Apocalipsis 21:1 - Dios Rimashca Shimicunami

¹ Chaipica, ñaupa cielopish ñaupa allpa pachapish, mama cuchapish ña mana tiyarcachu. Chaimanta mushuj cielota mushuj allpa pachatami ricurcani.

Mushuj Testamento Diospaj Shimi

¹ Chai qʼuipaca, mushuj jahua pachata, mushuj cai pachatami ricurcani. Ñaupa jahua pachapish, ñaupa cai pachapish ñami tucui chingarirca. Mama cuchapish, ña mana tiyarcachu.

Apocalipsis 21:1 Iomraidhean Croise

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

ISAÍAS 51:11

Mandaj Dios quishpichishcacunaca tigrangacunatajmi. Sionmanca cantaihuanmi tigrangacuna. Paicunapaj umapica huiñaitami cushicunga nishcata churashcami canga. Cushicuita, yallitaj cushicuitami charingacuna. Nanaipish, aij ninapish miticushpa maitatajshi rishcami canga.

ISAÍAS 57:20

Ashtahuanpish Diosta mana rijsijcunaca huairandij tamyahuan mama cucha mana casilla cai tucushpa, mapacunata, lodota yacu uriman shitacuj shinami.

ISAÍAS 66:22

Mushuj jahua pachacunata, mushuj cai pachata rurashcaca ñuca ñaupajpimi huiñaipaj canga ninmi Mandaj Diosca. Chashnallatajmi cancunapaj huahua huahuacunapish huiñaita causanga. Cancunapaj shutipish huiñai huiñaita mana chingaringachu.

DANIEL 7:3

Mama cuchamantaca shujtaj shujtajman rijchaj chuscu jatun animalcuna llujshijtami ricurcani.

Romanos 8:21

Chaimantami Dios rurashcacunapish, ismunapaj huatashcamantaca cacharichishca canga. Diospaj huahuacunata cacharichishpa jatunyachishcapi cachunmi, chashnaca ruranga.

2 Pedro 3:10

Shina cajpipish Mandaj Jesús shamunaca mana yuyashcapimi, tutapi shuhua shamuj shina ñapish shamunga. Chaipica imalla tiyajcunapish jahua pachapish manchanayajta c'ulun nishpa cuyurishpa tucui imalla tiyajcunapish rupashpa chingaringami. Cai pachapish tucui ima tiyajcunandij rupachishcami canga.

2 Pedro 3:13

Ashtahuanpish ñucanchijca, pai rurasha nishca shinallataj mushuj jahua pachacunata, mushuj cai pachatami shuyacunchij. Chaipica tucuicunami cashcata rurajcunalla canga.

Apocalipsis 13:1

Mama cucha c'uchu t'iyu allpapica dragón shayacujtami ricurcani. Chai q'uipaca mama cucha chaupimantaca canchis umacunayuj, chunga gachucunayuj animal llujshicujtami ricurcani: Chai gachucunapica, chunga coronacunatami churashca carca. Chai canchis umacunapica Diosta c'amishpa rimashca shutitami quillcashca carca.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.

Apocalipsis 6:14

Jahua pachapish, quillcana cara pillurij shina pillurishpami anchurirca. Urcucunapish, cucha chaupipi tiyaj allpacunapish tucuimi paicuna tiyacunmanta anchuchishca carcacuna.