Apocalipsis 20:12 - Dios Rimashca Shimicunami

¹² Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.

Mushuj Testamento Diospaj Shimi

¹² Huañushcacunataca, jatuncunatapish, uchillacunatapish Taita Diospaj ñaupajpi shayacujtami ricurcani. Librocunapish pascashcami carca. Shinallataj causanaman rinapaj shujtaj libropish pascashcami carca. Huañushcacunataca, paicuna imalla rurashcacunata chai librocunapi quillcashca tiyacujta ricushpami, juchachina cashcata ricuchirca.

Apocalipsis 20:12 Iomraidhean Croise

SALMOS 28:4

Paicuna rurashca shinallataj llaquichi. Paicuna millaita rurashca shinallataj ñacachi. Paicuna rurashcamanta japinataca, paicunapaj maquihuan ima shina rurashca shinallataj llaquichi.

SALMOS 62:12

Llaquij canapish, Jatun Dios quiquinpajmari. Quiquinmari tucuicunaman japina cashcataca cungui. Ima shina rurashca shinatajmi cungui” nircami.

SALMOS 69:28

¡Causajcunapaj libromantaca p'ichashca cachun. Cashcata rurajcunahuanca ama quillcashca cachun!

PROVERBIOS 24:12

Can mana yachashcanchijchu nicujpipish, tucuicunapaj shunguta ricujca ¿imamanta mana chaita rurashcataca manachu yachanga imashi? Paica tucuicunallamantajmi imata rurashca shinallatataj cunga.

PROVERBIOS 24:29

Pi canta llaquichijpipish: “Paitapish chashnallatajmi rurasha, ñucata rurashcallatatajmi paimanpish cutichisha” ama ninguichu.

ECLESIASTÉS 12:14

Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

JEREMÍAS 32:19

Canca jatun ruranacunata yuyarijmi cangui, sumajcunata rurajmi cangui. Tucui runacuna huahua huahua ima shinalla causajtaca, tucuitami cambaj ñahuihuan ricucungui. Chaimantami tucuicunaman ima shinalla causashcamanta, imallata rurashcamantaca chai shinallataj cungui.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

Mateo 11:22

Chaimantami cancunaman huillani: Imalla rurashcata Taita Dios ricuchi punllapica, cancunataca Tiropi, Sidonpi causajcunata yallimi jatunta llaquichinga.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Lucas 10:20

Cancunaca supaicunata cazuchishpallaca ama cushicuichijchu. Ashtahuanpish cancunapaj shuticuna jahua pacha libropi quillcashca cashcamanta cushicuichij– nircami.

Hechos 24:15

Ima shinami paicunaca, tucui huañushcacunatami cashcata rurajcunatapish, mana cashcata rurajcunatapish Taita Dios causachinga nincuna. Ñucapish chai yuyaillatajmi cani.

Romanos 2:6

Chaipimi paica cada quiquin ima shina rurashca shinallataj caicunata cunga:

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.

Filipenses 4:3

Shinallatajmi ñucahuan tandalla pajtachij, cantapish rogani. Chai panicunata ayudangui. Paicunaca Clementendij, shujtaj huauquicunandij alli huillaita ñucahuan tandalla macanacuj shina huillajcunami. Paicunapaj shuticunaca, causaipaj libropimi.

Apocalipsis 11:18

Tucui llajtapi causajcunaca p'iñarishcami, can p'iñarishpa llaquichinapish ñamari chayamushca. Huañushcacuna imallata rurashcata ricuchinapish ñamari chayamushca. Chaipimi canca, cambajta ruraj profetacunamanpish, jucha illajcunamanpish, cambaj Shutita manchajcunamanpish, uchillacunamanpish, jatuncunamanpish paicuna japina cashcataca cungui. Cai pachata chingachijcunata chingachinapish ñamari chayamushca” nircacunami.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 17:8

Can ricushca jatun animalca ñaupamanca tiyarcami, cunanca ña illanmi. Chai jatun animalca jatun llaquipi chingarinaman ringapajllami ucujta jutcumanta ñalla llujshimugrin. Ñaupaman tiyaj, cunanca illaj, shamunapaj caj jatun animal cutin shamujpica, allpa pachapi causajcuna ricushpaca achcatami mancharingacuna. Chaicunaca causanaman rinapaj libropi paicunapaj shuticunata allpa pachata rurashca pachamanta mana quillcashcacunami chashna mancharingacuna” nircami.

Apocalipsis 19:5

Jatun tiyarina chaimanta shuj rimashca uyarishpaca: “Ñucanchij Diospajta ruraj, paita manchajcunaca, uchilla cashpapish, jatun cashpapish allimari cangui nichij” nircami.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 20:13

Mama cuchapish paipi caj huañushcacunata tigrachircami. Huañuipish, Hadespish paicunapi caj huañushcacunata tigrachircami. Paicunaca tucuicunami imallata rurashca shinallataj ricuchishca carca.

Apocalipsis 20:15

Causanaman rinapaj libropi mana quillcashca cajca nina rupacuj cuchapimi shitashca carca.

Apocalipsis 21:27

Chaimanca ima mapa, millanayajta rurajcunapish, llullacunapish manataj yaicungacunachu. Ashtahuanpish causanaman rinata ricuchij Ovejapaj libropi shutita quillcashcacunallami chaimanca yaicungacuna.

Apocalipsis 22:12

¡Riqui ñallami shamusha! Tucuicunaman imallata rurashca shinallataj japina cashcata cungapaj apashpami shamusha.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.