Apocalipsis 21:3 - Dios Rimashca Shimicunami

³ Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.

Mushuj Testamento Diospaj Shimi

³ Chashna shamujpimi, jahua pachamanta sinchita cashna nishpa caparijta uyarcani: «Riqui, cunanca Diospaj Carpa huasica ñami runacunahuan. Diosmari paicunahuan causagrin. Paicunaca, Diospajmi cangacuna. Taita Diosca, paicunapaj Diosmi canga. Cunanca, Pai Quiquintajmi, paicunahuan causagrin.

Apocalipsis 21:3 Iomraidhean Croise

1 REYES 8:27

¿Taita Diosca allpa pachapica causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca mana pajtaipajchu. Canta yuyarinapaj cachun ñuca shayachishca cai huasicarin ¿maitataj pajtangari?

2 CRÓNICAS 6:18

¿Taita Diosca allpa pachapica runacunahuanca causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca, mana pajtaipajchu. Canta yuyarinapaj cachun ñuca shayachishpa cai huasicarin ¿maitataj pajtangari?

ÉXODO 25:8

Tucui chaicunahuan ñucapajlla shuj carpa huasita ruraichij. Chaipimi ñucaca paicunapaj chaupipi causasha.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:38

Paicunaca ñucapajlla runacunami canga, ñucapish paicunapaj Diosmi casha.

EZEQUIEL 37:27

Ñucapajlla carpa huasipish paicunapaj chaupipimi canga. Ñucaca paicunapaj Taita Diosmi casha, paicunaca ñuca agllashcacunami canga.

EZEQUIEL 43:7

cashnami nirca: “Huañujlla aichayuj runa, chaipica jatun tiyarinapi ñuca tiyarinami. Caipica ñuca chaquicunata samachinami. Caipimi israelcunahuanca huiñaita causasha. Israelcunaca paicunapish, paicunata jatun mandajcunapish ña mana huainayashpa, ñuca shutita ashtahuan yangata rurangacunachu. Jatun mandajcunapaj huañushca aichacunatapish, ña mana ashtahuan lomacunapi tiyaj altarcunapica churangacunachu.

EZEQUIEL 48:35

Chai pueblo muyundijta medijpica, 36 kilómetro, 700 metromi carca. Chai punllamantapachami chai puebloca: Mandaj Diosmi chaipi nishca shutihuan saquiringa nircami.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

ZACARÍAS 8:8

Paicunataca, Jerusalenpi causachunmi pushamusha. Chaipimi paicunaca ñucapajlla causangacuna, ñucapish paicunapaj Diosmi casha. Ñucaca paicunapajca mana llullaj, cashcata ruraj Dios cashami” ninmi.

NÚMEROS 9:16

Chashnami carpa huasitaca punllaca p'uyu tapaj carca. Tutaca, nina lunyacujtajlla caj carca.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

1 Tesalonicenses 3:11

Ashtahuanpish ñucanchij Yaya Diosllataj, ñucanchijta Mandaj Jesucristollataj cancunapajman ñucanchij rinata allichichunmi mañacunchij.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Hebreos 8:10

Chai punllacuna q'uipaca, israelcunaman cusha nishpa ari nishcaca cashnami canga. Ñuca mandashcacunataca paicunapaj yuyaipimi churasha, paicunapaj shungupimi quillcasha. Chashna rurashpaca, paicunapaj Diosmi casha, paicunapish ñuca pueblomi cangacuna (ninmi Jatun Diosca)

Hebreos 8:2

Jesusca mana gentecuna rurashca, Jatun Dios rurashca Diospajlla ucupimi curacuna rurana cashcata ruracun. Chai huasimi Diospajtaj huasica.

Apocalipsis 10:4

Chai canchis c'ulun nijcuna rimashca uyarishcatami ñucaca quillcasha nicurcani. Ña quillcasha nicujpica cielomanta shuj rimaica: “Chai canchis c'ulun nijcuna rimashcataca huaquichishpa saquilla, ama quillcaichu” nijtami uyarcani.

Apocalipsis 10:8

Ñaupaman cielomanta rimai ñucahuan uyarishcallatajmi cutin ñucataca: “Ri, mama cucha jahuapi, allpa jahuapi shayacuj angelpaj maquipi caj, pascashca uchilla librota japigri” nirca.

Apocalipsis 12:10

Chai q'uipaca cielopica, sinchita cashna caparijtami uyarcani: “Diospaj ñaupajpi ñucanchij huauquicunata punllapish tutapish juchachijtaca cielomanta ñami shitashca. Chaimanta cunanmari quishpirinapish ñucanchij Diospaj mandanapish, pailla tucuita rurai tucuj canapish, Cristo mandai tucunapish ña chayamushca.

Apocalipsis 21:7

Maijanpish mishajca, tucui ima japina cashcatami japinga. Ñucaca paipaj Diosmi casha, paipish ñuca huahuami canga.

Apocalipsis 22:3

Chaipica mana alli nishca canaca ñami tucurishca canga. Chaipica Diospajpish, Ovejapajpish jatun tiyarinallami canga. Paipajta rurajcunaca paipajllatami rurangacuna.

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.