Apocalipsis 2:5 - Dios Rimashca Shimicunami

⁵ Chaimanta maimanta urmashcata yuyari. Diosman cutirishpa punta ruracushca shinallataj rurai. Mana cutirijpica, utcami cambajman shamusha. Chashna shamushpaca cambaj candelerotami maipi cashcamanta quichushpa anchuchisha.

Mushuj Testamento Diospaj Shimi

⁵ Chaimanta cunanca, maimanta urmashcata yuyarishpa cutiri. Callaripi rurashca shinallataj rurashpa cati. Mana Diospajman cutirijpica, utca cambajman shamushpa, cambaj candelerotaca pai tiyacunmanta anchuchishami.

Apocalipsis 2:5 Iomraidhean Croise

ISAÍAS 1:26

Canpica callaripi shinallataj cashcata ruraj juezcunatami churagrini. Cunaj yuyajcunatapish ñaupaman caj shinallatatajmi churagrini. Chashna rurajpica, cantaca cutinllatajmi: Cashcata ruraj llajtami ningacuna. Chaitataj pajtachij llajtami ningacunami.

ISAÍAS 14:12

Achij nicuj pacari luzerolla, ¿ima nishpataj jahua pachamantaca urmarcanguiyari? Allpa pachaman shitashcami carcangui. Llajtacunata huajllichijmi carcangui.

EZEQUIEL 20:43

Chai llajtapi cashpami cancuna ima shinalla causashcatapish, imallata rurashpa mapayashcatapish yuyaringuichij. Chashna yuyarishpaca cancuna rurashca juchacunamantaca, quiquinllatatajmi p'iñaringuichij.

EZEQUIEL 36:31

Cancuna mana alli causashcatapish, imalla mana allita rurashcatapishmi yuyaringuichij. Chai millanana juchacunata rurashcamantaca, cancunallatajmi pingaringuichij.

OSEAS 14:1

¡Israel, Mandaj cambaj Taita Diospajman cutiriyari. Canca cambaj juchallamantatajmi urmashcangui!

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

MALAQUÍAS 3:4

Ima shinami ñaupa huatacunapi, ñaupa punllacunapi imallata cuna cashcacunata cushicushpa Mandaj Diosca chasquirca, chai shinallatajmi Judapi, Jerusalenpi causajcuna imallata cuna cashcata cushcataca cushicushpa chasquinga.

MALAQUÍAS 4:6

Paimi yayacunataca huahuacunahuan, huahuacunatapish yayacunahuan p'iñanacushpa causacujtaca, cutin c'uyanacushpa causachun allichinga. Ashtahuanpish cancuna ishquindij mana alli tucujpica, ñuca shamushpaca tucui cai llajtapi causajcunatami llaquichishpa tucuchisha ninmi”.

Mateo 5:14

Cancunaca cai pachapaj luzmi canguichij. Urcu jahuapi tiyaj puebloca, mana pacalla cai tucunchu.

Mateo 5:15

Luzta japichishpaca, cajón ucupi churangapajca pi mana japichinchu. Ashtahuanpish huasi ucupi tiyajcunata achijyachichunmi, lámpara tiyanapi churan.

Marcos 12:9

Chashna rurajcunataca chagrayuj amo shamushpaca ¿imatashi ruranga? Chai chagrajcunataca huañuchishpami, paipaj uva chagratapish shujtajcunaman cunga.

Lucas 1:17

Juanca Eliaspaj espirituhuan, Elías charishca poderllahuantajmi Quishpichijta ñaupashpa ringa. Yayacunapaj shungutaca, huahuacunata c'uyaj cachun tigrachingapaj, mana cazujcunatapish, cashcata rurajcuna shina cachun rurangapajmi chashna canga. Gentecunataca Mandaj Jesusta chasquinallata rurangapajmi chashna canga– nircami.

Lucas 20:16

Allpayuj shamushpaca chai chagrajcunata huañuchishpami, allpataca shujtajcunaman cunga” nirca. Paicuna chaita uyashpaca: –¡Ñucanchij chashna tucuchunca Taita Dios ama saquichun!– nircacunami.

Gálatas 5:4

Mandashcata rurashcamanta justificashca tucusha nijcunaca Cristomanta anchurishpami, mana c'uyaipajta c'uyashca canamanta anchurishcanguichij.

Filipenses 2:15

Mana alli shungu, millai runacunapaj chaupipica, Diospaj huahuacuna mapa illaj, pi mana juchachipaj alli shungu caichij. Paicunapaj chaupipica cai pachapi achijyachijcuna shina achijyachichij.

Hebreos 10:32

Ñaupa punllacunapi cancunapaj yuyaita Dios achijyachijpi, ima tucushcata yuyarichij. Chai punllacunapica, jatun llaquicunataca alli macanacucuj shinamari aparcanguichij.

2 Pedro 3:17

C'uyashcacuna caicunataca manaraj chashna tucujpi yachashcamanta millaicuna pandata yachachishcata uyashpa alli caticushcata saquishpa pajta paicunata catinguichijman.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

Apocalipsis 1:20

Ñuca alli lado maquipi canchis lucerocunata charicujta, canchis curi candelerocunata can ricushpa mana entendi tucushcapish cashnami: Canchis luzerocunaca, canchis llajtacunapi caj tandanacushca crijcunapaj angelcunami. Canchis candelerocunata ricushcaca, canchis pueblocunapi tandanacushca crijcunami.

Apocalipsis 16:9

Chaimi intica ashtahuan rupashpa gentecunataca rupachirca. Chashna rupachijpipish, chai tucuita llaquichi tucuj Diosta jatunyachingapajca paipajmanca mana cutirircacunachu. Ashtahuanpish paipaj shutitaca c'amircacunami.

Apocalipsis 2:16

Chai mana allicunata rurashcamantaca llaquirishpa Diosman cutiri. Mana chashna rurajpica, cambajman utca shamushpami, ñuca shimimanta llujshij espadahuan paicunahuan macanacusha.

Apocalipsis 2:19

Ñucaca can imallata rurashcatapish, c'uyaj cashcatapish, crijtaj cashcatapish, allita ruraj cashcatapish, mana p'iñarij alli shungu cashcatapish yachanimi. Shinallataj can ruracushcacunaca callaritapish yalli ashtahuan alli cashcatapish yachanimi.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 3:19

Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.