Apocalipsis 19:5 - Dios Rimashca Shimicunami

⁵ Jatun tiyarina chaimanta shuj rimashca uyarishpaca: “Ñucanchij Diospajta ruraj, paita manchajcunaca, uchilla cashpapish, jatun cashpapish allimari cangui nichij” nircami.

Mushuj Testamento Diospaj Shimi

⁵ Jatun tiyarinamantaca shujmi: «Ñucanchij Taita Diostaca, tucui Paita servijcuna, alabaichij. Paita manchajcunaca, jatuncunapish uchillacunapish alabaichij» nishpa uyarirca.

Apocalipsis 19:5 Iomraidhean Croise

SALMOS 115:13

Mandaj Diosta manchajcunataca alli ningamari. Uchillacunatapish, jatuncunatapish alli ningamari.

SALMOS 134:1

Riquichij, Mandaj Diostaca alli nichigari. Mandaj Diospajta ruraj tucuicuna alli nichigari. Mandaj Diospaj huasita tuta cuidajcuna alli nichigari.

SALMOS 135:1

Mandaj Diospaj shutita alabaichigari. Mandaj Diospajta rurajcuna, paita alabaichigari.

SALMOS 150:6

Mandaj Diostaca tucui samaita aisajcuna alabaichigari. ¡Mandaj Diosta alabaichigari!

SALMOS 22:23

Mandaj Diosta manchajcunaca paita alabaichigari. Jacobpaj huahua huahuacuna paitaca jatunyachichigari. Cancunaca Mandaj Diosta manchaichij. Israelpaj huahua huahuacunami canguichij.

Apocalipsis 13:16

Shinallataj uchillacunata, jatuncunata, charijcunata, huajchacunata, amopajta rurajcunata, amopajta mana rurajcunatapish tucuicunata alli lado maquipi cashpa, frentepi cashpapish, ricuna sellota churachunmi mandarca.

Apocalipsis 16:17

Sujtapaj q'uipa ángel, copapi tiyacuj llaquita huairapimi tallijpica, cielopi caj Diospaj huasi ucupi tiyaj jatun tiyarinamantami: “¡Ñami tucuchishca!” nishpa, sinchita rimashca uyarirca.

Apocalipsis 19:18

Jatun mandajcunapaj, soldadocunata mandajcunapaj, c'ari c'ari cajcunapaj, caballocunapaj, caballopi tiyarijcunapaj, amopajta rurajcunapaj, amopajta mana rurajcunapaj, uchillacunapaj, jatuncunapaj tucuicunapaj aichacunata micuj shamuichij” nircami.

Apocalipsis 20:12

Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.