Apocalipsis 2:24 - Dios Rimashca Shimicunami

²⁴ Tiatirapi caj maijancunaca chai mana alli yachanataca mana chasquishcanguichijchu. Satanaspaj tucuimanta yalli jatun yachanami nishcatapish cancunaca mana yachagrishcanguichijchu. Chaimanta cancunamanca: Ima shujtaj mana rurai tucuipajtaca mana mandanichu.

Mushuj Testamento Diospaj Shimi

²⁴ Tiatirapi causacujcuna, cancunamanta maijancunaca chai mana allita yachachishcataca, mana caticunguichijchu. ‘Satanasmanta jatun yachanami’ nishpa paicuna yachachishcata mana catishpaca, allitami ruranguichij. Chaimanta cancunataca, ima shujtajta rurachun mana mandanichu.

Apocalipsis 2:24 Iomraidhean Croise

Hechos 15:28

Jucha illaj Espiritupish yuyachijpi, ñucanchij yuyaipipish chashna rurana alli cajpimi, cancunataca cai mandashcacunamanta ashtahuan shujtaj mana ruranata podipajcunataca mana rurachun mandashun ninchij. Ashtahuanpish cancuna yachaipajcunallatami nishun ninchij:

Hechos 16:14

Chai huarmicunapurapica Tiatira pueblomanta Lidia shuti huarmimi ñucanchij huillashcataca uyacurca. Paica Taita Diosta adoraj, morado sumaj linsocunatapish c'atujmi carca. Pablo huillashcata chasquichunmi Mandaj Jesusca chai huarmipaj shunguta pascarca.

1 Corintios 2:10

Ashtahuanpish Diosca, paipaj Espirituhuanmi chaicunataca ñucanchijmanca ricuchishca. Espirituca, Diospaj tucui imalla yachaitaca tucuitami alli yachan.

2 Corintios 11:3

Chashna cajpipish culebra achca yachaj cashpa Evata umashca shinallataj, cancunatapish tucui shunguhuan mana nij tucushpalla Cristota c'uyacushca yuyaicunata ima shinapish umashpa cungachinatami manchacuni.

2 Corintios 2:11

Satanasca, ñucanchijmanta imata ama cushicuchunmi perdonarcani. Paica ima shinapish millaita ruranata yachaj cashcataca yachanchijmi.

Santiago 3:15

Chashna yuyaica, jahua pachamantaca mana shamunchu. Chaica cai pachamanta, gentecunamanta, diablomantami shamun.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:18

Tiatira pueblopi caj tandanacushca crijcunapaj angelmanpish quillcai: “Ñahuicunapish lunyacuj nina shina, chaquicunapish llambuyachishca bronceman rijchaj shina caj, Diospaj Churica cashnami nin:

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.