Apocalipsis 2:22 - Dios Rimashca Shimicunami

²² Chaimanta jatun ungüita ñuca cachajpica paica camapimi siriringa. Chai huarmi rurashcacunahuan huainayajcunataca paita shinallatajmi jatunta llaquichisha.

Mushuj Testamento Diospaj Shimi

²² Chaimantami cunanca, jatun nanaihuan siricuchun camapi shitani. Chai huarmihuan huainayajcunatapish, paihuan mana allita ruracushcamanta manataj cutirijpica, jatuntami llaquichisha.

Apocalipsis 2:22 Iomraidhean Croise

JEREMÍAS 36:3

Cai Judá runacunaca, ñuca ima shinalla llaquichisha nishcata uyashpallapish, llaquirishpa paicunapaj millai causaita saquishpa ñucaman cutiringacunapishchari. Cutirijpica, ñucapish paicuna imalla mana allita rurashca juchacunataca, tucuimi perdonasha” nircami.

EZEQUIEL 23:29

Paicunami p'iñarishpa cantaca jatunta llaquichingacuna. Can imalla rurashcamanta japishcacunataca tucuitami quichungacuna, lluchu aichallatami saquingacuna. Chashna yallitaj huainayashpa mapayashcamantaca, pingachishcami cangui.

EZEQUIEL 33:11

Cashnapish ningui: Mandaj Jatun Diosca cashnami nin: Ñucaca causacunimi. Ñucata mana manchaj runataca, mana huañuchun munanichu. Ashtahuanpish pai ima shina causacushcata saquishpa causaita charichunmi munani. Chashna cashcamantaca israelcunalla, cancuna millaita ruracushcata saquishpa, ñucapajman cutirichigari, cutirichigari. ¿Maitataj yangamantaca huañunguichigari? ninmi ni.

SOFONÍAS 3:7

Chai tucui llaquicunata ricushpaca, ñucataca manchangami yuyarcanimi. Imamanta jarcashpa llaquichishcatapish cazungami yuyarcanimi. Ñuca llaquichishcamanta paicuna cazushca cajpica, paicuna causana huasicunatapish mana chingachimanchu carcani. Ashtahuanpish millaitarajmi utca rurarcacuna.

Lucas 13:3

Cancunataca cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij.

Lucas 13:5

Cancunatapish cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij” nircami.

2 Corintios 12:21

Ñuca cutin ricuj shamujpica, cancunapurapi Dios ñucata pingachinatami manchani. Cancunapuramanta achcacuna millaita sarunman rurashcata, huainayashcata, aicha munaita mana jarcari tucushcamanta Diospajman mana cutirishca cajpica, achcata huacanapish cangachari.

Apocalipsis 17:2

Allpa pachapi jatun mandajcunaca chai huarmihuanmi huainayarcacuna. Tucui llajtapi causajcunapish chai huarmita catishpami vinota ubyashpa machaj shina huainayashpa causarcacuna” nircami.

Apocalipsis 18:3

Tucui llajtacunapi causajcunaca, machana vinota ubyaj shinami chai huarmihuan huainayashcacuna. Tucui jatun mandajcunapish chai huarmihuanmi huainayashpa causashcacuna. Chai huarmica chashna achcata charij cashcamantami allpa pachapi randishpa c'atushpa causajcunaca ima shinapish millaita rurashcahuan achcata charijyashcacuna” nircami.

Apocalipsis 18:9

Chai huarmihuan huainayashpa achcata cushicushpa causaj allpa pachapi jatun mandajcunapish, paita rupachishca cushni llujshicujta ricushpaca, jatunta llaquirishpami huacangacuna.

Apocalipsis 2:5

Chaimanta maimanta urmashcata yuyari. Diosman cutirishpa punta ruracushca shinallataj rurai. Mana cutirijpica, utcami cambajman shamusha. Chashna shamushpaca cambaj candelerotami maipi cashcamanta quichushpa anchuchisha.