Apocalipsis 2:10 - Dios Rimashca Shimicunami

¹⁰ Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Mushuj Testamento Diospaj Shimi

¹⁰ Ama manchaichu, sinchi llaquimi shamugrin. Cancunapuramanta maijancunataca, ima shina catijta ricungapajmi, diabloca preźu churachinga. Chunga punllacunatami, chashna tucui laya llaquichingacuna. ¡Cancunaca huañungacama, ñucataca alli caźushpa caticuichijlla! Chashna catijpica, causaita charishcata ricuchij coronatami cusha.

Apocalipsis 2:10 Iomraidhean Croise

SALMOS 31:23

Mandaj Diospajlla cajcuna, tucuicuna paita c'uyaichij. Paillapi shunguta churajcunataca Mandaj Diosmi huaquichin. Imapipish jatun tucushca cajcunamanca, paicuna rurashca shinallatajmi llaquichinga.

LAMENTACIONES 3:57

Ñuca canta mañai punllamari ñucapajman c'uchuyashpaca: “Ama manchaichu” nihuarcangui.

DANIEL 1:12

–Cambajta ruraj ñucanchijmanca chunga punllacunacama yacu granocunallata carashpa, ubyanapajpish yacullata cushpa ñucanchij ima shina tucujta ricuchunmi roganchij.

DANIEL 1:14

Paicuna mañashcata ari nishpami, chunga punllacunacama paicunamanca chashnalla carashpa ricurca.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

Mateo 10:22

Ñuca shutimantaca tucuicuna p'iñashcami canguichij. Ashtahuanpish tucuringacama catirajllami quishpiringa.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Mateo 24:13

Ashtahuanpish tucuringacama catijllami quishpiringa.

Marcos 13:13

Ñuca shutimantaca, tucuicuna p'iñashcami canguichij. Ashtahuanpish tucuringacama catirajllami quishpiringa.

Marcos 8:35

Pipish quiquin causaita quishpichisha nijca, chingaringami. Pipish ñucata catishcamanta, alli huillaimantapish quiquin causaita chingachijcunami, quishpiringa.

Lucas 21:12

Manaraj chashna tucujpica, cancunataca prezu apangacunami. Catirashpa llaquichingacunami. Sinagogacunaman, carcelcunamanpishmi apangacuna. Ñucata caticushcamantaca jatun mandajcunapajman, llajtata mandajcunapajmanpishmi apangacuna.

Juan 12:25

Pipish paipaj causaita c'uyajca, chingachingami. Pipish cai pachapi paipaj causaita mana c'uyajca huiñaitami causanga.

Juan 13:2

Jesusca paipaj yachacujcunandijmi micucurca. Simonpaj churi Judas Iscariotepaj shungupica, ñaupamanmi diabloca Jesusta huañuchichun japichina yuyaita churashca carca.

Juan 13:27

Chai tandata japincami Satanasca Judaspi yaicurca. Chaimi Jesusca: –Imata ruracushcataca ña utca ruragrilla– nirca.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Hechos 21:13

Shina nijpipish Pabloca: –Cancuna chashna huacashpa ñuca shunguta llaquichishpallaca ñucataca mana ayudanguichijchu. Ñucaca mana huatashcallachu casha nini. Ashtahuanpish Mandaj Jesusmantaca, Jerusalenpi huañuna cajpipish huañushallami– nircami.

1 Corintios 9:25

Maijanpish mishanacujca tucuimantami jarcarin. Paicunaca chingarijlla coronata japingapajmi chashna rurancuna. Ashtahuanpish ñucanchijcarin, mana chingarij coronata japingapajmi chashna ruranchij.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

1 Pedro 5:4

Chashna ruracujpi michijcunata Jatun Michij shamujpica, cancunaca mana ismuj, achij nicuj sumaj coronatami chasquinguichij.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 13:2

Ñuca ricushca animalca, leopardoman rijchajmi carca. Paipaj chaquicunaca, osopaj shinami carca. Paipaj shimica leonpaj shimi shinami carca. Dragonca chai animalmanca pai rurai tucunata, paipaj jatun tiyarinata, jatun mandaj canatapishmi curca.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.