Apocalipsis 21:25 - Dios Rimashca Shimicunami

²⁵ Chaipica tuta mana tiyashcamanta, punllalla cashcamantami pungucunataca manataj huichcashca canga.

Mushuj Testamento Diospaj Shimi

²⁵ Chai pueblo pungucunapish pascashcallami tiyanga. Tutaca ña mana tiyangachu, punllallami canga.

Apocalipsis 21:25 Iomraidhean Croise

ISAÍAS 60:11

Cambaj pueblo pungucunaca tutapish punllapish mana huichcashca pascashcami canga. Shujtaj llajtacuna paicuna charishcacunata cambajman apamuchunmi chashna canga. Paicunata jatun mandajcunatapishmi cambajman pushamunga.

ISAÍAS 60:20

Cambaj intica manataj huashicungachu. Lunapish manataj uchillayangachu. Mandaj Diosmari cambajca, huiñaita achijyachij luz canga. Can llaquilla cana punllacunapish tucuringami.

ZACARÍAS 14:7

Chai punlla ima shina canataca, Mandaj Diosllami yachan. Chaipica tutapish punllapish mana tiyangachu. Ashtahuanpish chishiyacujpipish, punllami tucunga.

Apocalipsis 21:12

Chai pueblo muyundij pircaca, jahuajta alto pircashcami carca. Chaipica chunga ishqui pungucunami tiyarca. Tucui pungupimi angelcunapish shuj shuj shayacurca. Israelpaj chunga ishqui churicunapaj huahua huahuacunapaj shuticunapish chaipimi quillcashca carca.

Apocalipsis 21:15

Ñucahuan parlanacuj angelca pueblotapish pueblo muyundijta pircashcatapish pungucunatapish mashna cashcata midingapajmi curi varata charicurca.

Apocalipsis 21:23

Dios sumaj cashcahuan achijyachijpi, Ovejapish paillataj achijyachij luz cashcamantaca intitapish lunatapish chai puebloca ña mana minishtinchu.

Apocalipsis 22:5

Chaipica, tutaca mana tiyangachu. Mandaj Taita Dios paicunata achijyachishcamanta achijyachij lamparatapish, intitapish ña mana minishtingacunachu. Paihuanmi huiñai huiñaita mandangacuna.