Apocalipsis 19:10 - Dios Rimashca Shimicunami

¹⁰ Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Mushuj Testamento Diospaj Shimi

¹⁰ Chashna nijpimi angeltaca, pambacama cumurishpa adorasha nircani. Ashtahuanpish paica, cashnami nirca: «¡Riqui, ama cashna ruraichu! Ñucapish can shinallataj, Jesús huillashcata alli huillaj cambaj huauquicuna shinallataj, Diosta servijllami cani. ¡Taita Diosllata adorai! Jesús huillashcatami, Dios ima nishcata huillajcunaca, Diospaj Espiritullataj yuyachijpi huillancuna» nircami.

Apocalipsis 19:10 Iomraidhean Croise

2 REYES 17:36

Ashtahuanpish Egiptomanta jatun poderhuan, paipaj maquihuan cancunata llujshichimuj pai Mandaj Diosllata manchanguichij, paillata adoranguichij, paillaman sacrificiota cunguichij.

SALMOS 45:11

Can sumaj huarmitaca jatun mandajmari munanga. Paica cambaj mandaj cashcamanta paitami cazuna cangui.

ÉXODO 34:14

Shujtaj dioscunapaj ñaupajpica ama cunguringuichijchu. Mandaj Diosca paipajlla cachun munaj shutimi. Paipajlla cachun munaj Taita Diosmi.

DANIEL 2:46

Shina nijpica, jatun mandaj Nabucodonosorca Danielpaj ñaupajpi pambaman tupajta cumurishpami alli nirca. Chaimantaca convidanacunata cushpa Danielpaj ñaupajpi inciensota rupachichunmi mandarca.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Marcos 5:22

sinagogapi pushaj Jairo shuti runa shamurca. Ña Jesusta ricushpaca, paipaj chaquiman cumurishpami:

Marcos 7:25

Shuj huarmica Jesús chaipi cashcata yachaj chayashcahuanmi paipajman shamushpa paipaj ñaupajpi cungurirca. Chai huarmipaj ushushica millai espíritu japishcami carca.

Lucas 1:19

Shina nijpi angelca: –Ñucaca Diospajta rurangapaj paipaj ñaupajpi shayacuj Gabrielmi cani. Paimari canman cai alli huillaita huillachun cacharca.

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Juan 5:39

Quillcachishcacunata yachashpami huiñai causaita charishun yuyanguichijmi. Chai Quillcallatataj callarishpa alli ricuichij. Chai Quillcachishcacunaca ñucamantamari huillacun.

Hechos 10:43

Profetacunapish Jesusmanta huillashpaca, paita crijcunallatami juchacunata perdonanga nishpami tucuicunallataj huillarcacuna– nircami.

Hechos 13:27

Jerusalenpi causajcunapish, paicunata mandajcunapish Jesús pi cashcataca mana yacharcacunachu. Profetacuna quillcashcacunata samana punllacunapi rezashcata uyashpapish mana entendircacunachu. Chaimantami Jesusta huañuchishpaca profetacuna huillashcataca paicunallataj pajtachij tucurcacuna.

2 Corintios 8:7

Cancunaca alli crijcuna, alli yachachijcuna, alli yuyaiyujcuna, imatapish cushicushpa rurana yuyaiyujcuna, ñucanchijta c'uyajcunapishmi canguichij. Chashnallataj cancunaca yallitaj cujcuna caichij.

Efesios 5:15

Riquichij, ima shina puricushcata alli yuyarichij. Ama ch'ahuancuna shina, ashtahuanpish yachajcuna shina caichij.

Efesios 5:33

Chaimanta quiquin c'uyarij shinallataj, paicunapaj quiquin huarmitapish c'uyachun. Huarmipish, paipaj cusata respetachun ninimi.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

1 Tesalonicenses 5:15

Maijanpish ima mana allita rurajpica, ñataj canpish chashnallataj ruranguiman. Chaipaj randica, caishuj chaishujhuan, tucuicunahuanpish allita rurashpa catichij.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

1 Juan 5:10

Diospaj Churipi maijanpish crijca, pai quiquinllapitajmi huillajtaca charin. Diosta maijanpish mana crijca, paitaca llullatami ruran. Paipaj Churimanta Dios huillashcatami mana crishca.

1 Juan 5:21

Huahuacuna, rurashcalla dioscunataca amataj adoranguichijchu. Chashna cachun.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 14:7

Chai angelca: “¡Diosta manchaichij, paitaca jatunmari cangui nichij. Imalla rurashcata Dios ricuchishpa llaquichinaca, ñamari chayamushca. Chaimanta cielota, allpa pachata, mama cucha yacuta, llujshicuj yacucunatapish rurajta adoraichij!” nishpami, sinchita caparirca.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 4:10

ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami: