Apocalipsis 2:23 - Dios Rimashca Shimicunami

²³ Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.

Mushuj Testamento Diospaj Shimi

²³ Chai huarmipaj huahuacunatapish huañuchishami. Chashna rurajpimi, tucui crij tandanacushcacuna ñucataca, shungupi ima tiyacujta, imata yuyacujta yachangacuna. Ñucami cancunamanca, tucuicunaman imalla rurashcacunamanta cuna cashcata cusha.

Apocalipsis 2:23 Iomraidhean Croise

1 CRÓNICAS 17:18

Cambajta ruraj ñucata chashna alli nijpica, cambajta ruraj Davidca ¿imatataj ashtahuan nishari? Cambajta ruraj ñucataca tucuitami rijsingui.

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

2 CRÓNICAS 6:30

Paicuna mañashcata jahua pacha can causacunmanta uyashpa, paicunata perdonashpaca paicunapaj shungu ima shina cajta can yachashca shinallataj, paicuna ima shina rurashca shinallatajmi tucuicunaman cungui. Tucui runacunapaj shungutaca canllamari yachangui.

JOB 24:23

Diosca imata mana manchashpa, paipi shunguta churana yuyaitami cun. Paipaj ñahuicunaca paicuna purishcatami chaparacun.

SALMOS 139:1

Mandaj Dios, ñucata allimi callarishpa ricungui. Allimi rijsingui.

SALMOS 26:2

Mandaj Dioslla, ñucataca callarishpa alli ricupailla. Quiquinpajtaj cashcatapish ricupailla. Ñuca tucui yuyaicunatapish, ñuca shungutapish shushushpa ricupailla.

SALMOS 44:21

Taita Diosca ¿maitataj mana yachanman carcari? Paica shungupi pacalla cajcunatapish yachanmi.

SALMOS 62:12

Llaquij canapish, Jatun Dios quiquinpajmari. Quiquinmari tucuicunaman japina cashcataca cungui. Ima shina rurashca shinatajmi cungui” nircami.

SALMOS 7:9

Diosca cashcata ruraj cashcamanta shungutapish yuyaitapish yachajmi cangui. Millaicunapaj juchacunataca tucuchiyari. Cashcata rurajtaca sinchita shayachiyari.

JEREMÍAS 11:20

Tucuita Mandaj Dioslla, ashtahuanpish canca tucui runacunapaj shungu yuyaita callarishpa ricujmi cangui. Tucui imamantapish cashcata ricushpa mitsajmi cangui. Cunanca ñucata cashna llaquichishun nicushcataca, cambaj maquipimi mingarini. Ñucamanta paicunata can llaquichishcatamari ricusha nini.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

JEREMÍAS 20:12

Tucuita Mandaj Dioslla, canca cashcata rurajcunataca ricuracunguimi. Shungucunata, yuyaicunataca callarishpami ricucungui. Chaimantami ñucata mitsachunca canman mingarini. Ñucata mitsashpa paicunataca ñuca ricucujpi llaquichiyari.

SOFONÍAS 1:11

Mactespi causajcunalla, huacaichigari. Caipi c'atujcunapish, randijcunapish tucuimari chingarishca. Cullquita apamujcunapish tucuimari chingarishca.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Lucas 16:15

Chaimi Jesusca: “Cancunaca runacunapaj ñaupajllapimi, cancunallataj alli ricurishun nijcuna canguichij. Ashtahuanpish Taita Diosca, cancunapaj shungutaca yachanmi. Runacunalla alli nishcacunataca, Taita Diosca mana ricunachinchu” nircami.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

Juan 4:16

Chaimi Jesusca: –Ri, cambaj cusata cayamugri– nijpi,

Hechos 1:24

Chaimi cashna nishpa, Taita Diosta mañarcacuna: “Jatun Dios canca, tucuicunapaj shungutami rijsingui. Cunan cai ishquimanta maijanta can agllashcata ñucanchijman ricuchihuai.

Romanos 14:12

Chashnami ñucanchijca, cada quiquin imallata rurashcataca Diosman huillashun.

Romanos 8:27

Ashtahuanpish shungucuna yuyashcata callarishpa ricuj Diosca, paipaj Espíritu imata yuyacushcataca yachanmi. Espiritumi, Dios munashca shina jucha illajcunamantaca mañaracun.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.

Gálatas 6:5

Paicuna imata rurashcamantaca, cada quiquinmi chasquingacuna.

DEUTERONOMIO 13:11

Chashna rurajpimi tucui israelcuna yachaj chayashpaca, manchashpa cutinca ña mana chashna millaita rurangacuna.

DEUTERONOMIO 17:13

Chaita tucui israelcuna yachashpaca manchangacunami mana jatun tucungacunachu.

DEUTERONOMIO 19:20

Chashna rurajpimi shujtajcunapish manchashpa chai shina millai yuyaita charinataca cancunapurapica mana yuyangacuna.

DEUTERONOMIO 21:21

Chaipica chai pueblopi causaj tucui c'aricuna rumicunahuan shitashpa huañuchinguichij. Chashnami cancunapuramanta millaitaca tucui anchuchinguichij. Tucui israelcunami chaita uyashpaca manchangacuna.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

1 Pedro 1:17

Tucui imalla rurashcata, mana ñahuita ricushpalla ricuchij Diosta Yaya nishpa mañajcuna cashpaca, cai pachapi pasacujlla shina causashcacamaca tucuipi paita manchashpa causaichigari.

Apocalipsis 2:11

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajcunataca q'uipa huañuica imata mana rurai tucungachu nishpa quillcai” nircami.

Apocalipsis 2:7

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, Diospaj paraíso chaupipi caj, causaita cuj yuramantami carasha nishpa quillcai” nircami.

Apocalipsis 20:12

Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.

Apocalipsis 20:13

Mama cuchapish paipi caj huañushcacunata tigrachircami. Huañuipish, Hadespish paicunapi caj huañushcacunata tigrachircami. Paicunaca tucuicunami imallata rurashca shinallataj ricuchishca carca.

Apocalipsis 22:12

¡Riqui ñallami shamusha! Tucuicunaman imallata rurashca shinallataj japina cashcata cungapaj apashpami shamusha.

Apocalipsis 6:8

Chaita ricushpaca, shuj quillu caballotami ricurcani. Chai caballopi tiyarishcaca, Huañuchij shutimi carca. Hadespish caticurcami: Paicunamanca cai pachata chuscupi chaupishca shuj partetaca jatun macanacuihuan, yaricaihuan, jatun ungüihuan, cai pachapi millai animalhuan huañuchi tucunatami curca.

1 SAMUEL 16:7

Chaimi Mandaj Diosca Samueltaca: “Pai sumaj cashcallata, jatun runa cashcallataca ama ricuichu. Chashnacunataca ñucaca yanganchinimi. Mandaj Diosca runacuna ricuj shinallaca mana ricunchu. Runaca paipaj ñahuipi ricurishcallatami ricun. Ashtahuanpish Mandaj Diosca shungutamari ricun” nirca.