Apocalipsis 18:8 - Dios Rimashca Shimicunami

⁸ Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.

Mushuj Testamento Diospaj Shimi

⁸ Chaimanta paitaca, shuj punllallapimi, paita japina cai tucui llaquicuna japinga: Ungüicuna, llaquicuna, yaricaimi japinga. Paitaca, ninahuan rupachishpami tucuchinga. Pai imallata rurashcamanta juchachij Mandaj Taita Diosca, Tucuita Rurai Tucuj cashpami, chashna llaquichinga» nircami.

Apocalipsis 18:8 Iomraidhean Croise

JOB 9:19

Pai imata rurai tucuj cashcata rimajpica, tucuita rurai tucujmi. Ima rurashcata ricui callarijpica, ¿pitaj ñucapaj randica, shayari tucungari?

SALMOS 62:11

Shuj cutinca Taita Diosca rimarcami: Ishqui cutinca cashna nijtami uyarcani: “Tucuita rurai tucuj canaca Taita Diospajmi.

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

ISAÍAS 9:14

Chaimantami Mandaj Diosca israelcunapajtaca umatapish chupatapish chai punllallataj p'itinga. Yuratapish chai punllallatajmi ramacunandij p'itinga.

JEREMÍAS 50:31

Tucuita Mandaj, Jatun Diosca cashnapishmi nin: “Jatun tucushca llajtalla, cantaca japinamari tiyacuni. Ñuca canta llaquichina punlla, ñacachina huata chayamungami.

JEREMÍAS 50:34

Shina cajpipish paicunata mitsaj, tucuita Mandaj Dios ñucatajmi Babilonia llajtataca llaquichisha. Ñucaca tucuita Mandaj shutimi cani. Ñuca shayarishpami, israelcunataca cacharichisha. Chashnamari ñucaca cai llajtataca, Babilonia llajta llaquichicunmantaca samachisha” ninmi.

JEREMÍAS 51:58

Tucuita Mandaj Diosca cashnapishmi nin: “Babilonia pueblo muyundijta shayacuj jatun ancho pircaca tucui urmachishpa, pambapi shitashcami canga. Chai pircapi caj jatun pungucunapish ushpallami saquiringa. Tucui llajtacunamanta shamushca runacuna shaicuita trabajashcaca ninapajlla, yanga trabajashcami tucunga” ninmi.

JEREMÍAS 51:6

Babiloniamanta llujshishpa callpaichigari. Cancunapaj causaillatapish quishpichichigari. Chai llajta runacuna millaita rurashcamantami, Mandaj Diosca llaquichigrin. Paicunata llaquichina punllamari chayamushca. Paicunaman cuna cashcatamari cugrin.

JOEL 2:11

Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

1 Corintios 10:22

¿Mandaj Jesús p'iñarishpa llaquichingacamatajchu chashna rurashun? ¿Ñucanchijca paita yalli poderyujchari canchij?

Apocalipsis 11:17

cashnami nircacuna: “Tucuita Rurai Tucuj Mandaj Taita Dios, cantami pagui ninchij. Canllatajmi cunanpish, sarunpish, shamuna cajpish cangui. Cambaj tucuita rurai tucuj cashcahuanmi ña mandai callarishcangui.

Apocalipsis 17:16

Can ricushca jatun animalpish, chunga gachucunapish, huainayashpa causaj huarmitaca shitashca lluchullatami saquingacuna. Paipaj aichataca micungacunami, ninapi rupachingacunapishmi.

Apocalipsis 17:18

Can ricushca huarmica, allpa pachapi jatun mandajcunata, mandacuj jatun pueblomi” nircami.

Apocalipsis 18:17

Pai achcata charishcacunaca cungaillapimari ñapish tucui chingarishca” ningacunami. Shinallataj barcocunapi mandajcunapish, barcocunapi rijcunapish, barcocunata purichijcunapish, mama cucha yacupi trabajajcunapish tucuicuna carullaman shayarishpami,

Apocalipsis 18:19

Chashna nishpaca, paicunapaj uma jahuata allpata shitarishpa, jatunta llaquirishpa huacashpami: “¡Aij, aij, jatun pueblolla, paimantamari mama cuchapi barcocunata tucui charijcunaca achcata charijyarcacuna! ¡Cungaillapimari ñapish tucui chingachishca saquirishca! nircacunami.

Apocalipsis 19:3

Cutinmi cashna nirca: “Chai huarmi rupashca cushnica huiñai huiñaita llujshicungallami. Chaimanta ñucanchij Diostaca ¡Alabaichij!” nircacunami.