Apocalipsis 20:9 - Dios Rimashca Shimicunami

⁹ Chaicunaca pamba junda shamushpami, Diospajlla cajcunapaj llajtatapish Dios c'uyashca pueblotapish muyundijta shayarircacuna. Chashna shayarijpipish Diosca cielomanta ninata cachashpami, paicunataca tucui rupachirca.

Mushuj Testamento Diospaj Shimi

⁹ Chaicunaca, chai tucui pamba jundami shamurcacuna. Chashna shamushpami, Diospajlla cajcunapaj llajtatapish, Dios cʼuyashca pueblotapish chaupipi churashpa shayarircacuna. Ashtahuanpish jahua pachamanta nina urmashpami, paicunataca tucui rupachirca.

Apocalipsis 20:9 Iomraidhean Croise

GÉNESIS 19:24

Chai q'uipami Mandaj Diosca Sodoma, Gomorra pueblocunapica azufrehuan rupacuj ninata jahua pachamanta tamyachirca.

2 REYES 6:15

Diospaj runapajta ruraj cayandij tutamanta jatarishpa llujshishpaca, chai pueblo muyundijpica soldadocunapish, caballopi tiyarishca soldadocunapish, carrocunapish muyundijta shayacujta ricushpami, Eliseotaca: –Aij, ñuca amito cunanca ¿imataj rurashunri?– nirca.

JOB 38:18

¿Maicama allpa cashcatapish yachanguichu? Cai tucuita can yachashpaca, ñucaman huillahuai.

SALMOS 106:18

Chai tandanacushcacunataca ninamari rupachirca. Nina lunyashpamari millaicunataca rupachirca.

SALMOS 87:2

Jacobpajcuna tucui causajcunamantaca, Mandaj Diosca Sión pungucunatamari yalli c'uyan.

SALMOS 97:3

Lunyacuj ninamari paitaca ñaupashpa ringa. Chaimi paipaj muyundijpi caj p'iñajcunataca tucuchinga.

ISAÍAS 30:33

Asiria llajtata jatun mandajta llaquichingapajca, Tofet nishca hornoca sarunmantamari allichishca tiyacun. Chai hornoca yallitaj ucujta, anchomanpish anchomi, achca yantata churashcami yallitaj lunyacun. Mandaj Dios p'ucushpami yacuyashca yallitaj achca azufrehuan chai hornotaca japichinga.

ISAÍAS 37:36

Chai tutallatajmi Mandaj Diospaj ángel, Asiria llajta soldadocunapaj carpa huasicunaman rishpaca, 185.000 soldadocunata huañuchirca. Cayandij tutamanta jatarishpa ricunapajca tucuimi huañushca aichacunalla siricurca.

EZEQUIEL 38:16

Ñuca agllashca israelcunataca llaquichinaman huichiyashpami, paicuna causacun llajtataca p'uyu shina tapanguichij. Mandaj Gog runalla, shujtaj llajtacunapi causajcunapaj ñaupajpi, ima juchachina illajlla cangapajmi, ñuca agllashcacunataca llaquichichun ñucallataj cachasha ninmi.

EZEQUIEL 38:22

Paitaca jatun ungüihuan, yahuarhuanmi jatunta llaquichisha. Shinallataj paitapish, paipaj soldadocunatapish, paihuan caj achca runacunatapish manchanayaj tamyahuan, rumi vali runduhuan, nina rupacuj azufrehuanmi jatunta llaquichisha.

EZEQUIEL 38:9

Chai llajtamanca jatun acapana shinami huichiyangui. Chai llajtataca cambaj tucui soldadocunapish, canhuan tandanacushca achca runacunapish p'uyu shinami tapangacuna” ninmi.

EZEQUIEL 39:6

Shinallataj Magog llajtamanpish, mama cucha uripi imata mana manchashpa causajcunamanpish ninatami cachasha. Chashna rurajpimi ñucataca, Mandaj Diostaj cashcataca yachangacuna.

MIQUEAS 2:13

Paicunata ñaupashpa ñanta pascajca huichiyangami. Ñanta pascashpaca, pungutami llujshingacuna. Paicunata jatun mandajca ñaupashpami ringa. Tucuicunata ñaupashpa rijca, Mandaj Diosmi canga”.

HABACUC 1:6

Riquichij, ñucaca caldeocunatami cancunapajman cachagrini. Paicunaca huañuchijcunami, utca imatapish mana allita rurajcunami. Paicunaca, cai pachata tucuita purishpa, shujtajcunapaj allpacunata, huasicunata quichujcunami.

NÚMEROS 11:1

Chaipimi israelcunaca Mandaj Dios uyajta paita juchachishpa rimajpi, Mandaj Dios chaita uyashpa nina sindirij shina yallitaj p'iñarirca. Chaimi Mandaj Diosca nina sindirishpa israelcunapaj carpa huasicuna shuj ladota rupachishpa tucuchirca.

NÚMEROS 16:35

Mandaj Diospaj ñaupajmanta lunyacuj nina llujshishpami, inciensota cuj 250 runacunatapish huañuchirca.

Lucas 17:29

Ashtahuanpish Lot Sodoma pueblomanta llujshijpica, jahua pachamanta ninahuan, azufrehuan tamyashpami tucuicunata chingachirca.

Lucas 19:43

Cancunata p'iñajcunaca muyundijta patacunata rurashpa, muyujta shayarishpa cancunata ñutuchingapaj llapimuna punllacunami ña chayamucun.

Lucas 21:20

Achca soldadocuna Jerusalén muyundijta shayacujta ricushpaca, chai llajtata chingachina chayamushcata yachanguichij.

Lucas 9:54

Chaita ricushpami Jesuspaj yachacuj Juanpish, Jacobopish: –Mandaj Jesús, cai tucuicunata chingachichun Elías mañashca shina ¿jahua pachamanta ninata cachachun mañashunchu?– nircacuna.

DEUTERONOMIO 23:14

Mandaj Dios cancunapaj Taita Diosca cancunata quishpichingapaj, cancunata p'iñajcunata cancunapaj ñaupajpi churangapajmi carpa huasicuna chaupipi puricun. Chaimantami cancunapaj carpa huasicuna tiyanca ima mapa illaj cana can. Cancunapaj chaupipi ima mapata mana ricushpaca paica cancunapaj chaupimantaca mana anchungachu.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

Hebreos 13:13

Ñucanchijpish pueblomanta llujshishpa Jesuspajman jacuchij. Mana alli nishpa rimashcata pai apashca shinallataj apashunchijlla.

Apocalipsis 11:5

Paicunata maijan llaquichisha nijpica, paicunapaj shimimanta nina llujshishpami, paicunata p'iñajcunataca rupachishpa chingachinga. Maijanpish llaquichisha nijca, chai shinallatajmi huañunga.

Apocalipsis 13:13

Jatun mancharinacunata rurashpami, cielomantaca allpa pachaman gentecuna ricucunpi ninata tamyachirca.