Apocalipsis 18:7 - Dios Rimashca Shimicunami

⁷ Pai jatun tucushpa munashcata rurashpa achcata cushicushpa causashca shinallataj jatunta llaquichichij, achcata huacachichij. Paica shungupica: Ñucaca jatun mandaj shinamari tiyacuni, ñucaca mana viudachu cani, ima llaquitapish mana charishachu” niricunmi.

Mushuj Testamento Diospaj Shimi

⁷ Paica, jatun tucushpa, munarishcata rurashpami, achcata cushicushpa causarca. Cunanca, chai shinallataj jatunta llaquichishpa huacachichigari. Paipaj shungupica: “Ñucaca, jatun mandaj huarmi shinamari mandashpa tiyacuni. Ashta mana viuda huarmichu cani. Imamanta huacanata mana charishachu” nirishpami tiyacun.

Apocalipsis 18:7 Iomraidhean Croise

ESTER 6:10

Shina nijpimi, jatun mandajca Amantaca cashna nirca: –Utca rishpa churanatapish, caballotapish apamugri. Ña apamushpaca, Judá llajtamanta caj Mardoqueotaca, can imallatami ningui, chai shinallataj ruragri. Ñuca mandana huasiman yaicuna pungullapimi tiyacun– nircami.

SALMOS 10:6

Paipaj shungupica: “Ñucataca pi mana urmachingachu, ima llaquipish manataj japingachu” ninmi.

SALMOS 45:9

Quiquin mandacunpica jatun mandajcunapaj ushushicunami. Quiquinpaj alli ladomanca jatun mandaj huarmimi tiyacun. Paica Ofirmanta curita churarishcami tiyacun.

JEREMÍAS 13:18

Jatun mandajtapish, jatun mandajpaj mamatapish cashna ni: Cancuna jatun cashcata ricuchij coronaca, cancunapaj umamanta pambaman urmashcami. Cunanca jatun tiyanamanta uriyashpa, pambapi tiyarishpa huacaichijlla.

LAMENTACIONES 1:1

¡Aij, achcacuna causacushca puebloca shitashcamari saquirishca! Tucui llajtacuna rijsishca jatun pueblomari carca. Cunanca cusa huañujpi viuda saquirishca huarmi shinamari. Tauca llajtacunata mandana pueblomari carca. Cunanca impuestota pagajmari tucushca.

EZEQUIEL 23:34

Chaitaca tucuringacamami ubyangui. Chai cáliz vasollatataj p'aquishpami, chai mirgacunahuan cambaj chuchucunataca aspirishpa chugrichingui. Mandaj Dios ñucatajmi chashna nini, chaica chashnatajmi tucunga.

ABDÍAS 1:3

Canca jatun tucushpami umarircangui. Jahua peña quinripi tiyaj jutcucunapi causashpallami: ¿Pitaj caimantaca pambaman urmachingari? yuyangui.

SOFONÍAS 2:15

Chai puebloca, imata mana manchashpa, cushicushpami causarca. Chaipi causajcunaca, paicunapaj shungupica: “Ñucanchijllamari cashna jatunca canchij” nijcunami carca. ¡Riquichigari, ima shinami sacha animalcuna causanapaj shitashca saquirishca! Chashna tucushcamantaca, maijanpish chai c'uchullata purijcunaca maquipi huajtarishpami asingacuna.

1 Timoteo 5:11

Viudacunapaj shuticunata churanapica, q'uipa huiñai viudacunapaj shuticunata churachunca ama saquingui. Paicunaca cazarana munaicuna atijpi Cristota p'iñashpa cazarasha ninllacunami.

Apocalipsis 18:3

Tucui llajtacunapi causajcunaca, machana vinota ubyaj shinami chai huarmihuan huainayashcacuna. Tucui jatun mandajcunapish chai huarmihuanmi huainayashpa causashcacuna. Chai huarmica chashna achcata charij cashcamantami allpa pachapi randishpa c'atushpa causajcunaca ima shinapish millaita rurashcahuan achcata charijyashcacuna” nircami.

Apocalipsis 18:9

Chai huarmihuan huainayashpa achcata cushicushpa causaj allpa pachapi jatun mandajcunapish, paita rupachishca cushni llujshicujta ricushpaca, jatunta llaquirishpami huacangacuna.