Apocalipsis 19:12 - Dios Rimashca Shimicunami

¹² Paipaj ñahui luluncunapish lunyacuj nina shinami carca. Umapipish achca coronacunata churashca, pi mana yachashca pailla yachashca shutita quillcashcatapishmi charirca.

Mushuj Testamento Diospaj Shimi

¹² Paipaj ñahuicunapish, lunyacuj nina shinami carca. Umapica, tauca coronacunata churashcami carca. Shinallataj pi shujtaj mana yachashca, Pailla yachashca shutita quillcashcatapishmi charirca.

Apocalipsis 19:12 Iomraidhean Croise

GÉNESIS 32:29

Jacobca paitapish: –Cunantajca cambaj shutita huillayari– nijpimi paica: –Ñuca shutitaca ¿imapajtaj yachasha ningui?– nirca. Shina nishpami chai runaca Jacobtaca chaillapitaj alli cashca cachun nirca.

SALMOS 8:5

Ashallamantami angelcuna shinallatataj mana rurashcangui. Jatun nishca canata, alli nishca canatami coronata shina churachishcangui.

ÉXODO 23:21

Paipaj ñaupajpica cazuj, alli cangui. Pai ima nishcata uyangui. Paitaca ama c'ariyangui. Can c'ariyashcataca paica mana perdonangachu. Ñuca shutica paipimi.

PROVERBIOS 30:4

¿Pitaj jahua pachaman rishpa cutin tigramushcari? ¿Pitaj huairataca maquipi lutsashpa chari tucungari? ¿Pitaj mama cucha yacutapish paipaj jahua churanapi pillushpa chari tucungari? ¿Pitaj cai allpa maicama canatapish alli ricushpa churarcari? ¿Tucui chaita rurajtaca, pi cashcata yachanguichu? ¿Paipaj churitapish rijsinguichu?

CANTARES 3:11

Siónpi causaj solteracunalla, jatun mandaj Salomonta ricunaman llujshichigari. Paipaj shungu cushicuna punllapi, pai casarai punllapi, paipaj mama churachishca coronata churashcamari shamucun.

ISAÍAS 62:3

Mandaj Diospaj maquipica, achij nicuj coronata charicushca shinami cangui. Cambaj Diospaj maquipica, jatun mandaj churarina diadema shinami ricuringui.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

DANIEL 10:6

Paipaj cuerpoca, berilo shinami carca. Paipaj ñahuica relampa shina achij nicujmi carca. Paipaj ñahui luluncunaca nina sindi shinami carca. Paipaj rigracuna, paipaj chaquicunaca bronceta llambujllata rurashca shina achij nicujmi carca. Pai rimashcaca achcacuna jatunta bullacuj shinami uyarirca.

ZACARÍAS 9:16

Chai punllacunapica paicunata Mandaj Diosmi, pai agllashcacunataca canlla ovejata shina quishpichinga. Paipaj llajtapica diademapi churashca achij nicuj rumicuna shina sumajyachishcami cangacuna.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 21:5

“Sionpi causajcunamanca: Cancunapaj jatun Mandajca, manso shungumi. Burropi tiyarishcami cancunapajman shamucun. Aparij burropaj huahua burropi tiyarishcami shamucun nichij” nishcami carca.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:12

Paicunahuan cai pachapi cashpaca, quiquin ñucaman cushcacunataca quiquinpaj maquipimi huaquichircani. Paicunaca shujllapish mana chingarircachu. Quillcachishcapi nishca pajtachunmi, chai chingarina cashca runalla chingarirca.

Efesios 1:21

Poderyujcunapaj, mandanata charijcunapaj, poderhuan mandajcunapaj, tucui laya shutichishcacunapaj jahuapipishmi paica mandacun. Mana cunan punllacunallapichu, ashtahuanpish q'uipa punllacunapipishmi mandanga.

Hebreos 2:9

Ashtahuanpish Jesustaca ashacamallami angelcunata yalli yangallata rurashcata ricunchij. Diosca mana c'uyaipajta c'uyaj cashpami, tucuicunamanta huañuita rijsichun nirca. Llaquita apashpa huañushcamantaca, tucuicunata yalli sumaj alli nishcatami rurashcangui.

Apocalipsis 1:14

Paipaj umapish ajchacunapish, yurajlla millma shina, rasu shina lamyacujmi carca. Paipaj ñahuicunapish, lunyacuj nina shinami carca.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 13:1

Mama cucha c'uchu t'iyu allpapica dragón shayacujtami ricurcani. Chai q'uipaca mama cucha chaupimantaca canchis umacunayuj, chunga gachucunayuj animal llujshicujtami ricurcani: Chai gachucunapica, chunga coronacunatami churashca carca. Chai canchis umacunapica Diosta c'amishpa rimashca shutitami quillcashca carca.

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.

Apocalipsis 3:12

Mishajtaca, ñuca Diospaj huasipaj pilartami rurasha. Chaimantaca, manataj llujshingachu. Paipica, ñuca Diospaj shutita, ñuca Diospaj pueblopaj shutitapish quillcashami. Chai puebloca jahua pacha ñuca Diospajmanta uriyamucuj mushuj Jerusalén shutimi canga. Mishajcunapica ñuca mushuj shutitapish quillcashami.

Apocalipsis 6:2

Chaita ricushpaca, shuj yuraj caballotami ricurcani. Chai caballopi tiyacujca, caspita shitana shuj arcotami charicurca. Paimanca shuj coronatami curca. Paica ñami mishashca carca. Ashtahuan mishangapajmi llujshirca.

JUECES 13:18

Mandaj Diospaj angelca: –Ñuca shutitaca ¿imapajtaj tapungui? Ñuca shutica mancharinamari– nircami.