Apocalipsis 2:7 - Dios Rimashca Shimicunami

⁷ Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.

Mushuj Testamento Diospaj Shimi

⁷ Maijanpish rinrinta charijca, crij tandanacushcacunaman Diospaj Espíritu huillacujta uyachun. Millaita mishajmanca, ñucaca Taita Diospaj Paraíso chaupipi caj, causaita cuj yuramantamari carasha” ninmi. nishpa quillcai.

Apocalipsis 2:7 Iomraidhean Croise

GÉNESIS 2:9

Mandaj Taita Diosca chai huertapica, micunanqui tucui laya sumaj granocunata p'ucuj sumaj yuracunatami huiñachirca. Shinallataj chai huerta chaupipica causaita cuj yuratapish, ima alli cashcata, mana alli cashcata yachaj chayachij granota p'ucuj yuratapishmi huiñachirca.

PROVERBIOS 11:30

Cashcata rurajcuna ima rurashcacunaca, causaita cuj yura shinami. Yachaisapa cashpamari, shujtajcunatapish alli ñanpi churancuna.

PROVERBIOS 13:12

Shuyacushca utca pajtashcaca, causaita cuj yura shinami. Ashtahuanpish mana utca pajtajpica, shungu p'aquirishpami llaquirincuna.

PROVERBIOS 15:4

C'uyaihuan sumajta rimashca shimicunaca, causaita cuj yura shinami. Ashtahuanpish millai shimicunaca, shungutami chugrichin.

PROVERBIOS 3:18

Chai yachanaca paipi charirijcunapajca, causaita cuj yurami. Paita ña chariracujcunaca cushicunmari.

EZEQUIEL 28:13

Canca Taita Diospaj Edén huertapimi carcangui. Canca tucui laya sumaj achij nicuj rumicunahuan, cornerinacunahuan, topaciohuan, jaspehuan, crisolitohuan, berilohuan, onicehuan, zafirohuan, carbunclohuan, esmeraldahuan, curihuan rurashca sumaj churanata churarishcami carcangui. Canta rurai punllapica tamborcunapi, flautacunapi alli tocanata yachajcunapish allichirishcacunami carcacuna.

EZEQUIEL 31:8

Chai yurataca, ñuca huertapi tiyaj cedro yuracunapish mana taparcacunachu, haya yura ramacunapish mana paipaj ramacuna shinachu carca. Castaño yuracunapish, mana pai shina ramasapachu carca. Ñuca huertapica, maijan yura mana pai shina sumajca tiyarcachu.

Mateo 11:15

Maijanpish uyanapaj rinrinta charijca uyaichigari.

Mateo 13:43

Ashtahuanpish cashcata rurajcunaca, paicunapaj Yaya mandacunpimi inti shina achij nicungacuna. Maijanpish uyanapaj rinrinta charijca uyaichigari.

Mateo 13:9

Maijanpish uyanapaj rinrinta charijca uyaichigari” nircami.

Marcos 4:9

Shinallataj: “Maijanpish uyanapaj rinrinta charijca uyaichigari” nircapishmi.

Marcos 7:15

Shimita yaicujca, runataca mana juchayujta ruranchu. Ashtahuanpish shungumanta shimiman llujshijmi runataca juchayujta ruran.

Marcos 7:16

Maijanpish uyanapaj rinrinta charijca uyaichigari– nircami.

Lucas 23:43

Jesusca: –Cunanllatajmi paraisopi ñucahuan cangui. Chashnatajmi canga– nirca.

Lucas 8:8

Asha muyuca alli allpapimi urmarca. Chaipica alli huiñashpami, shuj muyullamanta patsajta p'ucurca” nishpaca: “Maijanpish uyanapaj rinrinta charijca, tucui yuyaihuan uyachun” nishpami sinchita rimarca.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

1 Corintios 2:10

Ashtahuanpish Diosca, paipaj Espirituhuanmi chaicunataca ñucanchijmanca ricuchishca. Espirituca, Diospaj tucui imalla yachaitaca tucuitami alli yachan.

2 Corintios 12:4

Chai runataca, paraíso sumaj llajtamanmi apashca carca. Chaipimi pi manaraj uyashca, pi mana parlaipaj rimashcata uyarca.

1 Juan 2:13

Yayacuna, callarinapaj ña tiyajta rijsijpimi, cancunamanca quillcani. Q'uipa huiñaicuna, diablota mishajcuna cajpimi, cancunamanca quillcani. Huahuacuna, Diosta rijsijcuna cajpimi, cancunamanca quillcani.

Apocalipsis 13:9

Maijanpish rinrinta charijca, caita uyaichij:

Apocalipsis 14:13

Chai q'uipaca, cielomanta cashna nishcatami uyarcani: “Mandaj Jesuspi shujlla cashpa huañushcacunaca, cunanmantapacha cushijllacunami. Diospaj Espiritupish cashnami nin: Ari, paicuna imallata llaquita apashpa ruracushcamantaca samaringacunami. Paicunapaj rurashcacunaca paicunahuanmi ringa ninmi nishcacunata quillcai” nircami.

Apocalipsis 15:2

Shinallataj ninahuan chagrushca vidrio shina mama cucha yacutapishmi ricurcani. Jatun animaltapish, chai animalman rijchajta rurashcatapish, paipaj shutita ricuchij sellota, paipaj shutipaj numerotapish mana churachishpa mishajcunatapishmi ricurcani. Paicunaca vidrio shina mama cucha c'uchupimi, Dios cushca arpacunata apashca shayacurcacuna.

Apocalipsis 2:11

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajcunataca q'uipa huañuica imata mana rurai tucungachu nishpa quillcai” nircami.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.

Apocalipsis 21:7

Maijanpish mishajca, tucui ima japina cashcatami japinga. Ñucaca paipaj Diosmi casha, paipish ñuca huahuami canga.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

Apocalipsis 22:2

Pueblopi tiyaj jatun ñan chaupitapish, jatun yacu ishqui lado uritapish huatapi chunga ishqui cutin p'ucuj, causaita cuj yurami tiyarca. Chai yuraca quillanta quillantami p'ucurca, p'angacunapish tucui llajtacunapi causajcunata alliyachij jambimi carca.