Apocalipsis 2:9 - Dios Rimashca Shimicunami

⁹ Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.

Mushuj Testamento Diospaj Shimi

⁹ “Ñucaca, can imalla ruracushcatapish, llaquicunata apacushcatapish, huajcha cashcatapish yachanimi. ¡Chashna cashpapish, canca achcata charijmari cangui! ‘Judiocunami canchij’ nijcuna ñucata cʼamishcatapish yachanimi. Paicunaca, mana judiocunatajchu, ashtahuanpish Satanaspaj tandanacuna huasillamari.

Apocalipsis 2:9 Iomraidhean Croise

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Lucas 12:21

Cai causaillapi quiquinpajlla tucuita tandachishpa huaquichijca, Taita Diospaj ñaupajpica imata mana charinchu” nircami.

Lucas 22:65

Jesustaca achca mana allicunata rimashpami c'amircacuna.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Lucas 6:20

Jesusca, paipaj yachacujcunata ricushpaca cashnami nirca: “Huajchacunaca, cushichishcami canguichij. Taita Dios mandagrinca cancunapajmi.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

Hechos 26:11

Mai sinagogacunapipish paicuna crishcataca c'amishpa saquichunmi achcata llaquichij carcani. Paicunataca jatunta p'iñashpami shujtaj pueblocunapi cajcunatapish llaquichishpa purircani.

Romanos 12:12

Shuyacushcamantaca cushicuichij, llaquitapish apaichijlla, Diostaca mañaracuichijlla.

Romanos 2:17

Canca judiomi cani, Mandashcahuanmi cani, Taita Dioshuanpish allimi cani nishpami jatun tucungui.

Romanos 5:3

Mana chaillachu, ashtahuanpish llaquicunapipishmi cushicucunchij. Llaquicunaca mana p'iñarijta ruraj cashcatami yachanchij.

Romanos 8:35

Cristopaj c'uyaimantaca ¿pitaj anchuchingari? ¿Llaquicunachu, jatun manchaichu, catirashpa llaquichishcachu, yaricaichu, churana illaichu, huañunalla llaquicunachu, mana cashpaca espadachu anchuchinga?

Romanos 9:6

¿Israelcunaman Dios cusha nishcachu mana pajtashca? Manataj chashnachu, ashtahuanpish israelcunapaj huahua huahuacunamari mana tucuicuna israelcunataj cashca.

2 Corintios 6:10

Llaquilla cashpapish, punllantami cushijlla canchij. Imata mana charijcuna cashpapish, achcacunatami charijyachicunchij. Imata mana charishpapish, tucuitami charinchij.

2 Corintios 8:2

Paicunaca crijtaj cashcata ricuchij jatun llaqui shamujpipish, achcatami cushicurcacuna. Ashtahuanpish imata mana charishpapish, mana llaquishpa achcata cujcuna carca.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

1 Tesalonicenses 3:4

Cancunahuan cashparajmi, llaquicunataca apanatajmi canchij nij carcanchij. Cancuna yachashca shinallataj chashnami tucurca.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

1 Timoteo 6:18

Mana mitsacuna, imatapish cujllacuna, allicunata rurashpa chai ruranacunahuan charijcuna cachun mandangui.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 2:24

Tiatirapi caj maijancunaca chai mana alli yachanataca mana chasquishcanguichijchu. Satanaspaj tucuimanta yalli jatun yachanami nishcatapish cancunaca mana yachagrishcanguichijchu. Chaimanta cancunamanca: Ima shujtaj mana rurai tucuipajtaca mana mandanichu.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.