Apocalipsis 19:8 - Dios Rimashca Shimicunami

⁸ Paipaj huarmimanca linomanta rurashca lamyacuj churanatami churachun curca. (Linomanta, rurashca churanaca Diospajlla cajcuna imatapish cashcata rurashpa causashcatami ricuchin)”.

Mushuj Testamento Diospaj Shimi

⁸ Paipaj huarmimanca, sumaj achij nicuj alli lino churanatami churarichun curca» nishpami uyarirca. (Tucuita yalli alli linota rurashca churanaca, Diospajlla cajcuna imatapish cashcata rurashpa causashcami).

Apocalipsis 19:8 Iomraidhean Croise

SALMOS 132:9

Quiquinpaj curacunaca cashcata ruranahuan churarishca cachun. Quiquinpaj jucha illajcunaca jatunta cushicushca cachun.

PROVERBIOS 31:22

C'atacunatapish paillatajmari ahuan. Churanacunatapish ashtahuan alli linota ahuashpami, morado sumaj churanacunata churarin.

ISAÍAS 3:23

espejocunatapish, sumaj lino churanacunatapish, umapi churana linsocunatapish, umata huatarinacunatapishmi anchuchinga.

ISAÍAS 61:10

Mandaj Diospimi ñucaca yallitaj cushicusha. Ñuca Taita Diospimi ñuca almaca cushicunga. Paimi ñucamanca churanata shinaca quishpirinata churachirca. Cashcata ruranahuanmi pilluchirca. Noviota shinami sumajta allichirca. Noviata shinami achca valijcunahuan sumajta allichirca.

EZEQUIEL 16:10

Canmanca bordashca churanatapish, tejón nishca pargatetapish, linomanta, sedamanta rurashca churanacunatapishmi churachircani.

EZEQUIEL 44:17

Ñuca huasiman yaicuna, huasi canllapi tiyaj pungucunata yaicungapajpish, ñucapajlla huasipi imata rurangapajpish lino churanata churarichuncuna, millma churanataca ama churarichuncuna.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Mateo 22:12

Paitaca: “Amigo, ¿ima shinataj bodaman shamuna churanahuan mana cashpapish, caimanca yaicumurcangui?” nijpi, paica imata mana ni tucurcachu.

Marcos 9:3

Paipaj churanacunapish rasu shina lamyacujmi tucurca. Cai pachapica chai shina yurajnicujtaca, pi mana tajshai tucunchu.

Lucas 24:4

Chaipi paicuna mancharinacushpa shayacujpimi, lamyacuj churanata churarishca ishqui c'aricuna paicunapaj c'uchupi ñapish shayarircacuna.

Hechos 1:10

Jesús chashna rijta paicuna huichilla ricuracujpimi, ñapish ishqui runacuna yurajlla churanata churarishca paicunapaj c'uchupi ricurishpaca,

Romanos 13:14

Chaipaj randica Mandaj Jesucristota churarichij. Aicha munaicunata rurashpa cushicujcunaca ama caichijchu.

Romanos 3:22

Jesucristopi crijpimi, tucui paipi crijtaca Diosca justifican. Paipajca tucuicuna chai shinallatajmi.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 15:6

Diospaj huasimantaca, canchis angelcunami, canchis llaquicunata apashca llujshircacuna. Paicunaca chuya, achij nicuj, lino churanata churashca, curi tajalitapish tajalishcami carcacuna.

Apocalipsis 19:14

Paitaca cielopi caj soldadocunami yurajlla caballocunapi tiyarishca caticurcacuna. Paicunaca ashtahuan alli linomanta rurashca yurajlla, mana mapayashca churanata churashcacunami carca.

Apocalipsis 3:18

Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.