Apocalipsis 19:4 - Dios Rimashca Shimicunami

⁴ Ishqui chunga chuscu ancianocunapish, causaiyuj chuscucunapish jatun tiyarinapi tiyacuj Diostaca, cungurishpami adorarcacuna. Paicunaca: “¡Chashna cachun! nishpaca, cushicushpami ¡Alabarcacuna!”

Mushuj Testamento Diospaj Shimi

⁴ Ishqui chunga chuscu yuyajcunapish, causaiyuj chuscucunapish jatun tiyarinapi tiyacuj Taita Diostaca pambacama cumurishpami adorarcacuna. Paicunaca: «¡Chashna cachun! ¡Diosta alabaichij!» nircacunami.

Apocalipsis 19:4 Iomraidhean Croise

1 CRÓNICAS 16:36

Israelcunata Mandaj Taita Diosca huiñaimanta huiñaicama cajmi. Paitaca alli nishca cachun” nircami. Shina nijpica tucuicunami: “Chashna cachun” nishpa, Mandaj Diosta alabarcacuna.

NEHEMÍAS 5:13

Ñuca churanata chaspishpami cashna nircani: “Cunan ari nishcata mana pajtachijtaca Taita Diosca cambaj familiatapish, cambaj trabajotapish cashna chaspijpi ima illaj saquirichun nijpimi, tucui chaipi tandanacushcacunaca “¡Chashnataj cachun!” nishpaca Mandaj Diosta alabashpa tucuicuna ima shina ari nishca shinataj pajtachircacuna”.

NEHEMÍAS 8:6

Esdrasca: “Tucuita rurai tucuj Mandaj Diostami allimari cangui” nirca. Tucui chaipi cajcunaca, paicunapaj maquicunata huichi chutashpami: “¡Chashna cachun, chashna cachun!” nishpa cutichircacuna. Chashna nishpaca tucuicuna shungucuna cumurishcami, pambaman tupajta cumurishpa Mandaj Diosta adorarcacuna.

SALMOS 104:35

Juchayujcunataca cai pachamanta chingachishca cachun. Diosta mana rijsijcunaca tucui illashca cachun. ¡Ñuca almalla, Mandaj Diosta allimari cangui niyari! ¡Paitamari alabani!

SALMOS 106:48

Mandaj Diosca alli nishca cachun. Israelcunapaj Taita Diosca huiñaimanta huiñaicama alli nishca cachun. Chaitaca tucuicuna: “Chashna cachun” nichigari. Mandaj Diostaca alabaichigari.

SALMOS 41:13

Mandaj Diostaca alli nishca cachun. Israelcunapaj Diostaca huiñai huiñaita alli nishca cachun. Chashna cachun. Chashna cachun.

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

SALMOS 89:52

Mandaj Diosca huiñaita alli nishca cachun. Chashna cachun. Chashna cachun.

JEREMÍAS 28:6

Dios ima nishcata huillaj Jeremiasca cashnami nirca: –Chashna cachun, Mandaj Diosca can nishca shina rurashca cachun. Mandaj Diospaj huasimanta apashca charinacunatapish, tucui prezu apashcacunatapish Babilonia llajtamanta utcami caiman tigrachishpa cachangacuna nishpa can huillashcataca, Mandaj Diosca chashnataj rurashpaca allitajchari canmanri.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

1 Corintios 14:16

Espiritullapi Diosta alli nijpica, manaraj yachajca can ima nishcata mana yachashcamantaca, Diosta can pagui nijpipish ¿ima shinataj “Chashna cachun” ningari?

Apocalipsis 15:7

Chai causacuj chuscucunamanta shujmi, canchis angelcunamanca huiñai huiñaita causacuj Dios p'iñarishpa jatunta llaquichinahuan junda canchis curi copacunata curca.

Apocalipsis 19:1

Chai q'uipaca cielopica achcacuna sinchita cashna nishpa rimanacucuj shinatami uyarcani: “Ñucanchijta Mandaj Taita Diosca Quishpichijmari, alli nishcamari, sumaj nishcamari, Tucuita Rurai Tucuj nishcamari. Chaimanta paitaca ¡Alabaichij!

Apocalipsis 19:3

Cutinmi cashna nirca: “Chai huarmi rupashca cushnica huiñai huiñaita llujshicungallami. Chaimanta ñucanchij Diostaca ¡Alabaichij!” nircacunami.

Apocalipsis 19:6

Yallitaj achcacuna rimanacucuj shinaca, achca yacucuna huajiacuj shina, jatunta c'ulun nicuj shinapishmi sinchita cashna nicujta uyarcani: “Tucuita Rurai Tucuj ñucanchijta Mandaj Taita Diosmari mandacun. Chaimanta paitaca cushicushpa ¡Alabaichij!

Apocalipsis 5:14

Chaipica chai causaiyuj chuscucunapish: “¡Chashnataj cachun!” nijpica ishqui chunga chuscu ancianocunapish cungurishpa cumurishpami, huiñai huiñaita causacujta adorarcacuna.