Apocalipsis 20:11 - Dios Rimashca Shimicunami

¹¹ Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Mushuj Testamento Diospaj Shimi

¹¹ Chaimantaca, yuraj jatun tiyarinatapish, chaipi Tiyacujtapishmi ricurcani. Paipaj ñaupajmantaca, cai pachapish, jahua pachapish maitatajshimi miticurca. Maipi ña mana ima ricurircachu.

Apocalipsis 20:11 Iomraidhean Croise

GÉNESIS 18:25

Cashcata rurajcunata Diosta mana rijsijcunahuan llaquichinaca canpica mana tiyanchu. Nunca mana chashna ruranguichu. Canca tucui cai pachapaj Juez cashcamanta imatapish cashcatatajmi rurangui– nircami.

JOB 9:6

Paica allpataca, maipi tiyacushcamantaca cuyuchinllami. Allpata aparicuj pilarcunatapish chujchuchinllami.

SALMOS 102:26

Tucui chaicunaca chingaringallami. Ashtahuanpish quiquinca causacunguillami. Tucui chaicunaca churana shina maucayangallami. Shujtaj churanata churachij shinami rurangui. Chaipimi paicunaca mushujyashca canga.

SALMOS 47:8

Taita Diosca llajtacunata mandajmi. Taita Diosca jucha illaj paipaj tiyanapimi tiyarin.

SALMOS 89:14

Cashcata rurashpa mandashcahuan, mandana shinataj mandashcahuanmi paipaj tiyanataca callari rumita sinchita churashca shina sinchita charicun. Llaquij cana, imatapish pajtachij canami quiquinta ñaupanga.

SALMOS 97:2

P'uyupish, amsapish paita muyunchishcamari. Cashcata rurashpa mandashcahuan, mandana shinataj mandashcahuanmi paipaj tiyanataca callari rumita sinchita churashca shina sinchita charicun.

ISAÍAS 6:1

Jatun mandaj Uzías huañui huatami, ñucaca Jatun Diostaca sumaj jatun tiyanapi tiyacujta, paipaj jahua churanaca Diospaj huasi ucupi jundajta ricurcani.

DANIEL 2:35

Chaimi fierropish, lodomanta rurashpa cusashcapish, broncepish, cullquipish, curipish tucui ñuturirca. Usya punllacunapi erapi trillashca ñutu t'amu shinami tucurca. Chaitaca huaira shamushpami, imata mana saquishpa tucuita aparca. Ashtahuanpish runaman rijchajta ñutuj rumica, tucui cai pacha junda jatun urcumi tucurca.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

Mateo 11:22

Chaimantami cancunaman huillani: Imalla rurashcata Taita Dios ricuchi punllapica, cancunataca Tiropi, Sidonpi causajcunata yallimi jatunta llaquichinga.

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Romanos 2:5

Ashtahuanpish cambaj rumiyashca, mana cutirisha nij shungumantami, Taita Dios p'iñarishpa ima shina rurashcatataj ricuchishpa llaquichina punllapaj cambajllataj huaquichicungui.

2 Pedro 3:7

Chashna cajpipish cunan tiyaj jahua pachapish, cai pachapish Dios rimajllapitajmi, ninahuan rupachinapaj ch'icanchishca tiyacun. Diosta mana rijsijcunata imalla rurashcata ricuchishpa chingachina punllapimi, chashna chingachinga.

Apocalipsis 12:8

Macanacushpapish dragonca mana mishai tucurcachu. Chaimanta paicunaca cielopica, ña mana ashtahuan chayai tucurcachu.

Apocalipsis 16:20

Chaimantami yacu chaupipi tiyaj tucui llajtacunapish, jatun urcucunapish tucui chingarirca.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.

Apocalipsis 21:1

Chaipica, ñaupa cielopish ñaupa allpa pachapish, mama cuchapish ña mana tiyarcachu. Chaimanta mushuj cielota mushuj allpa pachatami ricurcani.

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.

Apocalipsis 4:2

Chashna nincami ñucaca tucuipi Diospaj Espiritulla pushashca cashpa, jahua pachapica shuj jatun tiyarinata churashcata, chai jatun tiyarinapica shuj tiyacujtapish ricurcani.

Apocalipsis 6:14

Jahua pachapish, quillcana cara pillurij shina pillurishpami anchurirca. Urcucunapish, cucha chaupipi tiyaj allpacunapish tucuimi paicuna tiyacunmanta anchuchishca carcacuna.