Apocalipsis 20:8 - Dios Rimashca Shimicunami

⁸ Ña cacharishca cashpaca, allpa pachapi causajcunataca tucui llajtacunatami umangapaj llujshinga. Paica Gog nishcapaj, Magog nishcapaj soldadocunatami macanacungapaj tandachinga. Chaicunaca mama cucha t'iyu allpa shina yallitaj achcacunami carca.

Mushuj Testamento Diospaj Shimi

⁸ Chaimanta llujshishpami Satanasca, cai pacha tucui llajtacunapi causacujcunata umagringa. Chashna umashpami cutin macanacuiman jataringapaj, paica Gog nishca, Magog nishca soldadocunata tandachinga. Chai soldadocunaca, mama cucha uri tʼiyu allpa shina yallitaj achcami carca.

Apocalipsis 20:8 Iomraidhean Croise

1 REYES 4:20

Judacuna, israelcunaca mama cucha c'uchupi tiyaj t'iyu allpa shina yallitaj achcacuna micushpa, ubyashpa cushicujcunami carca.

2 CRÓNICAS 18:21

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

ISAÍAS 10:22

Israel llajtalla, canpi causacuj gentecunaca mama cucha uripi tiyaj t'iyu allpa shina yallitaj achca cashpapish puchushcacunallami tigrangacuna. Israelcuna ima shinalla rurashcata ricushpa chingachinata yuyarishcataca paicuna ima shinalla rurashcata ricuchishpami chingachinga.

JEREMÍAS 33:22

Jahua pachapi tiyaj luzerocunatapish, mama cucha uripi tiyaj t'iyu allpatapish pi mana yupaipajchu. Ñucata servij Davidpaj huahua huahuacunatapish, ñucallatataj servij levitacunapaj huahua huahuacunatapish chashnallataj pi mana yupai tucuipajtami mirachisha” ninmi.

EZEQUIEL 38:1

Mandaj Diosca ñucataca cashnami nirca:

EZEQUIEL 38:2

“Huañujlla aichayuj runalla, cambaj ñahuita Magog llajtata mandaj Gogman churashpa, pai imalla tucuna cashcata huillai. Paica Mesecpaj, Tubalpaj huahua huahuacunata jatun mandajmi.

EZEQUIEL 39:1

Huañujlla aichayuj runalla, mandaj Gog imalla tucuna cashcata cashna huillai: Mandaj Jatun Diosca cashnami nin: Mesecpaj, Tubalpaj huahua huahuacunata jatun mandaj Gog runalla, canhuanca p'iñarishcami cani.

EZEQUIEL 39:6

Shinallataj Magog llajtamanpish, mama cucha uripi imata mana manchashpa causajcunamanpish ninatami cachasha. Chashna rurajpimi ñucataca, Mandaj Diostaj cashcataca yachangacuna.

EZEQUIEL 7:2

“Huañujlla aichayuj runalla, Mandaj Jatun Diosca Israel llajtataca cashnami nini: Israel llajtaca tucuimari tucurigrin.

Hebreos 11:12

Chashnami Abrahammantaca yuyaj ña huañunalla cashca cajpipish, jahua pachapi tiyaj achca lucerocuna shinapish, mama cucha c'uchupi tiyaj t'iyu allpa shinapish mana yupaipaj achcata mirarirca.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 16:14

Chaicunaca pi mana ruraipajta rurashpa ricuchij supaicunapaj millai espiritucunami. Paicunaca Tucuita Rurai Tucuj Diospaj jatun punllapaj tucui allpa pachapi mandajcuna macanacunaman richun tandachingapajmi chashnaca llujshircacuna.

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.

Apocalipsis 20:3

Chaipi huatashpaca tucui llajtacunapi causajcunata ama umachunmi huaranga huatacuna pajtangacama ucujta jutcupi huichcashpa, chai pungutaca sellashpa churarca. Huaranga huatacuna q'uipaca ashacama cacharishcami canga.

Apocalipsis 7:1

Chaicunapaj q'uipaca, cai pacha chuscu esquinapi, chuscu angelcuna shayacujtami ricurcani. Paicunaca cai pacha allpaman, mama cucha yacuman, yuracunamanpish ima huaira ama shamuchunmi huaira shamuna chuscu esquinapi jarcacurcacuna.

JUECES 7:12

Chaipica madianitacunapish, amalecitacunapish, inti llujshin llajta runacunapish langosta c'urucuna shina chai pugru pambataca tucui tapashcami carca. Paicunapaj camellocunapish mama cucha uripi tiyaj t'iyu allpa shina yallitaj achca pi mana yupaipajmi carca.

1 SAMUEL 13:5

Filisteocunapish israelcunahuan macanacungapajmi, 30.000 carrocunahuan, caballocunapi tiyarishca 6.000 runacunahuan, chaquillahuan purij soldadocunahuancarin t'iyu allpa shina mana yupaipaj achcacuna tandanacurcacuna. Bet-avén pueblomanta inti llujshin ladoman caj Micmas puebloman huichiyashpami, chaipi carpa huasicunata shayachishpa tiyarircacuna.