Apocalipsis 21:12 - Dios Rimashca Shimicunami

¹² Chai pueblo muyundij pircaca, jahuajta alto pircashcami carca. Chaipica chunga ishqui pungucunami tiyarca. Tucui pungupimi angelcunapish shuj shuj shayacurca. Israelpaj chunga ishqui churicunapaj huahua huahuacunapaj shuticunapish chaipimi quillcashca carca.

Mushuj Testamento Diospaj Shimi

¹² Chai pueblo muyundijtaca, chunga ishqui pungucunayuj jatun pircami jarcacurca. Tucui pungucunapimi, angelcunapish shuj shuj shayacurca. Chai pungucunapica, Israelpaj chunga ishqui churicunamanta mirarishca chunga ishqui aillucunapaj shuticunami quillcashca carca.

Apocalipsis 21:12 Iomraidhean Croise

2 CRÓNICAS 9:19

Chai sujta gradacunapipish, ishquindij lado uripi chunga ishqui leontajllacunata churashcami carca. Shujtaj llajtacunapaj mandashpa tiyana huasicunapica, chai shina jatun tiyarinaca mana tiyarcachu.

ESDRAS 9:9

Ñucanchijca shujtajcunapajta rurajcunami canchij. Shujtajcunapajta rurajcuna cajpipish ñucanchij Taita Diosca manataj saquishcachu. Ashtahuanpish ñucanchij Diospaj huasi urmashcata cutin shayachinaman rinapaj ñucanchij fuerzarichunca Persia llajtata jatun mandajcunapaj ñaupajpimi c'uyaita ricuchircangui. Judapi, Jerusalenpi cajpipish canmi huaquichircangui.

NEHEMÍAS 12:27

Jerusalén muyundij pircata Diosman mingangapajca levitacunatami paicuna maillapi causan llajtacunapi mashcashpa Jerusalenman aparcacuna. Chai pircata Diosman mingacui tandanacuipi cimbalocunahuan, salteriocunahuan, citaracunahuan Taita Diosta cantashpa alabangapajmi pushamurcacuna.

SALMOS 122:7

Cambaj muyundij jatun pircashca ucumanca, sumaj causai tiyashca cachun. Cambaj mandana huasi ucucunapica samarina tiyashca cachun nichigari.

SALMOS 51:18

Quiquinpaj yallitaj c'uyaihuan Sionpajca allita rurapayari. Jerusalén muyundij pircataca cutin shayachihuayari.

ÉXODO 28:21

Yaya Israelpaj chunga ishqui churicunapaj shuticuna cashca shinallataj chai rumicunapish chunga ishqui cachun. Chai rumicunapica chunga ishqui aillucunapaj shuticunataca cada rumipi cada aillupaj shuticunata sellanapi quillcashca shina cachun.

ISAÍAS 54:12

Cambaj ventanacunataca sumaj rumicunahuanmi rurasha. Cambaj pungucunataca, carbunclo rumicunahuanmi rurasha. Cambaj muyundij pircataca sumaj rumicunahuanmi rurasha.

ISAÍAS 60:18

Cambaj llajtapica ña manataj macanacui tiyanamantaca rimangachu. Cambaj llajtapaj lindecunata, llajtata chingachingami nishcapish ña manataj uyaringachu. Ashtahuanpish cancunapaj muyujta pircashcacunataca: Quishpichijmi cangui ninguichijmi. Pungucunataca: Diosta alabanami cangui ninguichijmi.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Lucas 15:10

Cancunaman huillanimi: Chashnallatajmi shuj juchayuj runa Taita Diosman cutirijpica, Taita Diospaj angelcunapish cushicun” nircami.

Lucas 16:22

Mañashpalla causaj runa huañujpica, angelcuna shamushpami Abrahampaj c'uchuman aparca. Charij runapish huañujpica pambarcacunami.

Hechos 26:7

Chai cusha nishcataca ñucanchij ñaupa yayacunamanta chunga ishqui aillucunaca tutapish punllapish, chai cusha nishcata japina yuyaillami Taita Diospajta rurashpa shuyacuncuna. Jatun mandaj Agripalla, ñucapish chai shinallataj shuyacushcamantami, judiocuna juchachishca cani.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

Apocalipsis 21:13

Quimsa punguca inti llujshin ladoman, quimsa punguca janaj ladoman, quimsa punguca ura ladoman, quimsa punguca inti huashicun ladomanmi carca.

Apocalipsis 21:15

Ñucahuan parlanacuj angelca pueblotapish pueblo muyundijta pircashcatapish pungucunatapish mashna cashcata midingapajmi curi varata charicurca.

Apocalipsis 21:25

Chaipica tuta mana tiyashcamanta, punllalla cashcamantami pungucunataca manataj huichcashca canga.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.