise

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

OSEAS 14:4

“Israelcuna chashna mañajpica Taita Diosca cancuna c'ariyashcataca ñucami alliyachisha. Mana c'uyaipajtami c'uyasha. Ñuca p'iñarinaca, paicunamantaca anchunmi.

JOEL 3:18

Chai punllapica urcucunamantaca llullu vinomi llujshinga, lomacunamantaca lechemi talliringa. Judá llajtapi tiyaj tucui larcacunataca, achca yacumi callpanga. Mandaj Diospaj huasimantapish achca yacu llujshishpami, Sitim pugru pambapi regaringa.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:11

chai huarmica: –Amito, imahuan huishinatapish mana charinguica, pugyupish ucujtamari. ¿Maimantataj causaita cuj yacutaca cunguiyari?

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Romanos 3:24

Ashtahuanpish Diosca mana c'uyaipajta c'uyaihuanmi cashcata rurajta rurarca. Cristo Jesús cacharichijpimi cashcata ruraj tucurcanchij.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

1 Corintios 2:12

Ñucanchijca mana cai pachapaj espiritutachu chasquircanchij, ashtahuanpish Diosmanta shamuj Espiritutamari, Dios cushcacunata yachangapaj chasquircanchij.

1 Corintios 3:12

Chai callarichishca jahuapica maijanpish curihuan, cullquihuan, sumaj rumicunahuan, mana cashpaca caspihuan, ujshahuan, p'angacunahuan huasichingachari.

1 Corintios 3:21

Chaimantami maijanpish yachachijcunallamantaca mana jatun tucuna. Tucuimi cancunapaj:

1 Corintios 3:5

¿Pablopish, Apolospish imataj canchigari? Ñucanchij huillajpimi crircanguichij. Ñucanchijca Cristopajta rurajcunallami canchij. Ñucanchijca cada quiquinman imata rurai tucunata Mandaj Jesús cushca shinalla rurajcunami canchij.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 16:17

Sujtapaj q'uipa ángel, copapi tiyacuj llaquita huairapimi tallijpica, cielopi caj Diospaj huasi ucupi tiyaj jatun tiyarinamantami: “¡Ñami tucuchishca!” nishpa, sinchita rimashca uyarirca.

Apocalipsis 22:13

Callari A, tucuri Z shina ñucami callarichijpish, tucurichijpish cani.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.