Apocalipsis 19:6 - Dios Rimashca Shimicunami

⁶ Yallitaj achcacuna rimanacucuj shinaca, achca yacucuna huajiacuj shina, jatunta c'ulun nicuj shinapishmi sinchita cashna nicujta uyarcani: “Tucuita Rurai Tucuj ñucanchijta Mandaj Taita Diosmari mandacun. Chaimanta paitaca cushicushpa ¡Alabaichij!

Mushuj Testamento Diospaj Shimi

⁶ Shinallataj achca gentecuna rimanacucuj shinapish, tauca jatun yacucuna huacacuj shinapish, jatunta cʼulun nicuj shinapishmi sinchita cashna nicujta uyarcani: «¡Diosta alabaichij! Ñucanchijta Mandaj Tucuita Rurai Tucuj Diosmari ña tucuita mandacun.

Apocalipsis 19:6 Iomraidhean Croise

JOB 40:9

¿Canca Dios shina sinchi rigrayujchu cangui imatagari? ¿Cambaj rimashcapish c'ulun nishpachu uyarin imatagari?

SALMOS 47:2

Mandaj Taita Diosca jahua pacha Diosmi. Manchana Diosmi. Paica tucui cai pachata Jatun Mandajmi.

SALMOS 47:7

Taita Diosca tucui cai pachata Jatun Mandajmi. Alli yuyaihuan cantaichij.

SALMOS 77:18

Quiquinpaj rimashcaca jatun acapanapimi c'ulun nishca uyarirca. Quiquinpaj relampacunapish tucui cai pachatami achijyachirca. Allpapish chujchushpami cuyurirca.

SALMOS 93:1

¡Mandaj Diosmi mandacun! Paica mandaj cashcahuan churarishcami. Mandaj Diosca churarishcamari. Tucuita rurai tucuj cashcahuan chumbillirishcamari. Paimi tucui cai pachataca sinchita churarca. Manataj pi cuyuchishcami canga.

SALMOS 97:1

¡Mandaj Diosmari mandacun! ¡Tucui cai pachapi causajcuna jatunta cushicuichigari! ¡Mama cucha c'uchullapi achca llajtacuna cushicuichigari!

SALMOS 97:12

Cashcata rurajcuna, Mandaj Dioshuan cushicuichigari. Paica jucha illajlla cashcata yuyarishpa alabaichigari.

SALMOS 99:1

¡Mandaj Diosmari mandacun! Tucui llajtacunami chujchunga. Paica querubincunapaj jahuapimi tiyacun. Tucui cai pachami chujchunga.

ISAÍAS 52:7

¡Urcucunata shamushpa cushicui huillaita apamujpaj chaquica yallitaj sumajmari! Paica sumaj causaita, alli huillaita, quishpirinata huillashpami Sionmanca: “¡Cambaj Taita Diosmi mandagrin!” ninmi.

JEREMÍAS 51:48

Mandaj Diostajmi cashnapish nin: “Janaj llajtamantami Babiloniata tucuchinaman shamungacuna. Paicuna shamushpa Babiloniata urmachijpica, jahua pachapish, cai pachapish, chaicunapi imalla tiyajcunapishmi jatun cushicuihuan cantangacuna.

EZEQUIEL 1:24

Paicuna puricujpica, paicunapaj alascunaca achca yacu huajiashca shinapish, Tucuita Rurai Tucuj Dios rimashca shinapish, achca runacuna puricuj shinapish, soldadocuna puricuj shinapishmi uyarirca. Paicuna shayarishpaca, alascunataca urichircacunami.

EZEQUIEL 43:2

Chaipica inti llujshin ladomanta Diospaj achij nicuj shamucujtami ricurcani. Chai achij nicujca, achca yacucuna huajiashpa shamuj shinami shamurca. Mandaj Diospaj achij nicujmi, cai llajtataca achij nicujta rurarca.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Apocalipsis 1:15

Paipaj chaquicunapish, hornopi bronceta rupachishpa llambujllata rurashca shina achij nicujmi carca. Pai rimashcapish, achca yacu huajiacuj shinami carca.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 12:10

Chai q'uipaca cielopica, sinchita cashna caparijtami uyarcani: “Diospaj ñaupajpi ñucanchij huauquicunata punllapish tutapish juchachijtaca cielomanta ñami shitashca. Chaimanta cunanmari quishpirinapish ñucanchij Diospaj mandanapish, pailla tucuita rurai tucuj canapish, Cristo mandai tucunapish ña chayamushca.

Apocalipsis 14:2

Cielomantaca jatun yacucuna huajiashca shinata, jatunta c'ulun nicuj shina shuj rimashcatapishmi uyarcani. Chai rimashcaca, arpapi tocajcuna tocajpi paicunapaj arpacuna uyarij shinatami uyarcani.

Apocalipsis 19:1

Chai q'uipaca cielopica achcacuna sinchita cashna nishpa rimanacucuj shinatami uyarcani: “Ñucanchijta Mandaj Taita Diosca Quishpichijmari, alli nishcamari, sumaj nishcamari, Tucuita Rurai Tucuj nishcamari. Chaimanta paitaca ¡Alabaichij!

Apocalipsis 19:4

Ishqui chunga chuscu ancianocunapish, causaiyuj chuscucunapish jatun tiyarinapi tiyacuj Diostaca, cungurishpami adorarcacuna. Paicunaca: “¡Chashna cachun! nishpaca, cushicushpami ¡Alabarcacuna!”

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 6:1

Canchis sellashcacunamanta shujtaca Oveja pascajtami ricurcani. Chaita pascajpica, causaiyuj chuscucunamanta shujca, c'ulun nij shina uyarishpami: “¡Shamui ricungui”! nirca.

Apocalipsis 8:5

Chai angelca, incienso churanata japishpami altarpi rupacuj ninata jundachishpa, allpa pachaman shitarca. Chaimi c'ulun nishcacuna, huajiashcacuna, relámpa achij nishcacuna, allpa chujchushpa t'imburipish tiyarca.