Apocalipsis 2:16 - Dios Rimashca Shimicunami

¹⁶ Chai mana allicunata rurashcamantaca llaquirishpa Diosman cutiri. Mana chashna rurajpica, cambajman utca shamushpami, ñuca shimimanta llujshij espadahuan paicunahuan macanacusha.

Mushuj Testamento Diospaj Shimi

¹⁶ Cutirishpa, chaicunataca saqui. Can mana cutirijpica, cambajman ña utca shamushpami, ñuca shimimanta llujshij espadahuan paicunahuanca macanacusha.

Apocalipsis 2:16 Iomraidhean Croise

ISAÍAS 11:4

Ashtahuanpish paica piman mana tucushpami, huajchacunataca cashcata rurashpa allichinga. Llajtapi causaj mana mitsari tucucujcunataca piman mana tucushpami allichinga. Cai pachapi causajcunataca paipaj shimimanta llujshij caspihuanmi llaquichinga. Mandaj Diosta mana rijsijcunataca paipaj shimimanta llujshij espirituhuanmi huañuchinga.

ISAÍAS 49:2

Ñuca shimitaca filosapa espadata shinami rurarca. Paipaj maqui llanduhuanmi ñucataca taparca. Ñucataca puntasapa caspita rurashpamari, paipaj huaquichina carapi huaquichirca.

Efesios 6:17

Cascota churarishca shinaca, quishpichishca cashcata yuyaichij. Espiritupaj espadatapish chariraichij. Chaica Diospaj shimimi.

2 Tesalonicenses 2:8

Chai q'uipami chai millai runaca ricuringa. Chaitami Mandaj Jesusca, paipaj shimihuan p'ucushpalla huañuchinga. Pai achij nicuj shamushpami chingachinga.

Apocalipsis 1:16

Paipaj alli lado maquipica, canchis luzerocunatami charicurca. Paipaj shimimantaca ishqui filoyuj puntasapa espadami llujshicurca. Paipaj ñahuipish inti punllapi inti lamyacuj shinami carca.

Apocalipsis 16:9

Chaimi intica ashtahuan rupashpa gentecunataca rupachirca. Chashna rupachijpipish, chai tucuita llaquichi tucuj Diosta jatunyachingapajca paipajmanca mana cutirircacunachu. Ashtahuanpish paipaj shutitaca c'amircacunami.

Apocalipsis 19:15

Tucui llajtacunapi causajcunata chugrichingapajmi paipaj shimimantaca puntasapa espada llujshirca. Paimi tucuicunata fierro varahuan mandanga. Tucuita Rurai Tucuj Diospaj p'iñarishca vinota capingapajmi uvacunata capinapi chaquihuan sarunga.

Apocalipsis 19:21

Caishujcunataca chai yurajlla caballopi tiyarishcami paipaj shimimanta llujshij espadahuan huañuchirca. Paicunapaj aichacunataca tucui angacunami sajsajta micurcacuna.

Apocalipsis 2:12

Pérgamo pueblopi caj tandanacushca crijcunapaj angelmanpish quillcai: “Ishqui filoyuj puntasapa espadata charicujca, cashnami nin:

Apocalipsis 2:5

Chaimanta maimanta urmashcata yuyari. Diosman cutirishpa punta ruracushca shinallataj rurai. Mana cutirijpica, utcami cambajman shamusha. Chashna shamushpaca cambaj candelerotami maipi cashcamanta quichushpa anchuchisha.

Apocalipsis 22:20

Cai tucuita huillajpish: “Ari, ñami shamugrini” ninmi. ¡Chashnataj cachun! ¡Shamuilla, Mandaj Jesús!

Apocalipsis 22:7

¡Riquichij ñallami shamusha! Imalla tucuna cashcata Dios huillachishcata cai libropi quillcashcata cazujca alli nishcami canga ninmi” nircami.

Apocalipsis 3:19

Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.