Apocalipsis 2:13 - Dios Rimashca Shimicunami

¹³ Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Mushuj Testamento Diospaj Shimi

¹³ “Can imata ruracujtapish, maipi causacujtapish yachanimi. Satanás mandacun pueblopimari causacungui. Shina cashpapish ñucataca, ña mana catisha mana nishcanguichu, ñucamanta huillanatapish manataj saquishcanguichu. Satanás mandacun pueblopitaj ñucamanta huillanata alli pajtachij, cancunapura Antipasta huañuchishca punllacunapish manataj mancharcanguichijchu.

Apocalipsis 2:13 Iomraidhean Croise

Mateo 10:23

Shuj pueblopi cancunata llaquichina yuyailla llaquichijpica, shujtaj pueblopi miticugringuichij. Israelpi tiyaj tucui pueblocunapica, Runa Aichayuj tigramungacama manaraj tucui huillanguichijchu. Chashnatajmi canga.

Mateo 24:9

Chai punllacunapica cancunataca llaquichichun prezuchingacunami, huañuchingacunami. Ñucata caticushcamantaca tucuicunami p'iñangacuna.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Lucas 21:17

Ñucata caticushcamantaca tucuicuna p'iñashcami canguichij.

Hechos 22:20

Shinallataj canmanta huillaj Estebanta yahuarsapata rurashpa huañuchicujpipish allimi nishpa, huañuchijcunapaj churanacunatapish cuidashpami ñucaca shayacurcani” nircanimi.

Hechos 9:14

Cunan caipipish cambaj shutipi tucui mañajcunata prezungapajmi, curacunata mandaj curacuna cushca quillcashcata charicun– nircami.

1 Tesalonicenses 5:21

Tucui imalla yachachishcataca, alli cashcata mana alli cashcata alli ricuichij. Alli cajllata chariraichij.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.

2 Timoteo 1:13

Crinatapish, c'uyaitapish Cristo Jesusmanta cashca alli yachachinacunata ñuca yachachishcataca, ama saquishpa catirangui.

2 Timoteo 2:12

Llaquicunatapish apashpaca, paihuanmi mandashun. Paita mana rijsinchijchu nijpica, paipish ñucanchijtaca mana rijsinichu ningami.

Hebreos 10:23

Ñucanchijman cusha nijca pajtachijtajmi. Chaimanta ñucanchij crishpa caticushcataca, ama caita chaita yuyashpa sinchi catishunchij.

Hebreos 3:6

Ashtahuanpish Cristoca, Diospaj Churi cashpami, Diospaj huasi ucupurataca tucuita mandacun. Chaimanta tucuringacama sinchi, chai yuyailla cushicuihuan catishpaca, chai huasica ñucanchijmi canchij.

Santiago 2:7

¿Manachu cancunapaj jahuapi maquicunata churashpa rimashca alli shutita paicunaca c'amincuna?

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 13:2

Ñuca ricushca animalca, leopardoman rijchajmi carca. Paipaj chaquicunaca, osopaj shinami carca. Paipaj shimica leonpaj shimi shinami carca. Dragonca chai animalmanca pai rurai tucunata, paipaj jatun tiyarinata, jatun mandaj canatapishmi curca.

Apocalipsis 14:12

Chashna cana cashcamanta Diospajlla cajcunaca Dios mandashcata cazushpa, Jesusta crishpa catijcunaca mana p'iñarishpa caticunallami.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 17:6

Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.

Apocalipsis 2:2

Ñucaca can imalla rurashcata, shaicuita trabajashcata, mana p'iñarij alli shungu cashcatapish yachanimi. Millaicunata can mana ricunachij cashcatapish yachanimi. Ñucanchijca apostolcunami canchij nijcunatapish paicuna imata rurashcata ricushpa llullacunalla cashcata ricushcatapish yachanimi.

Apocalipsis 3:11

Ñami shamusha. Can japina coronata pi ama quichuchun, can imata charicushcataca alli charirai.

Apocalipsis 3:3

Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.