Apocalipsis 20:2 - Dios Rimashca Shimicunami

² Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.

Mushuj Testamento Diospaj Shimi

² Chai angelmi, ñaupa culebra nishca dragón shuti, diablo, Satanastaca japishpa huaranga huatacama huatashpa churarca.

Apocalipsis 20:2 Iomraidhean Croise

GÉNESIS 3:1

Mandaj Taita Dios rurashca tucui animalcunamanta yalli yachajca culebrami carca. Paimi huarmitaca: –¿Cancunataca Taita Diostajchu, cai huertapi tiyaj yuracunamantaca ama micunguichij nirca?– nishpa tapurca.

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

JOB 1:7

Chaipimi Mandaj Diosca Satanastaca cashna tapurca: –¿Maimantataj shamungui?– nijpi Satanasca, Mandaj Diosmanca: –Allpa pachata ricushpa muyushpami shamuni– nishpa cutichirca.

ISAÍAS 24:22

Chaicunataca tucuicunatami montonanga. Pamba ucupi prezushcacunata shinami montonanga. Carcelpi huichcashcami saquiringacuna. Achca punllacuna q'uipaca llaquichishcami canga.

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

EZEQUIEL 47:5

Cutinllatajmi, 525 metro yacuta medirca. Jatun yacu cashcamantami, chai yacutaca ña mana pasai tucurcani. Yallitaj achca yacu cashcamantami, chaitaca ña mana chaquillahuan pasai tucurcani. Chaitaca huambushpallami, pasai tucuipaj carca.

Mateo 19:29

Maijanpish paipaj huasita, huauquicunata, panicunata, yaya mamata, huarmita, huahuacunata, allpacunata saquishpa ñucata catishcamantaca, patsaj cutinhuan yallitami japinga. Huiñai causaitami chasquinga.

Mateo 8:29

Paicunaca: –Taita Diospaj Churi Jesús, ¿ñucanchijtaca imatataj ruragringuiyari? ¿Manaraj punlla pajtajpichu, llaquichingapaj caimanca shamurcangui?– nishpami caparircacuna.

Marcos 4:15

Lluchu ñan shinaca Taita Diospaj Shimita uyajcunami. Uyashca q'uipaca paipaj shungupi Taita Diospaj Shimita tarpushcataca Satanás shamushpami cungachin.

Marcos 5:7

shinchita caparishpami: –Jahua pachapi caj Taita Diospaj Churi Jesús ¿imatataj nij shamungui? Taita Diospaj shutipimi rogani. ¡Ñucataca ama llaquichipaichu!– nirca.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

Romanos 16:20

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

2 Pedro 2:4

Diosca juchallij angelcunataca mana perdonarcachu. Ashtahuanpish pai llaquichina punllacamami, paicunataca ucu pacha amsapi prezu churarca.

Judas 1:6

Angelcunapish mandaj cachun churashcallapi mana cashun nishpa, ashtahuanpish paicuna causacunmanta anchushpa rishcamantaca Diosca jatunta llaquichina punllacamami huiñaita mana llujshipaj amsapi prezu huaquichishca.

Apocalipsis 12:13

Dragonca paita allpa pachaman ña shitashca cashcata ricushpaca, c'ari huahuata huachaj huarmitami p'iñashpa catirca.

Apocalipsis 12:15

Chaipimi culebraca, chai huarmita yacu apachun, paipaj shimimanta jatun yacu shinata shitarca.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:2

Ñuca ricushca animalca, leopardoman rijchajmi carca. Paipaj chaquicunaca, osopaj shinami carca. Paipaj shimica leonpaj shimi shinami carca. Dragonca chai animalmanca pai rurai tucunata, paipaj jatun tiyarinata, jatun mandaj canatapishmi curca.

Apocalipsis 13:4

Paicunaca, animalman mandanata cuj dragonta, chai animaltapishmi: “Cai animal shinaca, pi mana tiyanchu. Paihuanca ¿pitaj macanacui tucungari?” nishpami adorarcacuna.

Apocalipsis 20:10

Jatun animaltapish, llullashpa huillajtapish azufrehuan rupacuj nina cuchapimi shitarca. Chaillapitajmi umaj diablotapish shitarca. Chaipimi paicunaca punllapish, tutapish huiñai huiñaita jatunta llaquichishca cangacuna.

Apocalipsis 20:7

Huaranga huatacuna pajtajpica, Satanasca prezu cashcamanta cacharishcami canga.

Apocalipsis 9:11

Chaicunataca ucujta caj jutcuta mandaj angelmi mandacurca. Chai angelpaj shutica, hebreopica Abadón ninmi, griegopica Apolión ninmi.