Apocalipsis 2:3 - Dios Rimashca Shimicunami

³ Canca achca llaquicunatapish apashcanguimi. Mana p'iñarishpa alli shunguhuanmi catishcangui. Ñuca shutita c'uyashcamantaca shaicuita trabajacushpapish saquishalla mana nishcanguichu.

Mushuj Testamento Diospaj Shimi

³ Canca, achca llaquicuna shamujpipish, mana pʼiñarishpa alli shunguhuan aparcanguillami. Ñucata cʼuyashcamantaca, shaicuita imata ruracushpapish, mana shaicushpa saquircanguichu.

Apocalipsis 2:3 Iomraidhean Croise

SALMOS 37:7

Mandaj Diospaj ñaupajpi upalla cailla. Mandaj Diospi shunguta churashpa shuyailla. Millaita rurajcuna charijyajta ricushpa ama huañuricuichu. Millaita rurajcuna imata ruranata yuyaricujta ricushpa paicuna shina tucunata munashpa ama huañuricuichu.

SALMOS 69:7

Quiquinta c'uyashpami llaquicunata aparcani. Ñahuita maipi mana churai tucujtamari pingarini.

MIQUEAS 7:9

Ñucaca Mandaj Diosta p'iñachishpamari, juchata rurarcani. Chaimantami cunanca, ñuca ima rurashcacunata ricuchishpa allichingacama, Mandaj Dios p'iñarishpa cachashca llaquitaca apacunalla cani. Paimari ñucataca achij luzman llujshichinga. Chaipimi paitaca cashcata ruraj cashcataca ricusha.

Marcos 15:21

Jesusta chacatanaman pushacushpaca, chagramanta shamucuj Cirenemanta Simonhuanmi tuparca. Paitaca cai cruzta apari nishpami mandarcacuna. Paica Alejandropaj, Rufopaj yayami carca.

Lucas 14:27

Chacatashpa huañuchina llaquita apana cajpipish, ñucata catijllami ñuca yachacuj cai tucun.

Lucas 18:1

Taita Diosta mañanataca mana shaicushpa tucui imapipish mañacunallami nishpa yachachingapajca, cai yuyachij parlotami Jesusca,

Lucas 21:19

Chashna cajpipish mana p'iñarishpa ñucata catirajcunaca quishpiringuichijmi.

Lucas 5:5

Simonca: –Yachachij, tucui tuta trabajashpapish ima chalhuata mana japircanchijca. Can nishcamanta linchita shitashpa ricusha– nishpami shitarca.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Juan 15:21

Ñucata cachajta mana rijsishcamanta, ñuca shutita p'iñashpami tucui caicunataca chashna rurangacuna.

Romanos 12:12

Shuyacushcamantaca cushicuichij, llaquitapish apaichijlla, Diostaca mañaracuichijlla.

Romanos 16:12

Mandaj Jesuspajta mana shaicushpa trabajaj Trifenata, Trifosatapish allillachu canguichij nipaichij. Mandaj Jesuspajta mana shaicushpa chai yuyailla trabajaj c'uyashca pani Persidatapish allillachu canguichij nipaichij.

Romanos 2:7

Taita Dios allicunata cuj cashcata yachashpa, chaita shuyashpa allicunata rurajman, huiñai causaita charishcamanta allita rurajtaca huiñaita paihuan causachunmi saquinga.

Romanos 8:25

Chaimantami ñucanchijca manaraj ricushcataca, mana p'iñarishpalla chai yuyailla shuyacunchij.

1 Corintios 13:7

Tucui llaquita apanllami, tucuita crinllami, tucuita shuyanllami, tucuita ahuantanllami.

1 Corintios 16:16

Paicuna shina rurajcunata, shinallataj tucui ayudajcunata, trabajajcunatapish cazupanguichij nipanimi.

2 Corintios 10:15

Shujtajcuna trabajashcallapi satirishpaca, mana jatun tucunchijchu. Ashtahuanpish cancuna crishcapi huiñajpi, cancunapurapi ashtahuan yachachishpa jatunyarina yuyaillami canchij. Chaimi ñucanchij yuyaica.

2 Corintios 11:23

¿Paicunaca Cristopajta rurajcunachu? (Loco shina rimarij cashpapish ñucamari paicunamanta yalli trabajani). Mana yupaipajta azotishcami carcani, carcelpi churashcami carcani, tauca cutinmi huañunallapi carcani.

2 Corintios 4:1

Chaimantami cai ruranataca, Dios ñucanchijta llaquishpa cushcata chasquishcamantaca mana shaicurinchij.

2 Corintios 4:16

Chaimantami saquishalla mana ninchij. Ashtahuanpish ñucanchij jahua aicha maucayacujpipish, ucu yuyaica punllantami ashtahuan ashtahuan mushujyashpa caticun.

2 Corintios 5:9

Ñucanchijca cai pachapiraj cashpapish, jahua pachapi cashpapish, Mandaj Jesusta cushichina yuyaillami canchij.

2 Corintios 6:5

azotijpipish, carcelpi cashpapish, huaicashpa c'amijpipish, sinchita trabajachijpipish, mana dormishca cashpapish, mana micushca cashpapish,

Gálatas 6:2

Caishujpaj chaishujpaj llaquicunata, apajcuna caichij. Cristopaj mandashcataca, chashna rurashpa pajtachichij.

Gálatas 6:9

Allita ruranataca ama shaicushunchij. Mana shaicushpa allita rurashpaca, tandana pajtajpica tandashunmi.

Filipenses 2:16

Ñuca purishca, ñuca trabajashca ama yanga cachun. Cristo shamui punllapi ñuca cushicungapaj, causaipaj shimita chariraichij.

Filipenses 4:3

Shinallatajmi ñucahuan tandalla pajtachij, cantapish rogani. Chai panicunata ayudangui. Paicunaca Clementendij, shujtaj huauquicunandij alli huillaita ñucahuan tandalla macanacuj shina huillajcunami. Paicunapaj shuticunaca, causaipaj libropimi.

Colosenses 1:11

Tucuipi paipaj sumaj poderhuan sinchiyachijpi mana p'iñarij, sinchi cachunpishmi mañacunchijlla.

1 Tesalonicenses 1:3

Cancunaca crishcamantami allicunata rurashpa, c'uyaihuan trabajashpa, ñucanchijta Mandaj Jesucristopi shunguta churashpa paita shuyacunguichij. Chaimantami cancunata yuyarishpaca, ñucanchij Yaya Diosta mañanataca mana shaicunchij.

1 Tesalonicenses 2:9

Huauquicuna, ñucanchij shaicuita trabajashcataca yuyaringuichijmi. Cancunamanta maijanta ama yalli p'iñachingapajca tutapish, punllapish trabajashpami Taita Diospaj alli huillaitaca cancunaman huillarcanchij.

1 Tesalonicenses 5:12

Huauquicuna, yachachishpa, cunashpa cancunapurapi Mandaj Jesusmanta trabajajcunataca alli cazuichij ninchijmi.

2 Tesalonicenses 3:13

Ashtahuanpish huauquicuna, cancunaca allita ruranataca ama shaicuichijchu.

2 Tesalonicenses 3:5

Cancunata Mandaj Jesusllataj cancunapaj shungucunataca Taita Diospaj c'uyaipi pushachun. Cristo shinallataj mana p'iñarij canatapish cuchun.

2 Tesalonicenses 3:8

Ñucanchijca pipaj micunata yangamanta mana micurcanchijchu. Chaipaj randica, maijan cancunata ama p'iñachingapajmi punllapish tutapish chai yuyai, mana shaicushpa trabajarcanchij.

1 Timoteo 4:10

Causaj Taita Diospi shunguta churashca cashpami, mana alli nishpa rimajpipish llaquita apashpa trabajacunchijlla. Paica tucuicunata quishpichijmi, paipi crijcunatami Quishpichin.

1 Timoteo 5:17

Tandanacushca crijcunata alli mandaj ancianocunaca, ishquiman cuna cashcata japichun. Ashtahuantajca huillana yuyailla, yachachina yuyailla cajcuna chashna japichun.

Hebreos 10:36

Diospaj munaita ruraj cangapajca, mana p'iñarijmi cana. Chashna cashpami Dios cusha nishcataca japinguichij.

Hebreos 12:1

Chashna cajpica, crijtaj cashcata ricuchijcunataca achca p'uyuta shinami achcacunata ñucanchij muyundijpica charinchij. Chaimanta ñucanchijpish llashacuj shinatapish, urmachisha nij juchatapish tucui saquishpa, chayana cashcamanca mana p'iñarishpa ñaupajman catishunchijlla.

Hebreos 13:13

Ñucanchijpish pueblomanta llujshishpa Jesuspajman jacuchij. Mana alli nishpa rimashcata pai apashca shinallataj apashunchijlla.

Hebreos 6:10

Diosca cashcata ruraj cashcamantaca, cancunapaj rurashcacunata paipaj shutipi c'uyaihuan trabajashpa ricuchishcata, jucha illajcunapajta rurashpa cunancamapish ruracushcamantaca manataj cungaringachu.

Hebreos 6:12

Chashna ruranataca ama q'uillanguichijchu. Chaipaj randica crishcamanta mana p'iñarishpalla Dios cusha nishcata japijcuna ima shina cashcata ricushpa allita ruraichij.

Hebreos 6:15

Abrahamca Dios cusha nishcataca, mana p'iñarishpalla shuyashpami chasquirca.

2 Pedro 1:6

Alli yachajcuna cashpaca, quiquinllataj jarcarij caichij. Quiquinllataj jarcarij cashpaca, mana p'iñarij caichij. Mana p'iñarij cashpaca, Diosta alli yuyarij caichij.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.