Apocalipsis 21:23 - Dios Rimashca Shimicunami

²³ Dios sumaj cashcahuan achijyachijpi, Ovejapish paillataj achijyachij luz cashcamantaca intitapish lunatapish chai puebloca ña mana minishtinchu.

Mushuj Testamento Diospaj Shimi

²³ Chai pueblotaca, Taita Diosllataj sumaj achij nicuj cashcahuanmi achijyachicun, Malta Ovejapish, Paipaj achij luzhuanmi achijyachicun. Chaipica intipish, lunapish ña mana achijyachina tucunchu.

Apocalipsis 21:23 Iomraidhean Croise

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

ISAÍAS 2:10

Manchana Mandaj Diospaj ñaupajmantaca rumi ucupi miticuiyari. Achij nicuj Jatun Mandajpaj ñaupajmantaca, ñutu allpa ucupi miticuiyari.

ISAÍAS 2:19

Allpapi causajcunata llaquichingapaj Mandaj Dios achij nicuj ricurijpica, paita manchashcamantaca peña jutcucunapimi yaicuringacuna. Allpa chaupirishcacunapimi satiringacuna.

ISAÍAS 2:21

Allpapi causajcunata Mandaj Dios llaquichingapaj achij nicuj ricurijpica, paita manchashcamantami peña chijtarishcacunapi satiringacuna. Peña jutcucunapi yaicuringacuna.

ISAÍAS 24:23

Tucuita Mandaj Diosca Sión urcupi caj Jerusalenpimi mandacunga. Pai agllashca cunaj yuyajcunapaj ñaupajpimi achij nicuj mandacunga. Chaipica lunaca pingai tucungami. Intica musparingami.

ISAÍAS 30:26

Pai agllashcacuna chugririshcata Mandaj Dios maillashpa huatacui punllapi, carachahuan cajta jambicui punllapica, lunaca inti shinami achijyachinga. Inticarin canchis inti tandanacushpa achijyachishcata yallitami achijyachinga.

HABACUC 3:3

Taita Diosca, Temán pueblomantami shamunga. Ima jucha illajca, Parán urcumantami shamunga. Selah Jahua pachataca, paipaj sumaj cashcami taparca. Shinallataj cai pachapica, paipaj alabanami jundarca.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Marcos 8:38

Cunan cai punllacunapi causaj huainayaj millaicunapaj ñaupajpi, ñucamanta, ñuca yachachishcacunamantapish maijan pingarijtaca Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami– nircami.

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 1:4

Paipimi causaica tiyarca. Chai causaimi, runacunapaj luz carca.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Hechos 22:11

Chai achij nicuj, achij nishcamantami, ñucaca imata mana ricurcani. Chaimantami ñucahuan cajcuna maquimanta aisajllapi, Damascoman chayarcani.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

Apocalipsis 18:1

Chai q'uipaca, cielomanta shujtaj ángel imatapish rurai tucunahuan uriyacujtami ricurcani. Chai angelca lamyacuj cashpami, allpa pachataca achijyachirca.

Apocalipsis 21:11

Chai puebloca Diospaj sumaj cashcatami charirca. Paipaj lamyacuica, achca valij sumaj jaspe rumi shina, cristal shinami achijnicurca.

Apocalipsis 21:25

Chaipica tuta mana tiyashcamanta, punllalla cashcamantami pungucunataca manataj huichcashca canga.

Apocalipsis 22:5

Chaipica, tutaca mana tiyangachu. Mandaj Taita Dios paicunata achijyachishcamanta achijyachij lamparatapish, intitapish ña mana minishtingacunachu. Paihuanmi huiñai huiñaita mandangacuna.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.