Apocalipsis 18:6 - Dios Rimashca Shimicunami

⁶ Chai huarmimanca pai cushca shinallataj tigrachichij. Imalla rurashcamantaca chaupihuan yallita paimanca tigrachichij. Chagrushpa calizpi ubyachishcamantaca chaupihuan yallita chagrushpa paimancarin ubyachichij.

Mushuj Testamento Diospaj Shimi

⁶ Chai huarmimanca, cancunaman pai cushca shinallataj cuichij, pai rurashcamantaca chaupihuan yallitapish tigrachichij. Cancunaman ubyachingapaj pai chagrushpa allichij cashca vasollapitaj, paimancarin ashtahuan ubyanacunata chagrushpa ubyachichigari.

Apocalipsis 18:6 Iomraidhean Croise

SALMOS 137:8

Babilonialla, canpish chingarinapajmi tiyacungui. Ñucanchijta can imallata rurashca shinallataj canta llaquichijca cushichishcami.

SALMOS 28:4

Paicuna rurashca shinallataj llaquichi. Paicuna millaita rurashca shinallataj ñacachi. Paicuna rurashcamanta japinataca, paicunapaj maquihuan ima shina rurashca shinallataj llaquichi.

ISAÍAS 40:2

Jerusalenpi causajcunaman caparishpa paicunapaj shunguman chayajta cashna nishpa huillaichij. Cancuna llaquita apana punllaca ñamari tucurishca. Cancunapaj juchacunataca ñami perdonashca. Cancunapaj juchamantaca Mandaj Diospaj maquihuan llaquichicujpica ishquihuan yallitami llaquicunata chasquishcanguichij ninmi.

ISAÍAS 61:7

Yallitaj pingachishca, yallitaj yanganchishca canapaj randica, quiquin llajtacunallapitajmi cancunataca allimi canguichij ningacuna. Jatun llaquita apashcamantaca, quiquin allpapica yallitaj charijcunami canguichij. Huiñaipaj cushicuitami charinguichij.

JEREMÍAS 16:18

Paicuna imalla millaita, imalla juchata rurashcamantarajmi shuj cutihuan yallita pagasha. Paicunapaj huañushca dioscunahuanmi ñuca allpataca mapayachircacuna. Ñuca tucui llajtapimi, chai millananacunata jundachircacuna” ninmi.

JEREMÍAS 17:18

Ñucata manchachinapaj randica, ñucata p'iñajcunata manchachiyari. Ñucata pingachinapaj randica, paicunata pingachiyari. Paicunapajca jatun llaqui punllata apamuiyari. Yuyarishpa, yuyarishpa llaquichiyari.

JEREMÍAS 50:15

Tucui muyundijpi shayarishpa, macanacunata callarinapaj caparirichij. Ñamari Babilonia pueblo muyundij jatun pirca t'unirin, callari rumicunamantapachamari urman. Chai pueblopi causajcunaca ñamari paicunataj llujshishpa japi tucuncuna. Mandaj Dios paicunata llaquichina punllamari, paicunataca llaquichichijlla. Paicuna shujtajcunata rurashca shinallataj ruraichijlla.

JEREMÍAS 50:29

“Babiloniapi causajcunataca puntajlla caspicunahuan huañuchichun tucui arcoyujcunata tandachichij. Tandanacushpa paipaj tucui muyundijpi shayarichij, shujllatapish ama causaj llujshichun saquichijchu. Paicuna rurashcallatataj cutichichigari. Paicunaca israelcunapaj jucha illaj Mandaj Diostamari jatun tucushpa c'ariyarcacuna.

JEREMÍAS 51:24

Mandaj Diosca cashnami nin: “Babiloniapi causajcunatapish, tucui Caldea llajtapi causajcunatapish Siónpi tucui laya llaquicunata rurashcamantami, cancuna ricucujllapitaj llaquichigrini” ninmi.

JEREMÍAS 51:49

Babiloniapi causajcunami huañuchircacuna. Paicunamantami chai runacunaca, tucui cai pachapi paicuna huañuchishca shinallataj huañungacuna” ninmi.

LAMENTACIONES 3:64

Mandaj Dioslla, paicunapaj maquihuan rurashcamantaca, japina cashca shinataj cuiyari.

ZACARÍAS 9:12

Prezumanta tigranata shuyacujcunalla, paca tucuna pircaman tigraichigari. Cunanpish, cutinllatajmi cancunataca ñaupamanta yallita mirachisha nishpami huillani.

2 Timoteo 4:14

Fierromanta imatapish ruraj Alejandroca, ñucataca achcatami llaquichirca. Chaimantaca Mandaj Jesusmi, pai rurashca shinallataj cunga.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

Apocalipsis 14:10

Dios p'iñarishpa cachashca jatun llaquitami, machana vinota ubyaj shina paipish apanga. Diosca pai p'iñarishca jatun llaquitaca, imahuan mana chagrushca vinota shinami copapi churarca. Diospajlla angelcunapaj ñaupajpipish, Ovejapaj ñaupajpipishmi azufrehuan rupacuj ninahuan paicunataca jatunta llaquichishca canga.

Apocalipsis 16:19

Chashna t'imburijpica, jatun puebloca quimsapimi chaupirirca. Tucui llajtacunapi tiyaj pueblocunapish urmarcami. Chashna tucujpica jatun Babiloniamanca pai p'iñarishcahuan caj copamanta vinota ubyachinatami Diosca yuyarirca.

Apocalipsis 17:2

Allpa pachapi jatun mandajcunaca chai huarmihuanmi huainayarcacuna. Tucui llajtapi causajcunapish chai huarmita catishpami vinota ubyashpa machaj shina huainayashpa causarcacuna” nircami.

Apocalipsis 17:4

Chai huarmica moradota, pucanicuj churanata churashcami carca. Shinallataj sumaj rumicunahuan, perlacunahuan curihuanpish sumajta allichirishcami carca. Maquipica, millananahuan, huainayashca mapahuan junda curi caliztami charicurca.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.